1е Петра 3:1 - Новый Завет на эскимосском языке

¹ Лъпыси угӣқани, кияҳтык қа̄ткулъюси угихпысинун. Иляңи нулӣлгыт ухпықиңигалңӯгут Кияӷныӷым акузитаңаның. Иўырңа таўатын кияҳтылъыҳпысигун ухпықа̄ҳнаюката сямың пинӷитыӷңа̄ҳпысики,

1е Петра 3:1 Iomraidhean Croise

От Матфея 18:15

«Ухпықа̄лгутыхпык сыӷлытун пикаңатын, лъңина̄ҳалюку уңипа̄нъакын анахутылъҳаның. Нагаскумитын та̄ўа илялӣӷунъықихлъықутык.

К Римлянам 10:16

Иўырңа иляңинӣта қа̄ткыхкақӣт Пинилӷӣт Уңипат. Исаия а̄птыка̄гуқ: «Атанық, китум ухпықыхкақагу уңипаҳпут?»

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

К Римлянам 7:2

Угӣқақ аӷнақ успута̄гуқ. Лӣлиҳтӯсям қылылъҳани аӷнақ угиминисяҳқа̄гуқ тахталңатун угими кияҳтылъҳан. Иўырңа туқукан угини, та̄ўа итымылъықуқ Лӣлиҳтӯся̄ның ныңуҳтылъҳым.

1е Коринфянам 11:3

Иўырңа лӣгикысюгамси Христос на̄сқӯтиңӯқ тамаҳа̄нун югнун, югӯқлъю на̄сқӯтилӷӣ нулӣӷминың.

1е Коринфянам 14:34

аӷнат акузистыңуяҳқа̄нӷитут юӷаӷвигни. Акузияҳқа̄нӷитутлъю, иглыӷутистыңуяҳқа̄нӷитутлъю қырңуӷутңалӷӣни, қаюҳлъяк Лӣлиҳтусянилъю игақңа̄қ таўатын.

1е Коринфянам 7:16

Ухпықами аӷнами, угихпынискувык каюсӣтақся̄ӷан югулилъыӷмун. Налиӷмың ухпықами югми, нулӣҳпынискувык каюсӣтақся̄ӷан югулилъыӷмун.

К Ефесянам 5:33

Иўырңа та̄на лъпысинунлъю аюқуқ: тамаҳаӷми угим пиниқыпыста̄ӷьяҳқақа̄ нулӣни лъми катам пиниқылӷӣстун. Тамаҳаӷмилъю нулиҳым сӣваксяҳқақа̄ угини.

К Колоссянам 3:18

Нулӣӷни, малиҳқутақлъюси угихпысинун қаюҳлъяк таўатын Атанӷым писқысюўӣси.

К Колоссянам 4:5

Пыҳқинӷўа̄қитык ухпықа̄нӷилңуӷнинъыҳпысини. Атуқақитыху тамаҳа̄н пилъыҳқаҳси уңипа̄сяҳқа̄люки Христосымың.

2е Фессалоникийцам 1:8

Та̄хкын Иисусым аӷью̄ҳлъықӣ тама̄кут налъюкилӷӣт Кияӷныӷмың, қа̄ткусигалңӯтлъю Пинилӷӣның Уңипа̄мың Иисусымың аюқылӷӣт.

К Евреям 11:8

Ухпықилъыҳқун Авраамым қа̄ткыхкақа̄ Кияӷнық туқлъюӷақңатни аӷуляқысқылъюку иляңанун нунам. Кияӷныӷым акықусяқа̄ та̄на нуна лъңанун тӯнылъықнилюку. Ынка̄м униткақа̄ лъми нунани налъюклъюку навык пинақутни.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

1е Петра 1:22

Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 3:2

қаюҳлъяк ысҳапакаңат пылюңитун кияҳта̄лъыҳси, аликилъыҳсилъю Кияӷныӷмун.

1е Петра 3:7

Лъпысилъю нулиҳтуқани кияӷутыки нулӣси лӣгиклъюки натытуляңи қаюҳлъяк кая̄таӷаҳтут лъпысиның. Қӯлваӷлюки нулӣси қаюҳлъяк атуным алъхыҳсяҳқақаҳси Кияӷныӷым тунуся̄ кынлыңилңуқ уңувалъық. Таўатын пикуфси ся̄м алңунак пилъхилъиқна̄нӷитӣ юӷалъыси.

1е Петра 4:17

Нанқихтилъыҳқақ ка̄туқ, сивуклъюни пӣнлиҳлъықуқ Кияӷныӷым ныңлъюгутаңакун. Пӣнлиӷнақңукан хўаңкутхун, сялъықанңам қа̄ткусигалңӯт Кияӷныӷым Пинилӷӣнун Уңипа̄нун?