1е Тимофею 5:21 - Новый Завет на эскимосском языке

²¹ Тама̄кут қылгутанка лъпынун қа̄ткысқылъюки, пакихутифқа̄вык налиӷмың танӣлъқифқа̄вык писқылъютын. Таўатын қылӷамкын ысҳа̄манӷитни Кияӷныӷымлъю, Христос Иисусымлъю, накмикыхкатнилъю яқулгытни.

1е Тимофею 5:21 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Луки 20:21

Та̄кут рӣрңистыт пика̄т: «Апыҳтуӷиста, хўаңкута лӣсимакамкын акузилъыҳтынлъю, апыҳтуӷилъыҳтынлъю ипаңӯт. Атуныңўа̄қ пикаюгӯтын югнун, апыҳтуӷақатынлъю ипалъыӷмың Кияӷныӷым пиюкылъҳаның аюқылӷӣмың.

От Луки 9:26

Китум алңунак кайңукыхкаңаңа, акузитынкалъю, Иӷныӷан Югым кайңукылъықа̄ тагикуми ниӷуҳқылъыӷмикун, ниӷуҳқыңъалъҳитхунлъю Атам, аглыӷналӷӣтлъю яқулгыт.

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

1е Фессалоникийцам 5:27

Қылӷамси Атанӷым пилъыҳқалитылъҳакун укут посланият атиҳтӣсқылъюки тамаҳӣтнун ухпықа̄лгутыхпысинун.

1е Тимофею 6:13

Қылыӷнақамкын нагасиманӷани Кияӷныӷым, уңувалъылитикам сямун тамаҳа̄нун уңувалӷӣнун, нагасиманӷанилъю Христосым Иисусым, кӣмсиӷиля̄тақуӷикам Понтий Пилатым.

2е Тимофею 2:14

Китумун алңунак пуйгустыхпынаки тама̄кут. Кияӷныӷым нагасиманӷани, кылыңася̄ҳқи қаниқутуткыфқӣта акузитыт писқылъюки. Қаниқутылъҳат каютңуна̄нӷитуқ, на̄фқыңъинаҳлъықа̄т ухпықилъҳат нагалъҳӣт.

2е Тимофею 4:1

Христос Иисус тагикуми иглыӷутиналюни Атаныҳпагулъыӷмини, нанқихлъықӣ уңувалӷӣтлъю туқукатлъю. Ынка̄м нагасиманӷыхкыни Кияӷныӷылъю, Христос Иисусылъю, қылӷамкын

От Иакова 3:17

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

2е Петра 2:4

Кияӷныӷым аӷью̄ӷумаңинъыӷитӣ яқулгыт сыӷлыҳқақңата, иўырңа милю̄ткақӣ геенамун. Таўани писяҳтӣҳлъягми қӣпшаӷусиӷңа̄т, утақӣлӷӣт Аӷныӷанун Нанқихтилъҳым.

От Иуды 1:6

Нықамиклъюки яқулгыт Кияӷныӷым писқыхка̄ нагныӷусимаңитка̄т, унитка̄тлъю ныйың қиляк. Тама̄кын апалъюқлъюку Кияӷныӷым асиҳқыхкӣ қӣпшаӷутның ныкыгңаяҳқаның қӯнпырухлъяк, ныкыхтыстыкӣ мамлыхлъяхкун. Таўантыснақңўӣ кынляңа аӷью̄лъыҳқаминун Нанқихтивигым Аӷныӷани.

Откровение 14:10

мыӷьяҳқақа̄ виноңа Кияӷныӷым сякша̄лъҳан. Та̄на вино мылӣмаңилңуқ кӯвыхкақ қаю̄симун Кияӷныӷым сякша̄лъқа̄! Кина алңунак манигӯткақ та̄кугнун икфиқыҳлъягьяҳқа̄гуқ кыныӷмилъю, уқумьягмилъю, сивуңитни аглыӷналӷӣтни яқулгыт, Пынъӣӷаҳа̄млъю.