1е Тимофею 1:16 - Новый Завет на эскимосском языке

¹⁶ Нақамлъю Кияӷныӷым наңлъыгьягуткақа̄ңа. Ынка̄м успута̄гуңа натын тахка̄н Христос Иисусым утақӣлъыҳқа̄ның сыӷлыҳқыстының ухпықысқылъюни. Та̄на успутақ тама̄кунун аюқуқ ухпықияҳқанун лъңаның уңувалъыңысқылъюки кынлыңилңуӷмың.

1е Тимофею 1:16 Iomraidhean Croise

От Луки 15:10

Уңипа̄тамси, таўатыҳпигақ Кияӷныӷым яқулги қуя̄қут ата̄сиқ сыӷлыҳқыста авутыҳқылъюни сыӷлыҳқынъанилӷӣ».

От Луки 23:43

Иисусым пика̄: «Ипа уңипа̄тамкын, аӷныӷми хўани хўаңамнилъықутын Райеми».

От Луки 7:47

Уңипа̄тамкын, сыӷывутылъыңут сыӷлыҳқылъылӷутыҳлъяги, тама̄кын апалъюқлъюку пиниқылъылыхлъягӯқ. Таўатыҳпигақ кина алңунак сыӷывутылъыңывлыӷақақ пиниқылъывлыӷалъха̄гуқ».

От Иоанна 20:31

Иўырңа укут игақңалӷӣт игақыхка̄гут лъпысинун ухпықысқылъюку Иисус, Христосыңутаңа, Иӷныӷа Кияӷныӷым. Ухпықылъыҳпысигун уңувалъыңылъықуси А̄тҳакун.

От Иоанна 3:36

Кина алңунак ухпылӷӣ Иӷныӷакун, кынлыңилңуӷмың уңувалъылгӯқ. Китум алңунак қа̄ткынӷилъкумигу Иӷныӷа уңувалъыңықыҳна̄нӷитуқ, та̄ўаңинақ Кияӷныӷым аӷью̄лъҳанисяҳқа̄гуқ қӯнпың.

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

От Иоанна 6:37

Кина алңунак Атам тагивақа̄ тагияҳқа̄гуқ хўаңамнун. Иҳсяксяҳқақынӷитақа кина алңунак тагилӷӣ хўаңамнун,

От Иоанна 6:40

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

От Иоанна 6:54

Китум алңунак ныӷыхкумигу кымыкшака, мыӷыхкумигу а̄кўа, кынлыңилңуӷмың уңувалъылгӯқ, уңуваҳлъықақалъю киңулиӷми аӷныӷми.

Деяния 13:39

Қа̄ткутылъҳым Моисейем Лӣлиҳтӯсӣтхун кина алңунак итымунъа̄нӷита̄ сыӷлыҳқылъҳаның, иўырңа китум алңунак ухпықыхкумигу Иисус, итымусяҳқа̄гуқ тамаҳа̄ның сыӷлыҳқылъыӷминың.

К Римлянам 15:4

Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта.

К Римлянам 6:23

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

К Ефесянам 1:12

Хўаңкута Иудеяни ухпықани сиӷимакиюхўа̄қа̄гукут Христосыкун. Ынка̄м кияҳта̄лъымтыхун усюқыслъықаҳпут Кияӷнық а̄ңылъыҳлъяганун.

К Ефесянам 1:6

Ынка̄м усюқаҳпут Кияӷнық қаюҳлъяк иӷлыхпынани наңлъыкыҳлъягӣлъю пиниқыхкамикун Иӷныӷмикун.

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

2е Фессалоникийцам 1:10

Тама̄кут пияҳқа̄гут таўани Аӷныӷми Атанық Иисус тагикан. Қамахлъютың югыт ухпықикат лъңаның усюқылъықа̄т, сяӷӣӷаягулъықа̄тлъю. Лъпыси акулңитнилъықуси қаюҳлъяк ухпықыхкыси уңипақ а̄пқаҳпут лъпысинун.

1е Тимофею 1:13

Сивунӷани сыӷлыпыста̄тун акузиткыхкақақа Христос, сыӷлыпыста̄тунлъю пикақақа. Амьюқыта̄ткақңамки малихся̄ҳтыңи таўатытыфтуқ амьюқыта̄ткыңъуфтақа лъңа. Таўалъӣма Кияӷныӷым наңлъыкыхкақыхкаңаңа қаюҳлъяк сялин ухпықигалъкыхка Христос, лӣгикумаңилъкыхка ся̄қутка.

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

1е Петра 3:20

Та̄куңӯт қа̄ткусимаңилңӯт Кияӷныӷмун ныӷиӷлюку Ной кияҳтыңъулюку. Ной ковчегыңлъя̄люку Кияӷнық қыляныҳпынани утақӣка̄гуқ қа̄ткусимаңилңуӷнун авутыҳқысқылъюки. Пиңаюның иңлюлъхӣна̄т югыт итыӷлютың ковчегымун югулика̄гут мыҳқун.

2е Петра 3:15

Сюмыӷмикитыху Атанымта нуқытутилъҳа лъпысиның югулилъыңысқылъюси. Пиниқыхкамта ухпықа̄лгутымта Павелым а̄пқақӣ та̄кут ата̄сит письмоӷақңами пыҳқинылъылиӷлюни Кияӷныҳтамың.

2е Петра 3:9

Атанық ыгна̄ңинъыӷитуқ акықусяни пияҳқа̄люку, иляңита югыт сюмыҳтаӷалъҳистун. Йыӷлыги ныкыхмытутақӣси қаюҳлъяк кина алңунак ифлъяюгунӷилъкаңа. Итупилъ тамаҳа̄н ю̄к агўитысқысюгўа̄ сыӷлыҳқылъҳитның.