1е Тимофею 1:12 - Новый Завет на эскимосском языке

¹² Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

1е Тимофею 1:12 Iomraidhean Croise

От Матфея 20:4

Ынка̄м пикӣ: “Лъпысилъю пӣтысиӷаӷвимнун қыпҳаӷьяҳтык, акилыҳтуӷна̄ӷамси қыпҳалъыҳпысистун”.

От Иоанна 5:23

Кияӷныӷым таўатын пикақа̄ Иӷныни тамаҳа̄нун қӯлвӣсқылъюку катам таўатын қӯлвалъҳистун Ата. Китум та̄м қӯлвӣгалъкумигу Иӷнық қӯлвӣгата̄ Ата каяхтикақ Иӷныӷмың.

Деяния 16:15

Қамахлъютың ныңлъюгуткулъҳӣт крестиӷьямың Лидиям ақылъқаңлъяӷӣлъю: «Сюмыҳпысини ипапик ухпыӷумакума Атаныҳқун, хўаңкунъитаҳнаянӷыстык?» Ынка̄м сягиқусинкут лъңитнитукут.

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

Деяния 9:22

Савлам уңипақилъыӷмикун ўата лӣгикыстаӷақа̄ Иисус, Христосыңутаңа рыпалъ Иудеит Дамаскымылңӯт а̄ҳтӣра̄ҳпагниңитка̄т.

1е Коринфянам 15:10

Иўырңа Кияӷныӷым наңлъыхталъҳакун апостолыңӯңа. Наңлъыхталъҳа хўаңамнун аваңинъыӷитуқ. Қыпҳаӷатаӷаҳтуңа тамаҳӣтның апостолыт, иўырңа хўаңамның пиңунӷитақа, Кияӷныӷым наңлъыхталъҳакун пӣқуңа.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Колоссянам 1:25

Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи.

1е Тимофею 1:1

Укут посланият Павелымың пиңӯт апостолаңаның Христос Иисусым. Апостолыңуҳтыка̄гуңа қылылъҳакун Кияӷныӷым Югулиӷистымта, Христос Иисусымлъю сиӷимакыхкамта.

1е Тимофею 1:11

Та̄кут апыҳтӯсят пинӣпихлъыҳӣның Пинилӷӣның Уңипаның пиңӯт. А̄пҳўа̄т усюқналӷӣ Кияӷнық, ныӷьюкуткақӣ хўаңамнун а̄пҳысқылъюки.

1е Тимофею 1:2

Тимофейемун; иӷныпикамкын ухпықилъымтыгныгун. Кияӷныӷым Атам, Христос Иисусымлъю Атанымта қуяслъитын, наңлъыклъитын, ныкыхмылъылгуслъитынлъю.

1е Тимофею 6:13

Қылыӷнақамкын нагасиманӷани Кияӷныӷым, уңувалъылитикам сямун тамаҳа̄нун уңувалӷӣнун, нагасиманӷанилъю Христосым Иисусым, кӣмсиӷиля̄тақуӷикам Понтий Пилатым.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

2е Тимофею 4:17

Иўырңа Атанық хўаңамнитка̄гуқ. Икнақусиқақа̄ңалъю уңипақысқылъюки ӣңунӣта Пинилӷӣт Уңипат қамахлъюки язычнигыт нагақӣсқылъюки. Ынка̄м Кияӷныӷым югуликақа̄ңа туқутылъыҳқамың.

К Титу 1:4

Укут посланият Титымун пиңӯт, иӷныпикамкын ухпықилъымтыгныгун. Кияӷныӷым Атам, Христос Иисусымлъю Югулиӷистымта қуяслъитынлъю, ныкыхмылъылгуслъитынлъю.

К Филимону 1:9

Пиниқутылъыҳпуң апалъюқлъюку а̄пфикамкын атуқысқылъюку ылъқуӷутңалӷӣ. Хўаңа, Павел, нанывга̄гуңа, анусимиңлъяӷа̄гуңалъю апалъюқлъюку Христос Иисус.