1е Петра 4:4 - Новый Завет на эскимосском языке

⁴ Кияҳнанилӷӣси ухпықа̄нӷилңуӷыстун, лӣгикигата̄т сяңан илянъанӣӷыстык сыӷлытун кияҳта̄лъыӷмыхнун, ынка̄м сыӷлықӯӷақӣси.

1е Петра 4:4 Iomraidhean Croise

От Матфея 23:25

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Қаю̄сисилъю сягнысилъю қа̄йңи сяңихтақаси, нақам имиӷңа̄т ўаяӷнӣқаҳпысиныңлъю, пакигнӣлъыҳпысиныңлъю.

От Луки 15:13

Мулюнӷитуқ, уюқлъӣм иӷныӷан акикуӷлюки ныңини аӷуляқыхкақ уяванлыңуӷмун нунамун. Тама̄ни манини сякусӣқлъюку,

Деяния 13:45

Иудеит ақинакат ысҳаӷьямыхтыки юлӷутыҳлъягыт ынка̄м Павел кипулъхинақа̄т, сыӷлықыхка̄тлъю.

Деяния 18:6

Иудеит кипулъхина̄ӷьятнилъю, сыӷлытунлъю акузиткысятни, а̄тками пагуляңи уфсюгулъюки пикӣ: «Ифлъякуфси лъпыси пилъқаҳси, хўаңа пилъқынъа̄нӷитақа. Хўакын кынлыклъюку язычнигнун уңипақинақуңа».

К Римлянам 13:13

Пинитун кияҳтылъта катам югыстун кияҳлъыҳӣт ниӷугани аӷныӷым. Сыӷлытун тыӷигниқыфқа̄мта, сю̄мыфқа̄мта, алңунак алңунасыӷафқамта, пилъюўатыфқа̄мта, ақинатыфқа̄мта.

К Ефесянам 5:18

Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның,

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

1е Петра 3:16

Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.

2е Петра 2:12

Иўырңа тама̄кут апыҳтуӷистысиӷўа̄ӷыт сыӷлықӯӷақӣт сяңўа̄т лӣгикыхпынаки. Тыӷикусястун сюмыҳтаӷаҳпагниңилңӯгут. Туқутылъыңылъықут тыӷикусястун алъхыӷлютың тыӷихтуӷлюки туқутка̄т.

2е Петра 2:22

Таўатын аныҳтылъҳита ипаңуҳтыста̄т югыт пилъҳат: «Қикмим утыҳфикақа̄ миӷьяқани, куругақлъю уӷвуҳқыхкақ аглянқихлъюни уӷашамун миңуӷунъықихтақуқ».

От Иуды 1:10

Иўырңа тама̄кут апыҳтуӷистысиӷўа̄ӷыт сяңўа̄ алңунак лӣгикынӷилъкысың сыӷлытун акузиткақа̄т. Сяңўа̄ иляңа лӣгикақа̄т тыӷикусястун сюмыҳтаӷӣгалңуӷыстун. Тыӷикусят пиюкылъыӷмыгыстун пикаюгӯт. Таўатыҳпигақ апыҳтуӷистысиӷўа̄ӷыт пикаюгӯт. Ынка̄м сыӷлыҳқыстыңуҳтаӷаӷақут.