1е Петра 3:9 - Новый Завет на эскимосском языке

⁹ Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 3:9 Iomraidhean Croise

От Матфея 19:29

Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 5:39

Иўырңа хўаңа пӣмси, сыӷлытун пистыси акитыхпынаки. Китум қасяҳтыкаңатын улъюңахпыгун иңлюңалъю тӯнакын.

От Матфея 5:44

Иўырңа хўаңа пӣмси: “Пиниқлъюки угумикилӷӣт лъпысинун, юӷа̄ткақитыкилъю амью̄ткистыси Кияӷныӷмун қуястысқылъюки”.

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

От Луки 10:25

Апыҳтуӷикаюгым Лӣлиҳтӯсяның такулюку анагвигиӷналюку а̄птыка̄: «Апыҳтуӷиста, натын сялюңа алъхыҳнаяҳсикун кынлыңилңуқ уңувалъық?»

От Луки 18:18

Иляңани пилъыӷми иглыӷутистым Иисус а̄птыка̄: «Пинилӷӣ Апыҳтуӷиста, натын сякума алъхыҳнаяҳсикун кынлыңилңуқ уңувалъық?»

К Римлянам 12:14

Юӷа̄ткақитыки амьюқыта̄ткистыси Кияӷныӷмун қуястысқылъюки, нака̄н ақниҳтысқылъюки.

К Римлянам 12:17

Китум сыӷлытун пикаңиси, акитыхпынаки сыӷлытун. Пӣқитыки пинилӷӣт тугуклъиӷьюгналӷӣт тамаҳа̄нун.

К Римлянам 8:28

Лӣсимакаҳпут Кияӷныӷым сяңўа̄т қамахлъюки қыпҳаҳтыстақӣ қырңӣта пиниҳқылъыҳқӣтнун пиниқистыми. Лъңаңут туқлъюқӣ ухпықылъыӷмитун.

К Римлянам 8:30

Ынка̄м Кияӷныӷым а̄фтыкани туқлъюқақӣ. Тама̄кутлъю туқлъюқани налъҳусяқақӣ ылъқуӷутңалъыӷминун. Тама̄кутлъю налъҳусяқани ылъқуӷутңалъыӷминун қӯлвақақӣ.

К Галатам 3:14

Христос Иисусым навыҳқылъикақӣлъю ынка̄м лъңакун Кияӷныӷым қуястыкақӣ язычнигыт та̄хкын ата̄симың қуястылъыӷмың акықусяқыхкаминун Авраамымун. Ынка̄м ухпылъыҳқун алъхыҳтахпут Таӷныӷак Кияӷныӷым акықусяқыхкакык.

К Ефесянам 4:32

Йыӷлыги наңлъыхтаҳтык, нафуҳтаҳтык иляхпысинун, сыӷывутулъюсилъю, катам Кияӷныӷым сыӷывуткақыхкаңиси Христосыкун.

1е Фессалоникийцам 5:15

Ўатаҳлъяк акисяқунаки сыӷлытун пистыси иўырңа пинитун пӣқитыки иляси, қамахлъюкилъю югыт.

К Евреям 12:17

Лӣсимакаҳси та̄м киңуңаның, алъхыҳсюгақңамигу атами қуястылъҳа, атаңан иҳсякыхкақа̄. Исавым алъяңуҳтыпагниңиткақа̄ апыӷӣқани, қайўа қунитӯмаӷми туңсиӷңа̄ӷмигу атами қуястилъҳа.

К Евреям 6:14

Авраам пикақа̄: «Қуястыпыста̄ӷлютын, угля̄пихлъюку киңунылилъықамкын».

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.