1е Петра 3:18 - Новый Завет на эскимосском языке

¹⁸ Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 3:18 Iomraidhean Croise

От Матфея 27:19

Пилат ақумгамалюку нанқихтивигми, нулиҳан уңипа̄тысяҳтуқа̄: «Сянақыфқа̄н та̄на сыӷлыҳқылъҳилңуқ ю̄к қаюҳлъяк қаваңуқыхкақақа ынка̄м аӷнылъқусиқ сыӷлылӣӷусиқақа».

От Матфея 27:24

Пилат лӣгиклъюни алъя сяпагниңисями ысҳаӷлюки юлӷутыт сыӷлылӣқысталӷӣт, тугулюкык аӷмигусик ӯҳтуқақ сивуңитни юлӷутыт. Та̄хкын пикӣ: «Хўаңа авутңитуңа туқутылъыҳқа̄нун, лъпыси таўатын пистыңъўа̄ҳси!»

От Иоанна 16:10

Лӣгикыслъықа̄ ылъқуӷутңалъық, қаюҳлъяк агляӷнақылӷӣңа Атамун ынка̄м ысҳаӷнаниҳлъықаҳпысиңа.

Деяния 22:14

Пӣңа: “Кияӷныӷым, сивунымта манигуқӣта, накмика̄тын лъпынун лӣгикысқылъюку пиюкылъыни, ысҳӣсқылъюку Сыӷлыҳқумаңилңуқ Қыпҳаҳтыни, нагатысқылъюку алыҳқуқаңатын.

Деяния 3:14

Йыӷлыги Пилатымун юхтаӷалъқақ итымутысқыхкақаҳси иҳсяклъюку Иисус, Сыӷлыҳқумаңилңуқ, Қа̄ткутңаҳлъялӷӣ.

К Римлянам 1:4

Аглыӷналӷӣм Таӷныӷам лӣгикыстӣлъю Атаныҳпут Иисус Христос, Кияӷныӷым аҳтуӷьяҳқа̄нӷилңӯгуқ Иӷныӷа. Таӷныӷам ипапиҳқыхкақа̄ уңуваҳтыслъюку Иисус туқулъыӷмың.

К Римлянам 4:25

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

К Римлянам 5:2

Апалъюқлъюку ухпықилъыҳпут Иисусым кияҳтыстӣлъю Кияӷныӷым пиниқылъҳани. Ынка̄м қуяҳлъягӯкут қаюҳлъяк лӣсимакңўа̄ӷаҳпут Кияӷныӷым ныңиҳтыслъықӣлъю ниӷуҳқылъыӷминың.

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

К Римлянам 8:3

Моисейем Лӣлиҳтӯсӣ таўатын пипагниңитут қаюҳлъяк югусимта пиюкылъҳита кая̄лыҳқыхкақӣ Лӣлиҳтӯсят. Иўырңа Кияӷныӷым пикақа̄ Лӣлиҳтӯсят пипагниңитка̄т. Каяхтыкақа̄ лъми катам Иӷныни нунамун сыӷлыҳқумалӷӣтун юхтун аюқлъюку. Тӯныхкақа̄ Иӷныни аҳқутңулюку сыӷлыҳқылъымнъун. Таўатын нанқихтыкақа̄ сыӷлыҳқылъық югусимылъюку,

2е Коринфянам 1:24

Иглыӷунъақуткыңъунӷитаҳпут ухпықилъыҳси; қыпҳалгусиӷьюгамси қуямасқылъюси, қаюҳлъяк аӷулӣтуси ухпықилъыҳпысигун.

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 5:21

Христос сыӷлыҳқумаңитңўа̄ҳтуқ, иўырңа сыӷлыҳқылъымнъун Кияӷныӷым аӷью̄қақа̄ сыӷлыҳқыхка̄люку. Ынка̄м Христосыкун Кияӷныӷым ылъқуӷутңаңлъяқақӣлъю.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 3:13

Ынка̄м Кияӷныӷым нанқихтыкақӣлъю аӷью̄ӷналюта апалъюқлъюки Лӣлиҳтӯсят, иўырңа Христосым навыҳқылъикақӣлъю нанқихлъыҳқамнъың тугулъыӷмикун аӷью̄лъыҳқаҳпут. Қаюҳлъяк Акузитыт Игақыхкат пика̄гут: «Нанқихтыка̄гуқ аӷью̄ӷьяҳқа̄люни тамаҳаӷми агаҳтыкақ уқфихкун».

К Ефесянам 3:12

Ухпықилъымтыхун Христосыкун агляӷьяҳқа̄ҳсима̄кут Кияӷныӷмун тытулъңуна̄мталъю, алиңылъңуна̄мталъю.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 10:10

Иисус Христосым қа̄ткысяқминигу Кияӷныӷым пиюкылъҳа, пылюңиқақӣлъю сыӷлыҳқылъымнъың тӯнылъыӷмикун югусини ата̄сиҳаӷмың қӯнпырухлъяк.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

К Евреям 9:26

қаюҳлъяк икфиқнаяҳтуқ углӣнаӷлюку има улималъҳаның нунам. Иўырңа укуни киңулиӷни аӷныӷни тагика̄гуқ ата̄симың қӯнпырухлъяк иқинъалюки сыӷлыҳқылъҳыт аҳтуткылъыӷмикун лъминың.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

От Иакова 5:6

Лъпысиңӯт нанқихтистикатлъю, туқутистикатлъю анахусимаңилңуӷның югның, лъңита аяклъӣмаңитӣси.

1е Петра 3:19

Ынка̄м таӷныӷа̄люни уңипаӷьяҳтуқа̄гуқ таӷныӷанун анусимиңлъяӷвигмылңуӷнун.

1е Петра 4:1

Икфиқыхка̄таңаның Христос югусимикун лъпысилъю ята̄ҳқитык икфиқсяҳқа̄люси Христосытун, қаюҳлъяк кина алңунак югусимикун икфиқылӷӣ сыӷлыҳқысюгнанӣма̄қ.

1е Петра 4:6

Тама̄кын апалъюқлъюку Пинилӷӣт Уңипат уңипақыхка̄гут талўа туқуканун. Тама̄кут нанқихтыка̄гут уңуваңулютың нунами хўани. Иўырңа Пинилӷӣт Уңипат уңипақыхка̄гут лъңитнун, ынка̄м таӷныӷӣт кияҳсяҳқа̄ҳлъықут катам Кияӷныӷым кияҳтылъҳатун.

1е Иоанна 1:9

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.