1е Петра 3:21 - Новый Завет на эскимосском языке

²¹ Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.

1е Петра 3:21 Iomraidhean Croise

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Марка 16:16

Кина алңунак ухпықилӷӣлъю, крестилӷӣлъю югулилъыңьяҳқа̄гуқ. Иўырңа кина алңунак ухпықинӷилңуқ аӷью̄лъыңьяҳқа̄гуқ сыӷлыҳқылъыӷминун.

От Иоанна 13:9

Симон Петырым пика̄: «Атанық, нақам итыганка уӷвуныӷмың та̄қыхкуфки ӣхынкалъю, на̄сқуқалъю пинакытын».

Деяния 16:33

Таўани унугми анусимиңлъяӷвигым умӣлган уӷвуҳтықӣ та̄кук югык анагулылъҳыхкынка кӣңит. Та̄хкын ныңлъюгуткулъҳӣт крестиӷъяңина̄маӷмың пикат.

Деяния 2:38

Петырым кӣмсиқӣ: «Авутыҳқылъюси, сыӷлыҳқынъаниӷлюси қӣвитык Кияӷныӷмун, крестиӷытыклъю А̄тҳакун Иисус Христосым, сыӷлыҳқылъыси сыӷывутылъыңысқылъюки, ынка̄м Кияӷныӷым тунусякык Аглыӷналӷӣк Таӷныӷак алъхыҳтыкык.

Деяния 22:16

Сямың утақӣгақсин? Ся̄қсин крестиӷыстын, сыӷлыҳқылъыҳтын уӷвуҳтыстики туқлъюӷилъыҳпыгун А̄тҳакун Атанӷым”».

Деяния 8:36

Иглыӷуткылъюку мыӷмун ка̄сямык евнухым пика̄: «Ысҳа та̄на мық! Сяңўа̄ңам ылътӯсиқылъықсикун крестиӷылъыҳқамнун?»

Деяния 8:37

Филиппым пика̄: «Ипапиҳқылъютын ухпықувык крестиӷылъықамкын». Евнухым кӣмсиқа̄: «А̄, ухпықақа Иисус Христос Иӷнықа̄ Кияӷныӷым».

К Римлянам 5:14

Паниның югыт кияҳтыка̄гут има Адамымың Моисейемун, қамахлъютың туқуяҳқа̄гут, малигулъютың тама̄кут сыӷлыҳқылъҳит Адамым сыӷлыҳқылъҳатун аюқынӷилңӯт. Адам Христосытун аюқуқ, тагияҳқатун.

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

1е Коринфянам 4:6

Ухпықа̄лгутымни, лъпыси апалъюқлъюси Аполлослъю хўаңкутуң успутақңӯкуң. Успута̄гукуң лъпысинун лӣтысқылъюку уна игақңалӷӣ сямың писӣтаңа: «Қа̄ткақитыки сяңўа̄т игақңалӷӣт Акузитни Игақыхкани». Налиҳӣнаҳпыси а̄ңа̄югуткысяқуна̄н ата̄сиқ ю̄к, а̄лъҳа угумиклъюку.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Галатам 3:27

Крестиӷақңафси Христосымун, а̄лъҳӣстун Христос пикақаҳси таўатын пиюлюгугақылъыҳпысистун.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 11:19

Авраамым ухпықыхкақа̄ Кияӷнық уңуваҳтияқлъыгунилюку туқуканың. Ынка̄м Кияӷныӷым туқутыснаниӷақңагу Исаак, Авраамым выҳтыкалъҳӯқақа̄ Исаак туқулъыӷмың.

К Евреям 13:18

Юӷа̄ткитыкут. Лӣсимакапут умьюгамта анахутылъҳинъӣлъю, қаюҳлъяк ӣўлың пиюкылъқаҳпут ылъқуӷутңалӷӣ пияҳқа̄люку.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

1е Петра 3:16

Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.