1е Тимофею 4:6 - Новый Завет на эскимосском языке

⁶ Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

1е Тимофею 4:6 Iomraidhean Croise

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Луки 1:3

Нагаткақанка апылъҳит, атиҳтуӷўа̄қақанкалъю игақулъҳит пӣнлилъҳитның. Ынка̄м игақуӷьюганка лъпынун таўатытңўа̄ӷлюки пилъҳистун.

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

Деяния 20:31

Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.

Деяния 20:35

Сяңўа̄ қамахлъюку пикақақа лъпысинун успута̄сқылъюку, хўаңамтун уӷлыӷӣлъыҳпысигун каюсӣтысқылъюки пипагниңилңӯт. Нықамиклъюку Атанӷым Иисусым хўатын пилъҳа: “Қуянаӷатаӷаҳтуқ тӯнӣлъық алъхыӷутылъыӷмың”».

К Римлянам 15:15

Иўырңа тытулъңунаңа письмокақамси сямың иляңитның нықамикысқылъюси тама̄кын. Таўатын письмомаңа қаюҳлъяк Кияӷныӷым тунусиҳтуӷа̄ңа

1е Коринфянам 4:17

Тама̄кын апалъюқлъюку Тимофей каяхтыңъўа̄қа лъпысинун. Иӷнықылӷӣстун аюқақа Атаныҳқун. Ата̄сӣӷмылңуқ ухпықақ пиниқыпихтақа. Нықаңуҳна̄ӷӣси натын хўаңа кияҳтақылъымның Христосымун. Таўатылңуқ кияҳта̄лъық апыҳтӯсяқақақа ухпықанун тамаңанилңуӷнун.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 6:4

Иўырңа сялъымтыхун тамаҳа̄кун лӣгикыстақукут югнун Кияӷныӷмун қыпҳаҳтыкнилюта. Тама̄кын апалъюқлъюку нуқытутималъымтыхун сюфлъюҳтаӷақапут сыӷлылӣлъҳыт, пияқлъӣлъҳыт, икфиқылъҳыт.

К Ефесянам 6:21

Лӣсимакысюгамси натытулымныңлъю, ся̄қутымныңлъю. Тама̄кын апалъюқлъюку каяхсима̄қа Тихик лъпысинун. Пиниқыхкаҳпут ухпықа̄лгутфут, ата̄сӣӷмылңӯгуқлъю қыпҳаҳтыңа Атанӷым. Ка̄скуми уңипа̄лъықӣси сямың тамаҳа̄ның хўаңамның, кайымылъықӣсилъю.

К Филиппийцам 2:20

Тимофейеңинаҳа̄м сюмыҳтаӷа̄ткақӣси сюмыҳтаӷа̄ткылъымтун.

К Филиппийцам 2:22

Иўырңа Тимофей лӣсимакңўа̄ӷаҳси натытуляңа. Иӷныӷыстун каю̄сӣткақа̄ңа уңипақиңулюңа Пинилӷӣның Уңипаның.

К Филиппийцам 3:16

Уна мыгнунапихтуқ, нагныӷутылътыки кияҳта̄лъыпут малихлъюку ипапиҳқылъық лӣткаҳпут.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

К Колоссянам 4:7

Тихик ухпықа̄лгуткақа, пиниқыпихтыкақа. Қыпҳалгуткақа, қыпҳа̄тақа̄лъю Атанық хўаңамнун малигулъюни.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Тимофею 1:10

Улима̄ӷӯт блудникыстынун, югнун юлгутмыхның атуқикаюгнун, югнун акикикаюгнун югмың қыпҳаҳтыля̄ӷулюки, иқлъыңиқыстынун, иқлъыңалӷӣнун лӣсимакистынун, кипулъхина̄лӷӣнунлъю Кияӷныӷым апыҳтӯсӣтнун ипапиҳқыңъалӷӣнун.

1е Тимофею 4:16

Пира̄мсиңўа̄ӷлютын кияҳта̄лъыҳпынилъю, апыҳтуӷилъыҳпынилъю. Таўатын пикувык лъпынун югулилъықутын, тама̄кутлъю нагатыстытын.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

2е Тимофею 1:6

Тама̄кын апалъюқлъюку нықаңуҳсюгамкын, атуқумаңинаҳу тунусян Кияӷныӷмың, тӯныхкақа̄ ӣхтиӷақңамкын.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

2е Тимофею 4:3

Пилъыҳқақ тагиңӯқ югыт нагасюгнаниҳлъықут ипапигнун апыҳтӯсянун. Иваӷилъықут пиюкыхкамыхның апыҳтуӷистылӷутның нагатыпигыснаӷналюки нагақуӷьюкыхкаҳӣнатың.

К Титу 2:1

Иўырңа лъпык апыҳтӯсяқики ухпықанун ипапигыт апыҳтӯсят.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

2е Иоанна 1:9

Китум алңунак қа̄сҳускумики апыҳтӯсӣ Христосым Кияӷнық лъңанинъыӷитуқ. Иўырңа китум алңунак атуқумаңинақумики апыҳтӯсӣ Христосым, Атаңалъю, Иӷныӷалъю лъңанитук.

От Иуды 1:5

Уңипа̄тка̄яӷңа̄ҳпыси сивунӷани Кияӷныӷым аӷью̄ӷилъҳаның сыӷлыҳқыстынун, нықаңуҳсюгамси алъямың та̄кут успутақлъюки. Нықамиклъюку Атанӷым югуликақӣ Израилыӷмӣт Египетыӷмӣның, аӷуляқыстыкақӣ Египетмың. Иўырңа киңуңаның та̄м иляңи Израилыӷмӣт ухпықинаниӷьята, қа̄ткунъаниӷьята лъңанун, туқустыкақӣ.