1е Тимофею 5:14 - Новый Завет на эскимосском языке

¹⁴ Ынка̄м итагнаӷатаӷаӷнаяҳтут нутаӷат угинҳат угӣӷьяқуйың, таӷнуҳаңлютың, афлъыңакысқылъюкилъю ныңлъюгутаңит. Таўатын пикумың аңуяк сыӷлықӯӷвигӣтыслъықа̄т хўаңкунъың.

1е Тимофею 5:14 Iomraidhean Croise

К Римлянам 14:13

Ынка̄ңам та̄қылъта нанқихтунъыӷмың. Йыӷлыги, умьюгапут ата̄сӣҳтылътыки ухпықа̄лгутфут на̄хтыстыфқа̄н налиӷмың сыӷлыҳқыстыхпына̄н пилътыху.

2е Коринфянам 11:12

Та̄ўа иҳсякӣвикумаңинаӷнақамси манихпысиның. Таўатын пӣқуңа қука̄юхнанӣсқылъюки апостолысиӷўа̄ӷыт хўаңкутыстун қыпҳаӷнилӷӣт акилыҳтӯсяңунатың.

1е Тимофею 2:8

Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю.

1е Тимофею 4:3

Таўатылңӯт югыт ныңуӷутыснаниӷӣқут, иляңилъю нықым ныӷыснаниӷақӣт. Иўырңа Кияӷныӷым улима̄қӣ қамахлъюки нықыт ныӷьяҳқа̄люки игамсиқаягутақлъюки. Ухпықат лӣсимакилӷӣт ипапилъыӷмың лӣсимакӣт тама̄кут.

1е Тимофею 5:11

Иўырңа нутаӷат угиңиӷат а̄тҳит игақыхпынаки атылӷутатхун. Югусӣта пиюкылъҳан сякниқысныӷистың угӣӷьюхлъықут. Таўатын пимакумың на̄фқылъықа̄т акықилъыҳтың Христосымун.

1е Тимофею 6:1

Қамахлъютың қыпҳаҳтыля̄ӷыт сӣвакыҳлъяглитки тама̄кут пилӣтистытың, ынка̄м китум алңунак сыӷлытун акузиткынӷилъикык а̄тҳа Кияӷныӷым, апыҳтуӷилъыҳпутлъю.

К Титу 2:5

Сюмыҳтаӷақыхсяҳқа̄гут, пылюңисяҳқа̄гут кияҳта̄лъыӷмыхни, қыпҳақыхсяҳқа̄гут нымыхни, наңлъыхтаӷьяҳқа̄гут, қа̄ткусяҳқа̄гут угимыхнун. Ынка̄м китум алңунак сыӷлықӯӷна̄нӷитӣ Кияӷныӷым апыҳтӯсӣ.

К Титу 2:8

Ўатаҳлъяк апыҳтӯсяқыхкан ылъқуӷутңали ынка̄м китум алңунак сыӷлықӯнӷилъилъю. Таўатын пикувык кипулъхина̄ҳтыт сыӷлытун акузиткынъа̄нӷитӣлъю, кипулъхина̄лъҳиталъю кайңуюхтыслъықӣ.

К Евреям 13:4

Тамаҳаҳпыси сӣвакитыху ныңуӷутылъық ынка̄м угитлъю, нулиҳытлъю ата̄сӣӷмытулъит. Кияӷныӷым нанқихсяҳқақӣ гылгаӷнӣлӷӣт, тама̄кутлъю иляңаның блудникылъӷит.