9 Упуӷанӷулюси қикыҳқуфқа̄фси.
Ухпықа̄лгутыхпысинун аклъюлӷӣнун тӯнӣқитык, упуӷатӣқитык кинкуның алңунак.
Хўаңа Павел, Гаийемытақуңа. Мыңтыӷа̄ни қамахлъютың ухпықат қырңуӷуткаюгӯт. Лъңанлъю, ухпықатлъю сю̄мқақӣсиңуқ. Ныҳлъямта манимың афлъыңакистыңан, Ерастым, ухпықа̄лгутымталъю Квартым сю̄мқақӣсиңуқ.
Тамаҳаҳпыси сюмыҳтаӷа̄ткитыху тӯнилъыҳқаҳтуталыси. Иӷлыгумаҳпыси тӯнихпынаси налиӷмың тӯнияҳқа̄тыхпысиның. Иўырңа қуякусиқлъюку тӯнӣқитык қаюҳлъяк Кияӷныӷым пиниқӣ таўатылңӯт тӯнистыт.
Сяңўа̄ тамаҳа̄н пӣқитыху акузилгафқа̄фси, налиӷмың а̄ҳтӣра̄ӷутыфқа̄фси.
Иглыӷутиста авутңисяҳқа̄гуқ, ата̄симың нулӣлгуяҳқа̄гуқ, нуқынъыҳтуяҳқа̄гуқ, сюмыҳтаӷақыхсяҳқа̄гуқ, юпӣнӷуяҳқа̄гуқ, упуӷанӷуяҳқа̄гуқ, апыҳтуӷияқлъыгӯқлъю.
Итупилъ упуӷанӷуяҳқа̄гуқ, пиниқистыкаҳқақа̄ пинилъҳым. Нуқынъыҳтуяҳқа̄гуқ, ылъқуӷутңаяҳқа̄гуқ, таӷныӷагмикун пылюңисяҳқа̄гуқ, нуқытутияҳқа̄гуқ алңунак сыӷлыӷмың.
Иўырңа хўаңамнитысна̄нӷитақа ўыткуқун сивуклъютын а̄птаҳлъютын. Итагнақумакувгу хўаңамнитысқылъюку та̄ўа лъпык пиюкылъқылъықан, қаюҳлъяк қылӷунӷитамкын таўатын писқылъютын.
Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.
Упуӷамаңинаҳтык ақӣягнун қаюҳлъяк иляңита упуӷатақӣт налъюклъюки яқулгутаңи.
Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ.
