1е Тимофею 1:1 - Новый Завет на эскимосском языке

¹ Укут посланият Павелымың пиңӯт апостолаңаның Христос Иисусым. Апостолыңуҳтыка̄гуңа қылылъҳакун Кияӷныӷым Югулиӷистымта, Христос Иисусымлъю сиӷимакыхкамта.

1е Тимофею 1:1 Iomraidhean Croise

От Луки 1:47

таӷныӷахкалъю қуяҳлъягӯк Кияӷныӷми, Югулиӷистымни,

От Луки 2:11

Аӷныӷми хўани лъпысинун алъхыӷақуқ Югулиӷиста, ныҳлъягани Давидым, Христосыңӯқ Атанық.

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

1е Коринфянам 1:1

Укут посланият Павелымың пиңӯт, Кияӷныӷым накмикыхка̄ның Иисус Христосымун апостолыңулюки. Ухпықа̄лгутфут Сосфен хўаңамнитуқ.

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

2е Коринфянам 1:1

Укут посланият Павелымың пиңӯт, апостолаңаның Христос Иисусым Кияӷныӷым пиюкылъҳакун, Тимофейемыңлъю пиңӯт ухпықа̄лгутымнъың. Кияӷныӷым югитнун қырңуӷуткаюгнун юӷаӷвигани Коринфым, тамаҳӣтнунлъю Кияӷныӷым югитнун ӣңунаҳа̄ни Ахаиям.

К Галатам 1:1

Укут посланият Павелымың пиңӯт, апостолымың. Югыт накмикылъҳита̄тңа апостолыңулюңа, талўа каяхтылъҳита̄тңа. Апостолыңӯҳтыка̄гуңа Иисус Христосыкунлъю, Кияӷныҳқунлъю Атакун, уңуваҳтыстикақ лъңаның туқулъыӷмың.

К Галатам 1:11

Ухпықа̄лгутымни, уна лӣсимакысюгақа лъпысинун, Пинилӷӣт Уңипат уңипақақыхкынка югның пиңунӷитут.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

2е Фессалоникийцам 2:16

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

1е Тимофею 2:3

Таўатылңуқ юӷалъық пиниҳтуқ, ыфқуӷнаҳтуқ Кияӷныӷми Югулиӷистымнъи,

1е Тимофею 2:7

Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

1е Тимофею 4:10

Тама̄кын апалъюқлъюку қыпҳаҳлъягӯкутлъю, сягиқлъӣҳтыңъӯкутлъю югнун ухпықысқылъюку ипапилъық. Таўатын пӣкут қаюҳлъяк ныӷьюкаҳпут уңувалӷӣ Кияӷнық, Югулиӷистыңат қамахлъютың югыт, кияң тама̄кут ухпылӷӣт лъңакун.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

К Титу 2:10

налиӷмың тыглыгвиксяҳқақынӷитӣт. Йыӷлыги қӯнпың пинитун, ата̄сӣӷмылъютың пияҳқақӣт. Ынка̄м сялъыӷмыхтыхун тамаҳа̄кун пиюкнаңлъяҳлъықӣт апыҳтӯсӣ Кияӷныӷым Югулиӷистымта.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Титу 3:4

Иўырңа Кияӷныӷым Югулиӷистымта лӣсимакыстыкақӣлъю наңлъыхталъыӷминың, пиниқылъыӷминыңлъю.

К Титу 3:6

Кияӷныӷым кӯвыхкақа̄к Аглыӷналӷӣк Таӷныӷак кымнапихлъюкык хўаңкунъун Иисус Христосыкун, Югулиӷистымтыхун.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

От Иуды 1:25

Кияӷныӷым та̄наңинаҳа̄гуқ Кияӷныгым, югуликақӣлъю Атанымтыхун Иисус Христосым туқулъҳакун. Има тазимакырухлъяк, ма̄тын, қӯнпырухлъяк кынлыңуна̄н Кияӷнық а̄ңыҳлъяхтуқ, аҳтуӷьяҳқа̄нӷитыҳлъяхтуқ, иглыӷутңўа̄ сяңўа̄ қамахтыңъўа̄ӷлюку, аҳтуӷьяҳқақынӷита̄ сяңўа̄ қамахтыңъўа̄ӷлюку. Кияӷнық усюқлъи. Аминь.