1е Тимофею 6:12 - Новый Завет на эскимосском языке

¹² Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

1е Тимофею 6:12 Iomraidhean Croise

2е Коринфянам 6:7

Қыпҳа̄тңўа̄ҳпут Кияӷнық уңипақылъымтыхун ипапилъық. Атуқақаҳпут Кияӷныӷым аҳтуӷьяҳқа̄нӷилъҳа, ылъқуӷутңалъықлъю гӯтуткылъюку аӷынқигныӷымлъю, сяӷумигныӷымлъю.

2е Коринфянам 9:13

Тӯньяҳқаҳпысигун ипапиҳқылъықуси ухпықиңанилюсилъю, қа̄ткутңанилюсилъю Пинилӷӣнун Уңипа̄нун Христосым. Тама̄кын апалъюқлъюку югыт усюқылъықа̄т Кияӷнық. Усюқылъықа̄тлъю иӷлылъңунаси тӯнилъыҳпысиның Иерусалимыӷмӣнунлъю, иляңитнунлъю.

К Филиппийцам 1:30

Пилъюўалгусиҳтыңъа. Сивунӷани ысҳапакақаҳпысиңа пияқлъӣлӷӣңа, нагақуқақасилъю пияқлъӣлъҳынка ма̄тын. Лъпысилъю тама̄кут ата̄сит пияқлъӣӷуткынъақңўа̄си.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

2е Фессалоникийцам 2:14

Таўатын кияҳта̄лъыӷмун Кияӷныӷым тахсиқақӣси Пинилӷӣтхун Уңипатхун уңипақыхкамыхтыхун; тагисқақӣси пилӣтысқылъюку ныңиҳқаҳси пиниӷналъҳа Атанымта Иисус Христосым.

1е Тимофею 1:18

Тимофейеми иӷнымни, қавңақ иляңита ӯкналиқистыт акузиткыхкақа̄тын. Ынка̄м ма̄тын қылӷамкын акузитаңит гӯтуткики пилъюўамун. Таўатын пинитун пилъюўаҳлъықутын Христосымун.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 4:14

Атуқақигу таӷныӷагныкун тунусяқ илюхпынилңуқ. Та̄на тунусяқ тӯныхка̄гуқ лъпынун ӯкналиқылъыҳқун Пресвитерыт ӣхтиӷақңатын.

1е Тимофею 6:13

Қылыӷнақамкын нагасиманӷани Кияӷныӷым, уңувалъылитикам сямун тамаҳа̄нун уңувалӷӣнун, нагасиманӷанилъю Христосым Иисусым, кӣмсиӷиля̄тақуӷикам Понтий Пилатым.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

2е Тимофею 4:7

Пилъюўа̄ма̄қа пинилӷӣ пилъюўалъық, апыӷӣӷақа килга̄қулъқа, ата̄сӣӷмысимаңинақа̄гуңа Атаныӷмун.

К Евреям 13:23

Лӣсимакысюгамси ухпықа̄лгутымнъың, Тимофейемың, а̄нысима̄қ анусимиңлъяӷвигмың. Ка̄тылӷаҳтуӷьяқан қырңа̄мтуң ысҳаӷьяҳтуҳлъықамси.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

К Евреям 6:18

Кияӷныӷым таўатын кайымилъю. Кияӷнық иқлъыңиқигатуқ акықиныӷмини, иқлъыңиқна̄нӷитуқлъю акықикуми атуқлъюку атыни ипапиҳқынъалюку пияҳқақутни. Та̄кук алъяңуҳтықаҳна̄нӷитук. Хўаңкута анагнӣқани Кияӷныӷмун пақнӣнъалюта, кайымылъыңыҳлъяхтукут сиӷимакналюку Кияӷныӷым акықуся̄.

1е Петра 3:9

Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

1е Иоанна 2:25

Унаңӯқ акықусяқыхка̄ тӯнылъықнилюку хўаңкунъун, кынлыңилңуқ уңувалъық.

От Иуды 1:3

Пиниқыхкамни, письмоӷьюпихтақамси югулилъымнъың. Иўырңа нагақуӷьямки апыҳтуӷистысиӷўа̄ӷыт лъпысинилңӯт, апыӷьюкақа лъпысинун симиӷақа. Лӣсимакаси Кияӷныӷым каяхтыкақӣ апостолынилъю, иляңилъю югыт апыҳтӣсқылъюта ухпықсяҳқамнъың. Ынка̄м китум алңунак алъяңуҳсяҳқақынӷитӣт лъңита апыҳтуӷилъҳит. Тама̄кын апалъюқлъюку письмоңӯңа қывӯлъюси кипулъхина̄ӷысқылъюки апыҳтуӷистысиӷўа̄ӷыт. Апыҳтуӷистыхпынаки ипаңунӷилңуӷның апыҳтӯсӣтның.

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.