1е Тимофею 5:17 - Новый Завет на эскимосском языке

¹⁷ Пресвитерыт иглыӷутиюқат юӷаӷвигми, та̄куңинаҳа̄гныңлъю қыпҳалӷӣт апыҳтуӷилъыҳқун, уңипақилъыҳқунлъю, қӯлваӷақитыки малӷуҳқылъюки акилыҳтӯсӣт.

1е Тимофею 5:17 Iomraidhean Croise

От Матфея 24:25

Та̄ўа уңипа̄тамси сивутҳулъюку пилъыҳқақ.

От Луки 10:7

Таўантақитык ата̄сими мыңтыӷами, ныӷақлъюки сяңўа̄т упуӷатусӣт. Таўатын пӣқитык қаюҳлъяк қыпҳаҳта акилыҳтӯсяңақуқ қыпҳалъыӷминун. Тукуҳпысиның а̄нақлъюси кинкунун нӯхта̄таҳпынаси.

От Луки 12:42

Атанӷым кӣмсиқа̄ хўатын: «Кинаңа̄ўа ата̄сӣӷмылңуқ, пыҳқинылӷӣ қыпҳаҳта? Та̄наңуяҳқа̄гуқ умӣлган иглыӷутистыңлъяқа̄ қыпҳаҳтыминун, нықылита̄тӣсқылъюкилъю аҳутаңа тамаҳа̄н.

От Иоанна 4:38

Каяхтыкақамси унатӣсқылъюси пӣтысиӷаӷвигми пӣтысиӷа̄маңилъкыхпысиның. Иляңит пӣтысӣӷақа̄гут, иўырңа лъпыси унатақаюгӯси пӣтыстыкӣтның, ынка̄м лъпысилъю акилыҳтӯсяңылъықуси қыпҳақӣтның».

Деяния 11:30

Ынка̄м қырңуҳтилютың манимың туюӷикат пресвитерынун Иерусалимымылңуӷнун Варнавакун, Савлыкун.

Деяния 20:35

Сяңўа̄ қамахлъюку пикақақа лъпысинун успута̄сқылъюку, хўаңамтун уӷлыӷӣлъыҳпысигун каюсӣтысқылъюки пипагниңилңӯт. Нықамиклъюку Атанӷым Иисусым хўатын пилъҳа: “Қуянаӷатаӷаҳтуқ тӯнӣлъық алъхыӷутылъыӷмың”».

Деяния 28:10

Тама̄кын апалъюқлъюку тунқуҳта̄гӣлъю тунусямың. Тама̄ни пиңают танқит атуӷлюки аӷуляқсяҳқа̄ҳсямта тунқуҳта̄ля̄таӷӣлъю тумаңани атуҳқамнъың. Аңьяҳпак Александриямың пикақ уксюҳсималӷӣ тама̄ни қӣҳқами. А̄тқыфта̄ «Малӷик кияӷныӷык» сивуяганитыфтуклъю улима̄ӷулютык та̄кук. Аӷуляқсяҳқа̄ҳсян та̄хун ӯхтукут.

К Римлянам 12:8

кайымиңукан илямың, кайымилъта; тӯниңукан, иӷлыхпына̄мта тӯнилъта; иглыӷутиңукан, сягиқлъюта иглыӷутилъта; наңлъыкиңукан, қуякусиқлъюку наңлъыкилъта.

К Римлянам 15:27

Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.

К Римлянам 16:12

Уңипа̄таҳнакыхси Трифеналъю, Трифосалъю сю̄мқақахкаңуқ. Та̄кук аӷнак қыпҳаҳтыңӯк Атаныӷмун. Уңипа̄таҳнакысилъю пиниқыхкақа Персида, сю̄мқақақаңуқ; қывулъюни қыпҳақа̄гуқ Атаныӷмун.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 16:16

Қылӷамси қа̄ткумаңинӣсқылъюки лӣлиҳтулъҳит таўатылңӯт югыт, иляңилъю қыпҳалгутаңит.

1е Коринфянам 3:9

Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 6:6

Кина алңунак апыҳтуқақ Кияӷныӷым апыҳтӯся̄мның, пинилӷӣмың тӯнили апыҳтуӷистыминун.

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Филиппийцам 2:29

Епафродит туқуяӷңа̄ӷми қыпҳақа̄гуқ Христосымун, а̄қун туқувзиқа̄гуқ. Каюсӣткақа̄ңа қаюҳлъяк лъпыси каюсӣтыпагниңиткақаҳпысиңа, авӣлңӯси. Қуякусиқлъюку упуӷанъакыси қаюҳлъяк аңлыгуткаҳси Атаныҳқун. Ынка̄м қӯлваӷлюки қамахлъюки югыт Епафродитытун аюқылӷӣт.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.

1е Тимофею 3:5

Иглыӷутиста иглыӷутилъхискуми лъми катам ныңлъюгутминың, натынңам афлъыңакылъықаки ухпықистыңи Кияӷныӷым?

1е Тимофею 4:10

Тама̄кын апалъюқлъюку қыпҳаҳлъягӯкутлъю, сягиқлъӣҳтыңъӯкутлъю югнун ухпықысқылъюку ипапилъық. Таўатын пӣкут қаюҳлъяк ныӷьюкаҳпут уңувалӷӣ Кияӷнық, Югулиӷистыңат қамахлъютың югыт, кияң тама̄кут ухпылӷӣт лъңакун.

1е Тимофею 4:14

Атуқақигу таӷныӷагныкун тунусяқ илюхпынилңуқ. Та̄на тунусяқ тӯныхка̄гуқ лъпынун ӯкналиқылъыҳқун Пресвитерыт ӣхтиӷақңатын.

1е Тимофею 4:16

Пира̄мсиңўа̄ӷлютын кияҳта̄лъыҳпынилъю, апыҳтуӷилъыҳпынилъю. Таўатын пикувык лъпынун югулилъықутын, тама̄кутлъю нагатыстытын.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

1е Тимофею 5:19

Нагатыхпынаки килъю алңунак авуткилӷӣт Пресвитерымың анахусиманилюку, ўыткуқун авуткилӷӣ лӣсимакистылгукан ма̄лӷугыгның налиӷмың пиңаюның.

1е Тимофею 5:3

Каюсӣтики угиңиӷат афлъыңакистыңӣткат.

2е Тимофею 2:6

Уӷлыӷӣҳлъякақ пӣтысиӷаҳта ныңиӷьюхўа̄ӷьяҳқа̄гуқ унатақата.

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.

К Евреям 13:17

Қа̄ткитыки иглыӷутистыси атуқлъюки қылӷусӣт. Кылыңакиңӯт уңувасиҳпысиның лӣсимаклъюку Кияӷныӷмун нанқихсяҳқа̄си. Қуянӷитыстыхпынаки иглыӷутистыси, итупилъ қа̄ткылъыҳпысигун қыпҳақатың пилъықӣт қуякусиқлъюки. Қа̄ткынӷилъкуфсики каюсӣтыпагниңитӣси.

К Евреям 13:24

Қуякаҳнакыси қамахлъюки иглыӷутистыси, қамахлъюкилъю Кияӷныӷым юги. Ухпықа̄лгутытлъю Италиямың пикат қуякаҳнакысиңуқ.

К Евреям 13:7

Нықамиклъюки иглыӷутистыси уңипақикат лъпысинун Кияӷныӷым акузитаңаның. Нықамиклъюки натын кияҳтыка̄таңи ынка̄м ухпылъылгунақитык лъңистун.