1е Тимофею 4:8 - Новый Завет на эскимосском языке

⁸ Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

1е Тимофею 4:8 Iomraidhean Croise

От Матфея 12:32

Китум алңунак кипулъыгмун сямың пикумигу Иӷныӷа Югым, сыӷывутылъыңьяҳқа̄гуқ. Иўырңа китум алңунак кипулъыгмун сямың пикумикык Аглыӷналӷӣк Таӷныӷак, сыӷывутылъыңна̄нӷитуқ ма̄тын кияҳта̄лъыӷми, налиӷмың тӯңлиҳа̄ни».

От Матфея 19:29

Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

От Матфея 6:33

Тама̄кын апалъюқлъюку кияҳтылъыҳпысини мыгнуналъыҳпига̄ҳтыстыки Кияӷныӷым Атаныҳпагулъҳалъю, пиюкылъҳалъю. Таўатын пикуфси Кияӷныӷым тӯнылъықӣ қамахлъюки аклъюкыхкаси.

От Марка 10:30

алъхыӷута̄ӷаӷьяҳқа̄гуқ хўани кияҳта̄лъыӷми. Мыңтыӷа̄, аңлыгутаңи, на̄ңа, авақутӣ, нунаңа, нуляҳлъягьяҳқа̄гут; тама̄кунун малигулъюку амью̄ткылъыңьяҳқа̄гуқ. Та̄хкын та̄кўаниңани кынлыңилңуӷмың уңувалъыңьяҳқа̄гуқ.

От Луки 5:38

Итупилъ виноӷраӷақ кӯвьяҳқа̄гуқ аўатаҳпаграӷаӷмун!

К Римлянам 8:28

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

1е Коринфянам 3:22

талўа Павел, Аполлос, Петырлъю. Нуналъю уна, уңувалъықлъю, туқулъықлъю, сяңўа̄лъю алңунак кияҳта̄лъыӷмылңуқ ма̄тын, сяңўа̄лъю алңунак ка̄сяҳқақ, қамахтыңъўа̄ӷлюки лъпыси пикаси.

1е Коринфянам 8:8

Иўырңа нықа пикатңунӷитуқ. Кияӷныӷым усюқатаӷаӷна̄нӷитӣси ныӷылъыҳпысигун нықмың. Аҳқуткыхкамың ныӷынӷилъкумта сяңўа̄ алңунак ифлъяна̄нӷитаҳпут Кияӷныӷмың аюқылӷӣ. Талўа ныӷыӷңа̄мта алъхыӷунъанӷитукут лъңаның.

1е Тимофею 4:7

Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

1е Тимофею 6:6

Иўырңа алъхыӷутыҳлъяхлъықукут кияҳтыкумта Кияӷныӷым кияҳтысқысюлъҳатун итагнақлъюку пикатуталвут.

2е Тимофею 3:5

Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

1е Иоанна 2:25

Унаңӯқ акықусяқыхка̄ тӯнылъықнилюку хўаңкунъун, кынлыңилңуқ уңувалъық.

Откровение 3:12

Кая̄лъқӣлӷӣ аӷвыӷақыта̄ҳтыслъықақа Кияӷныӷма Храмыңани, алъямыңлъю а̄на̄нӷитуқ. Ынка̄м лъңакун игақылъықақа а̄тҳа Кияӷныӷма, а̄тҳалъю Кияӷныӷма ныҳлъяган, Иерусалимыӷраӷақ, укилӷӣ қилягмың Кияӷнымның. Лъңакунлъю игақылъықақа атыӷраӷақа.

Откровение 3:21

Кая̄лъқӣлюңа ынка̄м ақумга̄ңа ся̄ӷўани Атама умӣлгусӣкун ақумутахкынкун. Таўатыҳпигақ кая̄лъқӣлӷӣ ақумыслъықақа ся̄мкун умӣлгусигныкун ақумутамкун.