1е Тимофею 6:18 - Новый Завет на эскимосском языке

¹⁸ Аклъюңилңӯт пинитун писқики, аклъюңитысқики пинитун қыпҳалъыҳқун, иӷлылъңунаки тӯниюкыстаӷлюки иляңитнун югнун.

1е Тимофею 6:18 Iomraidhean Croise

От Матфея 5:42

Китум сямың туңсиӷвикыхкаңатын, тӯнакын. Китум сямың навӷаӷвикыхкаңатын, навӷинъакын».

От Луки 12:21

Иисусым та̄қниқӣ: «Та̄тун юхтун аюқут тама̄кут сямың тамаҳа̄ның кахпагилӷӣт лъмыхнун катам, иўырңа Кияӷныӷми аклъюмалӷӣңӯт».

От Луки 3:11

Кӣмсиқӣ: «Ма̄лӷугыгның қа̄слъилгукувык, алыҳқык тӯнакыхкын аваңилңуӷмун югмун, ынка̄м нықылгукувык таўатынлъю пилӷа̄тын».

Деяния 10:38

Лӣсимакаҳси Иисус Назаретыӷмӣ, Кияӷныӷым имиқа̄ Аглыӷналӷӣгның Таӷныӷагның, аҳтуӷьяҳқа̄нӷилъыӷмыңлъю. Навык алңунак пиныӷмини пинитун пӣқыхкаңи югыт, на̄лъҳуқуқӣлъю тама̄кут Туӷныӷа̄м а̄ҳқутақыхкӣ, қаюҳлъяк Кияӷнық Иисусымылңуқ.

Деяния 11:29

Ухпықат ухпықа̄лгутытың Иудеямылңӯт каюсиӷьюкӣт пикатуталмыгыстун.

Деяния 9:36

Иоппиямиңуқ та̄ўа ухпықақ аӷнақ а̄тҳа Тавифа, (Грегыстун Серна, хўатын писиқ, қуйңиқ), қӯнпың каюсиӷимаҳлъяк, кияң тама̄кунун аклъюмалӷӣнун.

К Римлянам 12:13

Ухпықа̄лгутыхпысинун аклъюлӷӣнун тӯнӣқитык, упуӷатӣқитык кинкуның алңунак.

К Римлянам 12:8

кайымиңукан илямың, кайымилъта; тӯниңукан, иӷлыхпына̄мта тӯнилъта; иглыӷутиңукан, сягиқлъюта иглыӷутилъта; наңлъыкиңукан, қуякусиқлъюку наңлъыкилъта.

1е Коринфянам 16:2

Сивулиҳпигаӷми Сянтилъҳым аӷныӷани қамахлъюси а̄фтӣқитык манимың алъхыӷныҳпысиның. Тӯньяҳқаҳпыси аңталяңа алъхыӷныҳпыси аңталяңаның ӣклъюку тӯньяҳқа̄гуқ. Ынка̄м лъпысинун пикума қырңуҳтифқа̄фси манимың пилӷа̄си.

2е Коринфянам 8:12

Тӯниюпихтыкуфси Кияӷныӷым тугуклъиҳлъықӣ тунусяси. Пиюкақа̄ ю̄к тӯнисқылъюку тӯньяҳқалгукан, иўырңа аваңискан тӯнинӷисяӷңа̄н.

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.

К Галатам 6:10

Ынка̄м пилъыҳқалгунымта ӣўлың пинитун пӣқылътыки қамахтыңъўа̄ӷлюки югыт, кияң тама̄кут аңлыгутылӣткапут Христосыкун.

К Ефесянам 4:28

Тыглыгнӣҳта тыглыгнаниӷли. Итупилъ қыпҳаӷли алъхыӷусяҳқа̄люни аклъюкыхкаминың, тӯнияҳқа̄ҳлъықуқлъю аклъюкилӷӣнун.

1е Тимофею 5:10

Амалъықа тамаңан лӣсимака̄т қыпҳалъыхтуляңа, катам авақутани пинитун аңлистылъҳатун, упуӷаныҳтуляңа, ухпықа̄лгутми итыгӣт уӷвуҳтуӷақлъюки, каюсиӷӣқлъюни сыӷлылӣлӷӣның, қӯнпыңлъю пинитун пӣқылӷӣ.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 13:16

Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.

От Иакова 2:5

Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның.

1е Петра 3:11

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи,

1е Иоанна 3:17

Китум алңунак на̄маӷми кияҳта̄ӷым ысҳаӷлюку ухпықа̄лгутни аклъюмалӷӣ наңлъыкынӷилъкумигу, натынңам Кияӷныӷым пиниқылъҳа илюңанилъықа?

3е Иоанна 1:11

Пиниқыхкамни, сыӷлытун пикаюгыстун пихпынаң, йыӷлыги пинитун пикаюгыстун пӣқи. Кина алңунак пинитун пикаюк Кияӷныӷым пика̄; иўырңа китум алңунак сыӷлытун пикаюгым налъюка̄ Кияӷнық.