1е Тимофею 2:8 - Новый Завет на эскимосском языке

⁸ Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю.

1е Тимофею 2:8 Iomraidhean Croise

От Матфея 21:21

Иисусым кӣмсиқӣ: «Ипа пӣмси, малӷуклъилъңуна̄н ухпықилъылгукуфси, хўаңамтун пилъықуси, ысҳапалъыҳпысистун смоквам уқфига. Таўатыңинақ пина̄нӷитуси талўа уна на̄йӷақ каяхтыкуфсигу: “Ӣклъютын лъпынун мыӷмун милю̄тын”, лыган пилъықуқ.

От Матфея 5:44

Иўырңа хўаңа пӣмси: “Пиниқлъюки угумикилӷӣт лъпысинун, юӷа̄ткақитыкилъю амью̄ткистыси Кияӷныӷмун қуястысқылъюки”.

От Матфея 6:12

Сыӷывутаҳтики сыӷлыҳқылъыпут, сыӷывусималюки сыӷлытун пистыпут.

От Луки 23:34

Иисус пикақ: «Ата̄й, сыӷывутики, қаюҳлъяк на̄лъюкут ся̄қутсың». Пилъюўаҳтыт атыҳтӣра̄ӷуткылъюки а̄ткӣ ныңӣткӣт.

От Луки 24:50

Та̄хкын аӷуляқуткӣ уявантуляңатун Вифаниям, таўани ӣхыни ныңугулъюки қуястыкӣ.

От Иоанна 4:21

Иисусым пика̄: «Аӷнами хўани, ухпықиңа, та̄кўаниңани югыт манигуӷнаниҳлъықа̄т Ата хўани на̄йӷами талўа Иерусалимыми.

Деяния 10:2

Ю̄к пинилӷӣ, каюсиӷимаҳлъяк аклъюмалӷӣнун, юӷатуқақлъю Кияӷныӷмун. Ныңлъюгуткулъҳӣт, қыпҳаҳтыкулъҳӣт манигӯткаюгыт Кияӷныӷмун.

Деяния 10:31

Хўа̄ пӣңа: “Корнилий! Кияӷныӷым юӷалъыҳтын нагақӯмӣ, нықамикӣлъю аклъюмалӷӣнун каюсиӷилъыҳтын.

Деяния 10:4

Алиңрӯӷумаӷми ысҳапахтуӷлюку яқулык а̄птыка̄: «Атанық, сямың пизин?» Яқулгым пика̄: «Кияӷныӷым нагақӯмӣ юӷалъыҳтын, ыфқуқыпихта̄лъю каюсиӷилъҳын аклъюмалӷӣнун ынка̄м нықамика̄тын.

Деяния 21:5

Аӷуляқсяҳқа̄ҳтыңъамта, ухпықа̄лгутымта нулиҳқулъҳӣт, авақутақулъҳӣт малихтӣлъю ыснамун. Таўани сыгысқуҳқӯлъюта юӷа̄тукут.

Деяния 7:60

Сыгысқуҳлъюни игляхтупихлъюни пикақ: «Атанық, сыӷывутики хўакын сыӷлыҳқылъҳитның». Таўатын пилюни туқукақ.

1е Коринфянам 1:2

Письмоӷақуңа Кияӷныӷым ухпыҳтыңитнун Коринфымылңуӷнун, Кияӷныӷым а̄фтыка̄нун юкналюси Христос Иисусыкун. Накмикыхкақӣсилъю пылюңитысқылъюси малигулъюси юлӷутыҳлъягнун тамаңанилңуӷнун, юӷақаюгнун Атанымнъун Иисус Христосымун, қамахтыңъўа̄ӷлюта Атанқаҳпут.

1е Коринфянам 7:7

Хўаңамтун нулиҳтуфқа̄фси, аӷнанилъю угӣфқа̄фси. Иўырңа алъякутукут. Кияӷныӷым нулӣлгустыкаюгӣ иляңи югыт, угилгустыкаюгӣ иляңи аӷнат. Иўырңа итагнаҳтыстыкаюгӣ иляңи югыт нулӣңунаки, аӷнатлъю угиңунаки. Кияӷныӷым алъякулъҳӣ тунусяқ тӯныхкаюўа̄ югнунлъю, аӷнанунлъю.

2е Коринфянам 2:14

Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

К Филиппийцам 1:12

Ухпықа̄лгутымни, лъпысинун лӣсимакысюгақа анусимиңлъяӷвигмытылъыӷма ипапыста̄қ углялӷӣ ю̄к нагатыста̄ Пинилӷӣның Уңипаның.

1е Фессалоникийцам 1:8

Атанӷым уңипа̄ миңитңӯқ лъпысиның Македониямилъю, Ахаиямилъю. Ухпықилъыҳсилъю Кияӷныӷмың лӣта̄т тамаңани. Ынка̄м хўаңкута сямың пинӷисяӷңа̄мтыху ухпықилъыҳси, қаюҳлъяк сӣңынлъю югыт нагақӯма̄т.

1е Тимофею 5:14

Ынка̄м итагнаӷатаӷаӷнаяҳтут нутаӷат угинҳат угӣӷьяқуйың, таӷнуҳаңлютың, афлъыңакысқылъюкилъю ныңлъюгутаңит. Таўатын пикумың аңуяк сыӷлықӯӷвигӣтыслъықа̄т хўаңкунъың.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

От Иакова 4:8

Қантаӷалъӣӷаҳтык Кияӷныӷмун, Кияӷнық қантаӷалъӣӷаҳлъықуқ лъпысинун. Сыӷлыҳқыстыни, ӯҳтуҳтык! Лъпыси ата̄сӣҳтылъҳилңуӷни, укмаңиҳтыки илюси қа̄мкут.

1е Петра 3:7

Лъпысилъю нулиҳтуқани кияӷутыки нулӣси лӣгиклъюки натытуляңи қаюҳлъяк кая̄таӷаҳтут лъпысиның. Қӯлваӷлюки нулӣси қаюҳлъяк атуным алъхыҳсяҳқақаҳси Кияӷныӷым тунуся̄ кынлыңилңуқ уңувалъық. Таўатын пикуфси ся̄м алңунак пилъхилъиқна̄нӷитӣ юӷалъыси.