1е Тимофею 6:11 - Новый Завет на эскимосском языке

¹¹ Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

1е Тимофею 6:11 Iomraidhean Croise

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

1е Коринфянам 10:14

Пиниқыхкамни, манигӯтыхпынаси кияӷныңлъяқанун.

1е Коринфянам 14:1

Пиниқылъыңьюгатаӷаӷьяҳқа̄гуси пакихулъюку сямың тамаҳа̄ның. Иўырңа пиюкитыкилъю Аглыӷналӷӣм Таӷныӷам тунусӣ, ўата пиюксяҳқақаҳси уңипақилъық Кияӷныӷым уңипа̄мың.

1е Коринфянам 6:18

Лӣсимакынӷистыхӯ югусиси Кияӷныӷым Храмкыхкаңи, Аглыӷналӷӣм Таӷныӷахкынка кияҳфиги? Кияӷныӷым тӯныхкақисӣ Аглыӷналӷӣгның Таӷныӷаӷминың, ынка̄м ма̄тын Кияӷныӷым пилӣткақӣси. Лъпысиның пикынӷитуси. Тама̄кын апалъюқлъюку блудыгпынаси. Блудыӷкуфси, нукыхнаҳқылӷӣстун Кияӷныӷым Храмыңа пилъықаҳси. Иляңи сыӷлыҳқылъҳыт таўатынъыӷитут. Кияӷныӷым тукфиқақӣси акитупихлъюку. Тама̄кын апалъюқлъюку қӯлваҳтыху Кияӷнық югусиҳпысигун.

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

1е Тимофею 4:12

Китумун алңунак паляқыстыхпына̄н аңлинҳа̄малъҳын. Иўырңа ухпықанун успута̄ўи акузилъыҳпыгун, сялъыҳпыгун, пиниқылъыҳпыгун, ухпықилъыҳпыгун, пылюңилъютын кияҳтылъыҳпыгун.

1е Тимофею 5:10

Амалъықа тамаңан лӣсимака̄т қыпҳалъыхтуляңа, катам авақутани пинитун аңлистылъҳатун, упуӷаныҳтуляңа, ухпықа̄лгутми итыгӣт уӷвуҳтуӷақлъюки, каюсиӷӣқлъюни сыӷлылӣлӷӣның, қӯнпыңлъю пинитун пӣқылӷӣ.

1е Тимофею 6:20

Тимофей, кылыңаклъюки тама̄кут Кияӷныӷым ныӷьюкуткӣ лъпынун. Иқитңалютын ухпықа̄нӷилңӯтнъын тымңитхўаның акузитңитныңлъю, а̄ҳтӣра̄ӷутылъҳитныңлъю. Тама̄кут ухпықа̄нӷилңӯт сюмыӷмыхни лӣсималъыпӣлгунӣқут, иўырңа ипаңунӷитуқ.

2е Тимофею 2:21

Кина алңунак лъминың катам пылюңиҳсяқуми сыӷлыӷмың, сялӷутаҳтун атуҳқа̄ҳлъықуқ мыгнуналӷӣмун. А̄фтыка̄ҳлъықуқ атӯлюни мыңтыӷам юганун. Та̄хкын атуҳқа̄ҳлъықуқ алңунак пинилӷӣмун қыпҳақамун.

2е Тимофею 2:22

Иқитңалютын сямың сыӷлыӷмың аңлинҳат атуқсюгақыхкаңитның. Қӯнпың атуқақигу ылъқуӷутңалъық. Ата̄сӣӷмылъютын, пиниқиңалютын, ныкыхмылъютынлъю. Тама̄кут атуқики, малигулъютың туқлъюӷилӷӣнун Атаныӷмун қамакын пылюңилңуӷмың илюмыхның.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

К Евреям 12:14

Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.

1е Петра 3:11

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи,