1е Тимофею 3:1 - Новый Завет на эскимосском языке

¹ Хўатын пилъық ипаңӯқ: Кина алңунак иглыӷутистыңуюкуми ухпықанун та̄на қыпҳақақ пиюкыхка̄ пинӣпихтуқ.

1е Тимофею 3:1 Iomraidhean Croise

От Луки 15:10

Уңипа̄тамси, таўатыҳпигақ Кияӷныӷым яқулги қуя̄қут ата̄сиқ сыӷлыҳқыста авутыҳқылъюни сыӷлыҳқынъанилӷӣ».

Деяния 1:20

Петырым нагныӷуткӣ: «Давид хўатын игақа̄гуқ Псалмыми: “Мыңтыӷа̄ па̄ҳқӣлъи, алъямыңлъю кина алңунак таўантыфқа̄ми пили”. Игақыхка̄лӷӣлъю хўатын: “Қыпҳақа̄ китумун тунъяқуми”.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

К Римлянам 11:13

Ма̄тын алыҳқуӷьюгамси лъпыси язычнигни. Кияӷныӷым накмикыхкақа̄ңа апостолыңулюңа язычнигның. Ынка̄м пира̄мсипихлъюңа пӣқақа уна мыгнуналӷӣ қыпҳақақ Кияӷныӷым қылӷутка̄ хўаңамнун.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Филиппийцам 1:1

Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

1е Тимофею 1:15

Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.

1е Тимофею 4:9

Та̄на пилъық ипаңӯқ, ынка̄м қамахтыңъўа̄ӷлюни ухпықсяҳқа̄гуқ.

2е Тимофею 2:11

Ма̄кут пилъҳыт ипаңӯт: «Туқулгусӣмакумтыху, кияҳтылгусиҳлъықаҳпут.

К Титу 1:7

Иглыӷутистыңутминың Кияӷныӷым қыпҳақа̄нун, Епископа авутңисяҳқа̄гуқ. Юкыҳқынӷуяҳқа̄нӷитуқ, налиӷмың ка̄тқаҳта̄маңуяҳқа̄нӷитуқ, налиӷмың сю̄мыстыңуяҳқа̄нӷитуқ, налиӷмың сю̄хлъюгуяҳқа̄нӷитуқ, налиӷмың пакигныӷуяҳқа̄нӷитуқ аклъюңиӷиналюни.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 12:15

Ысҳа̄макулъюси килъю алңунак лю̄рақ алъхыҳныӷися̄ӷа̄т Кияӷныӷым наңлъыхталъҳа. Нагусяқуна̄нлъю сюңаӷнилңуқ акуқ сыӷлылӣҳқӣлюни на̄фқӣяҳқақ юлӷутмың.

1е Петра 2:25

Пынъӣӷыстун аӷуляқа̄талӷӣстун аюқсяҳтуси. Иўырңа ма̄тын утыӷнӣма̄си Пынъӣӷнӣҳтымун Кылыңакистыңанун уңувасиҳпыси.

1е Петра 4:15

Икфиқсяҳқа̄куфси, икфиқыхпынаси юхтаҳтыңулюси, тыглыгнӣҳтыңулюси, сыӷлытун пистыңулюси, налиӷмың янутқустыңулюси.

1е Петра 5:2

Ынка̄м қылыӷьюгамси Пынъиниҳатыни хўатын: Пынъӣӷнӣҳтыңутык Кияӷныӷым пынъӣӷитнун; ныӷьюкуткақӣ лъпысинун афлъыңакысқылъюки. Афлъыңакитыки қаюҳлъяк афлъыңаксюкыси, нака̄н қаюҳлъяк пияҳқа̄тыхпысиның. Кияӷныӷым таўатын писқысюгӣси. Афлъыңакитыки нака̄н акилыҳтӯсяңыпигыснаӷналюси, иўырңа қаюҳлъяк каюсиӷьюкыси.