1е Тимофею 4:10 - Новый Завет на эскимосском языке

¹⁰ Тама̄кын апалъюқлъюку қыпҳаҳлъягӯкутлъю, сягиқлъӣҳтыңъӯкутлъю югнун ухпықысқылъюку ипапилъық. Таўатын пӣкут қаюҳлъяк ныӷьюкаҳпут уңувалӷӣ Кияӷнық, Югулиӷистыңат қамахлъютың югыт, кияң тама̄кут ухпылӷӣт лъңакун.

1е Тимофею 4:10 Iomraidhean Croise

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 27:43

Ныӷьюкңўа̄ Кияӷнық, пӣқуқлъю Кияӷныӷмун Иӷнықнилюни. Кияӷныӷым пиюкңукумигу югулилигу ма̄тын».

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

От Иоанна 4:42

Та̄на аӷнақ пика̄т: «Нагасюхўа̄ӷақңамкын ухпықыхкақапут акузитытын. Иўырңа ма̄тын хўаңкунъың катам нагалъюку лӣтаҳпут та̄на ю̄к ипа югулиӷистыкыфта̄ нунам юган».

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

2е Коринфянам 1:10

Ынңа̄талъ сыӷлыпыста̄ӷмың туқум тывныӷаның югулӣлъи, югулилъықӣсилъю. Ынка̄м лъңакун сиӷимаңӯкут лъңан югулилъя̄таҳлъықӣлъю,

1е Тимофею 2:3

Таўатылңуқ юӷалъық пиниҳтуқ, ыфқуӷнаҳтуқ Кияӷныӷми Югулиӷистымнъи,

1е Тимофею 2:4

қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық.

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

К Евреям 11:26

Итупилъ сюмыҳтаӷа̄ткыхкақа̄ икфиқылъыҳқани Христосымун итагнаӷатаӷаӷнилюку аклъюңилӷутаңаның Египетым. Сюмыҳтаӷа̄ткыңъўӣ акилыҳтӯсяҳқат ага сивумылңӯт.

К Евреям 13:13

Ынка̄ңам ныҳлъягмың хўаңкуталъю агля̄лъта Иисусымун, сыӷлытун акузиткысқылъюта катам лъңа сыӷлытун акузиткылъҳистун.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.