1е Тимофею 5:5 - Новый Завет на эскимосском языке

⁵ Угиңиӷақ илякўа̄ӷӣткақ сиӷимаңӯқ Кияӷныҳқун. Ынка̄м унухтӯма̄н, аӷныҳтӯма̄н юӷа̄маңина̄гуқ каюсӣтысқылъюни.

1е Тимофею 5:5 Iomraidhean Croise

От Луки 18:1

Та̄хкын Иисусым уңипаӷа̄ткӣ малихся̄ҳтыни апыҳтуӷналюки қӯнпың юӷӣсқылъюки ӣлъқаюфқӣта.

От Луки 18:7

Кияӷныӷым налъҳуся̄сяҳқақӣ накмикыхкани юӷалӷӣт аӷныҳтӯма̄н, унухтӯма̄н. Кияӷнық сюкаңисигатуқ кӣмсиӷилъыӷминун.

От Луки 2:37

Та̄хкын угиңӣтылъыӷминың 84ңуҳтыкаңи аюмиқулъҳыт. Аўын тагӣқылӷӣ Храмымун, аӷныӷуяӷңа̄н, унугуяӷңа̄н Кияӷнық манигуӷақыхкаңа, постақлъюнилъю, юӷаӷақлъюнилъю.

Деяния 26:7

Та̄ната акықусяқ қуля ма̄лӷук сӣпнықылӷӣт рамкымта ныӷьюкыхкаңат алъхыҳналюку, ынңа̄талъ манигӯтңулютың Кияӷныӷмун унухтӯма̄н, аӷныҳтӯма̄н. Умӣлыгми, иўырңа та̄на ата̄сиқ ныӷьюкилъық апалъюқлъюку Иудеит нанқихтысюга̄тңа.

Деяния 6:1

Тама̄ни аӷныӷни ухпықат нуляңулюки Грегыстун акузикаюгыт Иудеит сыӷлыӷьюкат, Еврейистун акузикаюгның Иудеяның, қаюҳлъяк угиңиӷаҳтӣтың аклъюкыхкӣтның тӯнля̄ӷигалъкаңит. Ынка̄м йӣлъхикӣт: «Аҳутаңа тамаҳа̄н уйыхтистыт палясқуҳа̄н тӯнақӣт хўаңкута угиңиӷапут».

Деяния 9:39

Петырым ята̄ҳқылъюни малихтыкакык. Ка̄сян қымтамун маю̄тка̄т. Лыган итыҳтуқ угиңиӷат қиямаӷмың каңлъюқаҳлъюку кылгувикыхка̄т а̄тканың Сернам улима̄ӷаның.

Деяния 9:41

Петырым ӣхакун тугулюку ныкывыстыка̄. Та̄хкын туқлъюқӣ ухпықатлъю угиңиӷақатлъю ысҳӣсқылъюку уңува̄матаңа.

К Римлянам 1:12

Хўатын пиңўа̄мси: қырңа̄мта кайымутунъалюта, лъпыси ухпықилъымкун, хўаңа ухпықилъыҳпысигун.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

1е Коринфянам 7:32

Кияҳта̄лъыӷмыңтуқ хўакын сюмыҳтаӷа̄ткыхкӣлңӯси. Нулиҳтӯмаңилңуқ қыпҳалъыҳқаҳта̄ӷаҳтуқ Атанӷым қыпҳақа̄ның қаюҳлъяк ыфқуҳсюгақыхкаңа.

1е Коринфянам 7:34

Таўатыҳпигақ аӷнатлъю аюқут. Аӷнат угиңӣткат, угӣӷумаңилңӯтлъю қыпҳалъыҳқаҳта̄ӷатут Атанӷым қыпҳақа̄ның, қаюҳлъяк югуситыңлъю, таӷныӷатыңлъю тӯньюгақӣт ӣңунӣта Атаныӷмун. Иўырңа угилык қыпҳаӷатаӷақаюгӯқ кияҳта̄лъҳым қыпҳақа̄ның қаюҳлъяк ыфқуҳсюгақыхкаңа угини. Лъңанлъю сюмыҳтаӷалъҳа малӷуҳқыңъа̄қ.

К Ефесянам 6:18

Ӣўлың юӷаҳтык Таӷныӷам маӷьяҳқӯтылъҳакун. Атуқлъюки алъя̄ҳӣна̄т юӷалъҳыт, а̄пнӣҳтыклъю Кияӷныӷмун. Тама̄кын апалъюқлъюку кылыңалюси, ӣлъқаюхпынаси. Ӣўлың юӷа̄ткылъюки қамахлъюки Кияӷныӷым юги.

К Филиппийцам 4:6

Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси.

1е Тимофею 2:1

Сивуклъюку кайымамкын юӷа̄ткысқылъюки қамахлъюки югыт, туңсӣтысқылъюки Кияӷныӷмун аклъюкыхкӣтның, игамсиқаягунъакытынлъю Кияӷныӷмун.

1е Тимофею 5:16

Ухпықақ аӷнақ илякўа̄лгукуми угиңиӷаның, лъңан каюсӣсяҳқақӣ. Ынка̄м иляңита ухпықат каюсӣнъыӷисяӷңа̄ӷмыхтыки аюқӣт. Та̄хкын ухпықат каюсӣлъықӣт угинӷиӷат афлъыңакистыңӣткат.

1е Тимофею 5:3

Каюсӣтики угиңиӷат афлъыңакистыңӣткат.

2е Тимофею 1:3

Унухтӯма̄н, аӷныҳтӯма̄н юӷалъымкун игамсиқаюгвикақақа Кияӷнық лъпынун. Қыпҳа̄тақақа сыӷлыӷьюлъңунаңа, катам сивунымтун.

1е Петра 3:5

Сивунӷани агани, аӷнат манигӯткаюгыт Кияӷныӷмун пиниӷнаҳсяқаюгӯт илюмыхтыхун, қусывыхлъылиӷлютың, ныкыхмылъылиӷлютыңлъю. Ныӷьюкыхкақа̄т Кияӷнық, қа̄ткыхкақӣтлъю угитың.