1е Петра 5:8 - Новый Завет на эскимосском языке

⁸ Лӣсималюси, кылыңалюси. Аңуяхси Туӷныӷақ иглыӷаңӯқ угинилӷӣтун левытун, иваӷӣқуқ кина на̄фқынъалюку.

1е Петра 5:8 Iomraidhean Croise

От Матфея 13:39

Аңуяк пӣтыстикақ плевелымың Туӷныӷа̄гуқ. Унаталъық нунам кынлытҳӯтылъқа̄, унатаҳтыт яқулгӯт.

От Матфея 24:42

Ынка̄ңам кылыңалюси, қаюҳлъяк налъюкңўа̄ӷаҳси нани аӷныӷми Атаныҳпыси тагилъыҳқа̄.

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 4:1

Та̄хкын Аглыӷналӷӣм Таӷныӷам аӷуляқутка̄ Иисус килга̄нун, Туӷныӷаӷмун сыӷлыҳқыснақуткысқылъюку.

От Матфея 4:11

Та̄хкын Туӷныӷа̄м унисягу Иисус, яқулгыт афлъыңаксяҳтуқа̄т.

От Марка 4:15

Иляңи югыт қылъиҳлъякастун тумыстун аюқут. Пӣтутыт тыкинъыӷата тумытхун қаўа̄гыт ныӷақӣт. Таўатыҳпигақ тама̄кут югыт нагақӯнъыӷата Кияӷныӷым акузитаңаның таўаниңинақ Туӷныӷа̄м пуйгустақӣ.

От Луки 21:34

«Кылыңалюси, аҳсяҳпа̄хтыхпынаси нықынӷаҳқымъың, мыӷӯтылъыӷмың, налиӷмың сюмыӷьялихпынаси нунам пиңаның. Таўатын пикуфси та̄м аӷныӷым ка̄тқаӷнаюкаңиси на̄плъыҳӣстун.

От Луки 21:36

Ынка̄м кылыңатык қӯнпың! Юӷаҳтык анагьяқлъыгысқылъюки тама̄кут қамахлъюки пиката, ныкывьяқлъыгысқылъюси сивуңакун Иӷныӷан Югым».

От Луки 22:31

Иисусым пика̄ Петр: «Симон, Симон! Нагатын! Туӷныӷақ пилъыҳқаңума̄қ Кияӷныӷмың нанӷӣқуналюки ухпықилъыси. А̄фтысюгӣси хўаңамның катам пӣтысиӷаҳтым авулъҳатун малъят пшеницаның.

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

2е Коринфянам 2:11

Туӷныӷа̄м а̄ҳқутақнаюкаңилъю қаюҳлъяк лӣсимакыхкыфут сяңутаңа ята̄ҳқыхка̄.

К Ефесянам 4:27

Талўа туӷныӷақ пилъыҳқалитыхпына̄н нанӷӣқусқылъюси сыӷлыҳқылъыӷмун.

К Ефесянам 6:11

А̄тыкык ӣңуна̄хкынка акулӷа̄ӷык Кияӷныӷым ята̄ҳқыхкакык лъпысинун. Та̄хкын тыңвимун ныкывӷасяҳқа̄ҳлъықаси Туӷныӷа̄м пӯҳтилъҳи.

1е Тимофею 2:15

Иўырңа аӷнат иӷнӣката таӷнуҳаӷның югулилъыңылъықут нагныӷумакуйың ныӷьюклъюку Иисус, пиниқимаңинақумың илямыхның, кияҳсимаңинақумыңлъю аглыӷнаӷлюку кияҳта̄лъыӷмың қусывыхтылъылиӷлютың.

1е Тимофею 2:9

Пиюканкалъю аӷнат пиниӷналъҳит кылгутысқылъюки пинитун пилюгулъҳитхун. А̄ткӣт малъыгңафқӣта налиӷмың кайңунаӷьяҳқа̄фқӣта. Итупилъ пиниӷналъытың кылгулъитки аныӷныҳқилъыӷмыхтыхун, нака̄н нуяқыхсяӷўа̄лъыҳқун налиӷмың золотамыңлъю, жемчугымыңлъю улъңақлъютың налиӷмың акитуқамың а̄ткамың а̄лъютың. Таўатын пилъық ылъқуӷутңа̄қ аӷнанун манигӯткаюгнун Кияӷныӷмун.

1е Тимофею 3:11

Таўатыҳпигақ аӷнатлъю пиниӷлюки акузиткысяҳқа̄гут, йӣлъхияҳқа̄нӷитут, иўырңа нуқынъыҳтуяҳқа̄гут, ата̄сӣӷмысяҳқа̄гутлъю сякун тамаҳа̄кун.

1е Тимофею 3:2

Иглыӷутиста авутңисяҳқа̄гуқ, ата̄симың нулӣлгуяҳқа̄гуқ, нуқынъыҳтуяҳқа̄гуқ, сюмыҳтаӷақыхсяҳқа̄гуқ, юпӣнӷуяҳқа̄гуқ, упуӷанӷуяҳқа̄гуқ, апыҳтуӷияқлъыгӯқлъю.

2е Тимофею 4:17

Иўырңа Атанық хўаңамнитка̄гуқ. Икнақусиқақа̄ңалъю уңипақысқылъюки ӣңунӣта Пинилӷӣт Уңипат қамахлъюки язычнигыт нагақӣсқылъюки. Ынка̄м Кияӷныӷым югуликақа̄ңа туқутылъыҳқамың.

К Титу 1:8

Итупилъ упуӷанӷуяҳқа̄гуқ, пиниқистыкаҳқақа̄ пинилъҳым. Нуқынъыҳтуяҳқа̄гуқ, ылъқуӷутңаяҳқа̄гуқ, таӷныӷагмикун пылюңисяҳқа̄гуқ, нуқытутияҳқа̄гуқ алңунак сыӷлыӷмың.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

К Титу 2:2

Апыҳтуҳқи нуйыклъӣт югыт нуқынъыҳтусқылъюки, сӣвакналӷӣңулюки, сюмыҳтаӷаюсқылъюки, айыпсюгитысқылъюки ухпықилъыҳқун, пиниқылъыҳқун, нуқынъыҳтулъыҳқун.

К Титу 2:4

ынка̄м пыҳқиҳлъықӣт уюқлъӣт аӷнат пиниқысқылъюки угиңитлъю, авақутӣтлъю.

К Титу 2:6

Таўатыҳпигақ қылыҳқи нукалъпигат нуқынъыҳтусқылъюки.

От Иакова 4:7

Тӯнлюси лъпысиның катам Кияӷныӷмун. Аяклъиҳтыху туӷныӷақ, анагнӣҳлъықуқ лъпысиның.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

Откровение 12:10

Та̄хкын нагақуӷақа ма игляхтулюни қилягмың пилӷӣ: «Хўа̄ ка̄сима̄т Кияӷныӷым югулиӷилъҳа, аҳтуӷьяҳқа̄нӷилъҳа, атаныҳпагулъҳалъю, Христосыңанлъю аҳтуӷьяҳқа̄нӷилъҳа. Сялин Туӷныӷақ милю̄тылъҳилъюку қилягмың, аӷныҳтӯма̄н унухтӯма̄н анахутңанӣқӣ ухпықа̄лгутыпут Кияӷныӷмун.

Откровение 12:12

Ынка̄м қамахлъюси кияҳлъыҳӣни қилягми, қуятыҳлъяхтык! Иўырңа сыӷлыӷўа̄ӷунақңӯси нунамылңуӷнилъю, кылъӣнилңуӷнилъю! Туӷныӷа̄м укигвикумӣси, сякшитыҳлъягӯқ қаюҳлъяк лӣсимака̄ пилъыҳқӣӷусяҳтуҳтуқ».

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 20:10

Та̄хкын Туӷныӷақ пӯҳтикақ нунатаның, Кияӷныӷым яқулгита милю̄лъықа̄т на̄йвамун кумаӷулӷӣ уқумьягмың. Таўавык милю̄ткақыхкыхкыт тыӷикусялъю̄гылъю, ӯкналиқистысиӷўа̄қлъю. Таўани икфиқыҳлъяхлъықут аӷныҳтӯма̄н унухтӯма̄н қӯнпырухлъяк кынлыңуна̄н.

Откровение 20:2

Кая̄лъқылъюку дракон туўа̄. (Дракон та̄наңӯқ аюмиҳтақ нымыӷьяқ, а̄тҳа Туӷныӷақ, Туӷныӷақ.) Та̄хкын яқулгым асиҳқа̄ қӣпшаӷутның тысяча аюмиқулъыӷнун.