1е Тимофею 5:8 - Новый Завет на эскимосском языке

⁸ Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

1е Тимофею 5:8 Iomraidhean Croise

От Матфея 18:17

Иўырңа нагасюнӷилъкаки апыӷнакыси юӷаӷвигым югитнун. Нагасюнӷилъкаки талўа юӷаӷвигым юги, кияӷунъакыси язычнигыңулӷӣстун, налогымыңлъю қырңуҳтистыңулӷӣстун.

От Матфея 7:11

Сыӷлыӷуӷңа̄ҳпыси, авақутаси тӯньяҳқақаси пинилӷӣмың тунусямың. Атази қилягмылңуқ тӯниюгатаӷаӷлюни аюқуқ пинилӷӣмың тунусямың тама̄кунун а̄плъыҳинун лъңанун.

От Иоанна 15:22

Тагилюңа алыҳқӯмаңисяқумки лӣнъаянӷитут сыӷлыҳқылъиҳтың. Иўырңа хўа̄ анагнӣлъқавигӣтӣ сыӷлыҳқылъыӷмыхның.

1е Коринфянам 6:6

Йыӷлыги ухпықам ухпықа̄лгутни агля̄тақа̄ ухпықа̄нӷилңуӷнун нанқихтистынун, агӷиткысқылъюки а̄ҳтӣра̄ӷутылъытынь.

2е Коринфянам 12:14

Ля̄лиҳфикнақақамси пиңайӣткун, иўырңа уӷлыӷӣӷуткыстысюнӷитуңа лъпысинун. Лъпыси сюмыӷмикақамси, нака̄н сяӷьяси. Таӷнуҳақылӷӣстун аюқамси. Таӷнуҳа̄т афлъыңакияҳқа̄нӷитут аңаюқамыхның, иўырңа аңаюқат афлъыңаксяҳқақӣт таӷнуҳатың.

2е Коринфянам 6:15

Христосым итагнақсяҳқақынӷитңўа̄ӷа̄ Туӷныӷақ. Ухпықат пиюкылъҳит алъяңӯт ухпықа̄нӷилңуӷның.

К Галатам 6:10

Ынка̄м пилъыҳқалгунымта ӣўлың пинитун пӣқылътыки қамахтыңъўа̄ӷлюки югыт, кияң тама̄кут аңлыгутылӣткапут Христосыкун.

2е Тимофею 2:12

Ӣлъқаюнӷилъкумта, иглыӷутилгусиҳлъықаҳпут. Налъюнқыхкумтыху, лъңанлъю налъюнқылъықӣлъю.

2е Тимофею 3:5

Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

2е Петра 2:1

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 3:8

Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.