1е Тимофею 4:7 - Новый Завет на эскимосском языке

⁷ Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

1е Тимофею 4:7 Iomraidhean Croise

Деяния 24:16

Ынка̄ңам қӯнпың кияҳнақуткақуңа сыӷлыӷьюгуткаҳқӣлъюңа Кияӷныӷмунлъю, югнунлъю.

1е Тимофею 1:4

сяңилъҳа̄ткыхпынакиңуқ акузимҳуткылъюки уңипаӷа̄тыңлъяқат, сивунылӷутыҳлъягытлъю а̄тҳит. Тама̄кут а̄ҳтӣра̄ӷусиҳӣна̄гут, каютңунӷитут қыпҳақа̄нун Кияӷныӷым. Лъңан қыпҳақа̄ апыӷӣӷақуқ ухпықилъҳӣнаҳаҳқун.

1е Тимофею 1:9

Лӣсимакапут Лӣлиҳтӯсят улима̄ӷунӷитут пинилӷӣнун югнун. Улима̄ӷӯт лӣлиҳтӯсяның на̄фқӣкаюгнун, қа̄ткусигалңуӷнунлъю. Улима̄ӷӯт Кияӷныӷьюгигалңуӷнун, сыӷлыҳқыстынунлъю. Улима̄ӷӯт ўа̄кигалңуӷнун Кияӷныӷмың, лыгасӣӷўа̄ткилӷӣнунлъю аглыӷналӷӣнун. Улима̄ӷӯт туқутикаюгнун атамыхның налиӷмың на̄мыхның, юхтаҳтынунлъю.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

1е Тимофею 6:20

Тимофей, кылыңаклъюки тама̄кут Кияӷныӷым ныӷьюкуткӣ лъпынун. Иқитңалютын ухпықа̄нӷилңӯтнъын тымңитхўаның акузитңитныңлъю, а̄ҳтӣра̄ӷутылъҳитныңлъю. Тама̄кут ухпықа̄нӷилңӯт сюмыӷмыхни лӣсималъыпӣлгунӣқут, иўырңа ипаңунӷитуқ.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

2е Тимофею 2:16

Иқитңалютын тымңитхўаның, сямың писӣнӷилңуӷның алыҳқӯтылъыӷның. Таўатылңӯт алыҳқӯтылъҳыт уява̄таӷаҳлъықӣт югыт Кияӷныӷмың.

2е Тимофею 2:23

Иқитңалютын тымңитхўаның алыҳқӯтылъҳитның югыт акузиткилӷӣның лӣгикумаңилъкымыхның. Лӣсимакатын а̄ҳтӣра̄ӷутыстикаюгӯт.

2е Тимофею 3:12

Тамаҳаӷми амьюқыта̄ткылъыңылъықуқ кияҳсюлӷӣ Кияӷныӷым пиюкылъҳатун Христос Иисусыкун.

2е Тимофею 3:5

Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

2е Тимофею 4:4

Нагасюгнаниҳлъықут ипапилъыӷмун, нагасюгьягулъықут тымңинун уңипаӷанун.

К Титу 1:14

Уңипа̄тики наганъаниӷлиткиңуқ Иудеит тымңи уңипаӷа̄таңит. Қа̄ткынъаниӷлиткиңуқ югыт қылӷусяңлъяқӣт. Та̄куңӯт иҳсякикат ипапигның апыҳтӯсяның.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

К Титу 3:9

Иўырңа лъпык иқитңалютын тама̄куның тымңи қаниқулъҳӣның, а̄ҳтӣра̄ӷулъҳӣның сивуныӷмың а̄тҳитның, Лӣлиҳтӯсяныңлъю. Тама̄на сясӣнӷитуқ, каютңуна̄нӷитуқ китумун алңунак.

К Евреям 5:14

Иўырңа нықыпик аңтанӣтканун пиңӯқ. Пыҳқихсяқа̄гут лӣгиксяҳқа̄люкык пинилӷӣлъю, сыӷлылӷилъю.