1е Тимофею 2:6 - Новый Завет на эскимосском языке

⁶ Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

1е Тимофею 2:6 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Марка 1:15

Пикақ: «Пилъыҳқақ хўа̄ ка̄сима̄қ ынка̄м Атаныҳпагулъҳа Кияӷныӷым хўа̄ хўа̄нтуқ! Авутыҳқылъюси, сыӷлыҳқынъаниӷлюси ухпықитыки Пинилӷӣт Уңипат!»

От Марка 10:45

Талўа Иӷныӷа Югым тагика̄нӷитуқ қыпҳа̄тысқылъюни, тагика̄гуқ қыпҳа̄тиналюнилъю тӯналюкулъю уңувалъыни югулиналюки юлӷутыт».

От Иоанна 6:51

Хўаңа уңувалъылитикаюгӯңа, нықыкшаңлъяқ укикақ қилягмың. Китум алңунак ныӷыхкумигу та̄на нықыкшаңлъяқ, кияҳсяҳқа̄гуқ қӯнпырухлъяк. Та̄на нықыкшаңлъяқ кымыкшакақа, тӯнақыхкыхка нунам юги уңувалъыңысқылъюки».

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

К Римлянам 5:6

Югулипагниңилъюта Христосым туқуматкыхкақӣ сыӷлыҳқыстыт, таўани пилъыҳқаҳлъюўа̄ӷми Кияӷныӷым накмикыхка̄ни.

1е Коринфянам 1:6

Алъяңуҳтыкамлъю кияҳта̄лъыҳпыси ипапиҳқа̄ уңипақыхкаҳпут Христос.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 3:5

Сивунӷани Кияӷныӷым уңипа̄тылъҳитӣ югыт қайвиҳтылъҳилңуӷмың успықылъыӷминың. Иўырңа укуни аӷныӷни Аглыӷналӷӣгныкун Таӷныӷагныкун қайвиҳта̄ успықылъыни аглыӷналӷӣнун апостолыминунлъю, ӯкналиқистыминунлъю.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

1е Тимофею 6:15

Кияӷныӷым пилъыҳқаҳлъюўа̄ӷмини тагислъықа̄ Иисус Христос. Усюқналӷӣ Кияӷнық, лъңина̄гуқ Иглыӷутистыҳлъяк, лъңаңӯқ Умӣлгат умӣлгыт, Атанӷат атанӷыт.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Иоанна 4:10

Пиниқылъық акузиткыхкыхка хўаңкута пиниқылъқынӷитаҳпут Кияӷныӷмун. Йыӷлыги Кияӷныӷым пиниқылъқа̄ хўаңкунъун кылгутка̄ каяхтылъыӷмикун Иӷныни иқитусӣлюку сыӷлыҳқылъымнъун.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.