1е Тимофею 6:16 - Новый Завет на эскимосском языке

¹⁶ Лъңӣна̄гуқ туқуңигалңуқ. Кияҳтыңъӯқ ниӷугракыхлъягми рыпалъ китум алңунак тугухпагниңита̄. Китум алңунак ысҳӣгата̄, талўа ысҳаӷна̄нӷита̄. Кияӷныӷым пиклъикык қӯлвалъықлъю, аҳтуӷьяҳқа̄нӷилъықлъю қӯнпырухлъяк. Аминь.

1е Тимофею 6:16 Iomraidhean Croise

От Иоанна 1:18

Китум алңунак ысҳӣгата̄ Кияӷнық. Та̄наңинаҳа̄м Иӷныӷым қантаӷантылъыҳпига̄м Атамун, лӣтыстыка̄ югнун.

От Иоанна 14:9

Иисусым пика̄: «Филипп, лъпысинитуңа қавңарухлъяха̄ның, та̄ўа налъюкақсиңа̄? Китум ысҳа̄макумиңа, ысҳақақа̄лъю Ата. Ынка̄м сяңавык пизин: “Кылгутигу Ата хўаңкунъун”?

От Иоанна 6:46

Сюмыҳтаӷаҳпынаси китумун алңунак ысҳа̄манилюку Ата. Кияӷныӷмың тагикам лъңинаҳаӷми ысҳақақа̄ Ата.

От Иоанна 8:58

Иисусым пикӣ: «Ипа уңипа̄тамси, талўа сивуңани Авраамым Хўаңаңӯңа».

К Ефесянам 3:21

Кияӷнық усюқылъыңли ухпықатхун юӷаӷвигнилңуҳтыхун, Христос Иисусыкунлъю. Усюқитыху қӯнпырухлъяк кынлыңуна̄н. Аминь.

К Филиппийцам 4:20

Кияӷнымнун, Атамун усюқилъта, қӯнпырухлъяк кынлыңуна̄н. Аминь.

К Колоссянам 1:15

Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның.

1е Тимофею 1:17

Умӣлыгмун кынлыңилңуӷмун, туқупагниңилңуӷмун, алӣнъыӷилңуӷмун, лъңина̄ Кияӷныӷӯқ; лъңа қӯлвалъыңлилъю, усюқылъыңлилъю қӯнпырухлъяк кынлыңуна̄н! Аминь.

К Евреям 13:8

Иисус Христос алмысиқақа̄ иӷивгақ, аӷныӷми, қӯнпырухлъяклъю.

От Иакова 1:17

Қамахлъютың пинилӷӣтлъю, сялъҳўа̄ҳӣлңӯтлъю тунусят қилягмың пиңӯт. Тама̄кут Атамың пиңӯт улимаӷистыңаның қамахлъюни ниӷугым; алъяңуҳсигатуқлъю, мамлыхтыстиңигатуқлъю.

1е Иоанна 1:5

Уна уңипақ нагақуқаҳпут Иӷныӷаның Кияӷныӷым апыӷнақаҳпут лъпысинун, Кияӷныӷңуқ ниӷугӯқ, мамлылъықшахӣтуқ.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 4:12

Китум алңунак ысҳӣгатңўа̄ӷа̄ Кияӷнық; пиниқускумта Кияӷнық кияҳтыңъӯқ илюмнъи, пиниқылъҳалъю ӣӷўиӷьяҳқа̄гуқ илюмнъи.

От Иуды 1:25

Кияӷныӷым та̄наңинаҳа̄гуқ Кияӷныгым, югуликақӣлъю Атанымтыхун Иисус Христосым туқулъҳакун. Има тазимакырухлъяк, ма̄тын, қӯнпырухлъяк кынлыңуна̄н Кияӷнық а̄ңыҳлъяхтуқ, аҳтуӷьяҳқа̄нӷитыҳлъяхтуқ, иглыӷутңўа̄ сяңўа̄ қамахтыңъўа̄ӷлюку, аҳтуӷьяҳқақынӷита̄ сяңўа̄ қамахтыңъўа̄ӷлюку. Кияӷнық усюқлъи. Аминь.

Откровение 1:8

«Хўаңа Альфаңӯңалъю, Омегаңӯңалъю», пӣқ Атанық Кияӷнық, Аҳтуӷьяҳқа̄нӷитыҳлъяк. Лъңаңӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ.

Откровение 21:3

Нагақуӷақа ма игляхтупихлъыҳӣ умӣлгусигның ақумутагның пилӷӣ: «Ысҳақаҳуқун, Кияӷныӷым кияҳфига югнитуқ! Кияҳфикылъықӣ ынка̄м лъңит юкылъықӣ. Кияӷнық лъңа катам лъңитнилъықуқ ынка̄м лъңа Кияӷнықылъықа̄т.

Откровение 22:5

Тама̄ни унугнаниҳлъықа̄, кынылӷутаҳсюӷнӣӷулъықӣ, налиӷмың сиқиныҳсюӷнӣӷулъықӣ, қаюҳлъяк Атанық Кияӷнық ниӷукылъықа̄т. Иглыӷутилъықутлъю умӣлгулютың қӯнпырухлъяк кынлыңуна̄н.

Откровение 4:11

«Хўаңкута Атаныҳпут Кияӷныҳпут! Лъпык тугупыста̄ӷьяҳқақатын усюқылъыҳлъягыт, қӯлвалъыҳлъягыт, игамсиқаюлъыҳлъягыт аҳтуӷьяҳқа̄нӷилъыҳпынун. Улимакақутыхпының сяңўа̄ қамахтыңъўа̄ӷлюку, пиюкылъыҳпытун кияҳлъықут ынка̄м алъхыӷулъықутлъю уңувалъыӷмың».

Откровение 7:12

Пӣт: «Аминь! Кияӷныҳпут тамаҳаӷми усюқлъигу, ниӷуҳқылъигу, игамсиқаюгвиклъигу, қӯлваӷлигу қаюҳлъяк лъңаңӯқ пыҳқинылъылык, аҳтуӷьяҳқа̄нӷилъылык, икнақылъылыклъю. Лъңа таўатытуқ қӯнпырухлъяк кынлыңуна̄н! Аминь!»