1е Тимофею 5:6 - Новый Завет на эскимосском языке

⁶ Иўырңа угиңиӷақ тыӷигниқңинақуми лъңаның ыфқуҳналюни, уңуваӷңа̄ӷми туқукастун аюқсяҳқа̄гуқ.

1е Тимофею 5:6 Iomraidhean Croise

От Матфея 8:22

Иўырңа Иисусым пика̄: «Малихтиңа. Тама̄кут малигусюнӷилңӯт хўаңамнун туқука̄гут таӷныӷамыхтыхун; лъивыӷлитки туқумаслъӣтың».

От Луки 12:19

Та̄хкын пилъықуңа уңувасимнун: “Уңувасимни, кахпагиҳлъяхтуңа аюмиқулъылӷутнун! Та̄ўа сянаниӷнақуңа, ныӷақлъюңа, мыӷақлъюңа, пиниӷью̄хнақуңа!”

От Луки 15:13

Мулюнӷитуқ, уюқлъӣм иӷныӷан акикуӷлюки ныңини аӷуляқыхкақ уяванлыңуӷмун нунамун. Тама̄ни манини сякусӣқлъюку,

От Луки 15:24

қаюҳлъяк иӷнықа уна туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”. Ынка̄м нықынӷаҳқыҳлъякат.

От Луки 15:32

Иўырңа қуялюта нықынӷаҳқыңъӯкут, қаюҳлъяк уна уюӷа̄н туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”».

От Луки 16:19

Та̄хкын Иисусым пикӣ: «Та̄ўаңуқ аклъюңилңуқ ю̄к пилюгугңалӷӣ акитупихлъыҳӣның а̄тканың. Аҳутаңа тамаҳа̄н нықым акитулъҳина̄ның ныӷақылӷӣ сӣптӣҳлъягақлъюни.

От Луки 7:25

Сяңўа̄ ысҳаӷьяҳтуқақыстыху? Ю̄к а̄шаӷңалӷӣ? Таўатын а̄шаӷңалӷӣтлъю, аклъюңитыҳлъягытлъю кияҳтақут умӣлгыт ныңитни.

К Ефесянам 2:1

Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

2е Тимофею 3:6

Иляңи тама̄кут нынун ӣтҳа̄таҳлъықут а̄ҳқутақыпигыснаӷналюки налъыкаӷнилңӯт аӷнат. Тама̄кут аӷнат сыӷлыҳқылъҳита уқихтуқусиҳлъяхлъықӣ, сыӷлыӷымлъю пиюкылъылӷутңита а̄ҳқутақылъықӣ.

От Иакова 5:5

Кияҳта̄лъыҳпысини хўани нунами, аклъюңитутыхпысиның сяңўа̄ алңунак пиюкыхкаҳси алъхыҳтақаҳси ыфқуҳналюси лъпысиның катам. Таўатын пилъыҳпысигун пынъӣӷыстун аюқуси. Пынъӣӷыт қугилисиӷат налъюка̄т қантаӷақун туқутылъыҳқаҳтың. Налъюкыстыхӯ қантаӷақун Атанӷым нанқихтилъыҳқа̄?

Откровение 18:7

Лъминың усюқыҳлъягақуқ, аклъюңиҳлъянилъю атуқақа̄ сямун алңунак пиюкыхкаминун. Ынка̄м икфиқыстыҳлъяхтыхулъю, қивӷустыҳлъяхтыхулъю атуныкӣтыслъюку қаӷьялъыҳлъяганун. Лъминың пӣқуқ: “Царицаңӯңа ақумгалӷӣ умӣлгусимкун. Угиңиӷа̄нӷитуңа ынка̄м қивӷуна̄нӷитңўа̄ҳтуңа!”

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.