1е Тимофею 1:5 - Новый Завет на эскимосском языке

⁵ Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

1е Тимофею 1:5 Iomraidhean Croise

От Матфея 12:35

Пинилӷӣ ю̄к пинилӷӣмың илюмикилӷӣ пинилӷӣмың а̄ныстикаюгӯқ. Сыӷлық ю̄к сыӷлыӷмың илюмикилӷӣ сыӷлыӷмың а̄ныстикаюгӯқ.

От Матфея 5:8

Тама̄кут умьюгақыхтат қуястылъылгӯт, қаюҳлъяк ысҳаӷьяҳқақа̄т Кияӷнық.

Деяния 15:9

Хўаңкутыстуңўа̄қ кияӷутақӣ; хўаңкутыстуңўа̄қ укмаңиӷақӣ илюңит ухпынӷата.

Деяния 23:1

Павелым қӣвлюки агӷистыт пикӣ: «Иудейелгутымни, аӷныӷмун хўавык кынляңа сыӷлыӷьюгутаңитуңа кияҳтылъымни Кияӷныӷмун».

Деяния 24:16

Ынка̄ңам қӯнпың кияҳнақуткақуңа сыӷлыӷьюгуткаҳқӣлъюңа Кияӷныӷмунлъю, югнунлъю.

К Римлянам 10:4

Христос кынлыка̄т Лӣлиҳтӯсят. Ынка̄м тамаҳаӷми ухпықилъылык Кияӷныӷым налъҳусяҳлъықа̄ ылъқуӷутңалъыӷминун.

К Римлянам 12:9

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

К Римлянам 14:15

Ухпықа̄лгутын унӣӷмиқумакан сямың ныӷыхкаҳпының, та̄ўа пиниқнанӣма̄н. Ныӷыхкаҳпынун на̄фқыстыхпына̄н ухпықилъҳа Христосым туқуматкыхка̄.

К Римлянам 9:1

Апыӷьюкақа лъпысинун ипаңӯқ. Иқлъыңиқңунӷитуңа қаюҳлъяк Христосым пика̄ңа, Аглыӷналӷӣм Таӷныӷамлъю иглыӷутңўа̄к умьюгахка.

1е Коринфянам 13:1

Акузикаюгуяӷңа̄ӷма югытлъю, яқулгытлъю акузилъҳистун, тымңи тыңъа̄хтаҳлъықуңа налиӷмың лыңа̄ҳтаҳлъықуңа пиниқинӷилъкума.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

1е Тимофею 1:18

Тимофейеми иӷнымни, қавңақ иляңита ӯкналиқистыт акузиткыхкақа̄тын. Ынка̄м ма̄тын қылӷамкын акузитаңит гӯтуткики пилъюўамун. Таўатын пинитун пилъюўаҳлъықутын Христосымун.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 3:9

Пыхсяҳқақынӷитӣт апыҳтӯсят Кияӷныӷым қайвиҳқыхкӣ, умьюгӣтлъю сыӷлыӷьюгисяҳқа̄гут.

2е Тимофею 1:3

Унухтӯма̄н, аӷныҳтӯма̄н юӷалъымкун игамсиқаюгвикақақа Кияӷнық лъпынун. Қыпҳа̄тақақа сыӷлыӷьюлъңунаңа, катам сивунымтун.

2е Тимофею 1:5

Нықамикақа ухпықилъыпӣгын. Та̄наңӯқ ата̄сиқ ухпықилъық ныңьюҳпык Лоидам, на̄хпыклъю Евникам атуқыхкаңак. Лӣсимакңўа̄ӷақа лъпыклъю атуқңўа̄н.

2е Тимофею 2:22

Иқитңалютын сямың сыӷлыӷмың аңлинҳат атуқсюгақыхкаңитның. Қӯнпың атуқақигу ылъқуӷутңалъық. Ата̄сӣӷмылъютын, пиниқиңалютын, ныкыхмылъютынлъю. Тама̄кут атуқики, малигулъютың туқлъюӷилӷӣнун Атаныӷмун қамакын пылюңилңуӷмың илюмыхның.

К Титу 1:15

Сяңўа̄ қамахлъюни пылюңитуқ тама̄кунун пылюңилңуӷнун. Иўырңа сяңўа̄ қамахлъюни пылюңинъыӷитуқ тама̄кунун пылюңинъыӷилңуӷнун. Кияҳтыңъӯт сыӷлыҳқылъыӷми, ухпықигата̄тлъю Христос. Умьюгӣтлъю, сюмыӷныӷитлъю нукыхнаҳтыка̄гут, ынка̄м лӣгиксяҳқа̄нанӣма̄т пинилъықлъю, сыӷлылъықлъю.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 13:18

Юӷа̄ткитыкут. Лӣсимакапут умьюгамта анахутылъҳинъӣлъю, қаюҳлъяк ӣўлың пиюкылъқаҳпут ылъқуӷутңалӷӣ пияҳқа̄люку.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

От Иакова 4:8

Қантаӷалъӣӷаҳтык Кияӷныӷмун, Кияӷнық қантаӷалъӣӷаҳлъықуқ лъпысинун. Сыӷлыҳқыстыни, ӯҳтуҳтык! Лъпыси ата̄сӣҳтылъҳилңуӷни, укмаңиҳтыки илюси қа̄мкут.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 3:16

Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.

1е Петра 4:8

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

2е Петра 1:7

Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.

1е Иоанна 3:10

Хўатын лӣсимаксяҳқақапут Кияӷныӷымлъю авақутӣ, Туӷныӷа̄млъю авақутӣ: кина алңунак ылъқуӷулъюни пиңигалңуқ налиӷмың угумикиңалӷӣ юлгутминың Кияӷныӷым авақутақынӷита̄.

1е Иоанна 3:23

Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.