1е Петра 2:4 - Новый Завет на эскимосском языке

⁴ Тагитык Атаныӷмун, лъңа уңувалӷӣңӯқ уйӷак. Югыт иҳсякыхка̄т сясӣнӷилңуӷыстун, иўырңа Кияӷныӷым накмикыхкақа̄ мыгнунаӷлюку.

1е Петра 2:4 Iomraidhean Croise

От Матфея 11:28

Тагитык хўаңамнун қамахлъюси уӷлыӷилӷӣни, уқихтуқамыңлъю акмалыхлъягни, мыӷна̄лислъықамси.

От Матфея 12:18

«Уна ысҳа накмикыхкақа̄ қыпҳаҳтыңулюку. Пиниқыхкақа уңувасигма ыфқуқыпихта̄. Таӷныӷахка лъңакун ныкыхлъықахка. Уңипа̄лъықӣ язычнигыт таўатыҳлъюўа̄қ нанқихтилъыҳқамның тамаҳа̄нун югнун.

От Матфея 21:42

Иисусым пикӣ: «Атиҳтӣгастыкӣ Акузитыт Игақыхкат хўатын пилъҳит? “Уйӷак та̄на мыңтыӷаңлъяҳтыт иҳсякыхка̄т мыгнуналъыҳпига̄ҳтыка̄гуқ уйӷак. Та̄на Атанӷым пилъқа̄, ураң пинилъыҳпига̄гуқ хўаңкунъун!”

От Иоанна 14:19

Ма̄тықўа̄қун нунам юган ысҳаӷнаниӷнақа̄тңа, иўырңа лъпыси ысҳаҳлъықаҳпысиңа, қаюҳлъяк уңувалӷӣңа, лъпысилъю уңувалъықуси.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 5:26

қаюҳлъяк Ата уңувалъҳӯқ, ынка̄м уңувалъық лъңаның пиңӯқ. Таўатыҳпигақ Иӷныӷа уңувалъҳӯқ, қаюҳлъяк Атам таўатытыстыкаңа.

От Иоанна 5:40

Нақам хўаңамнун тагиюгигатуси уңувалъылитысқылъюси.

От Иоанна 6:37

Кина алңунак Атам тагивақа̄ тагияҳқа̄гуқ хўаңамнун. Иҳсяксяҳқақынӷитақа кина алңунак тагилӷӣ хўаңамнун,

От Иоанна 6:57

Атам уңувастикаюгым каяхтыкақа̄ңа, хўаңалъю уңувастақа̄ңа. Ынка̄м китум алңунак ныӷыхкумиңа уңувалъықуқ хўаңа апалъюқлъюңа.

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

К Колоссянам 3:4

Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

1е Петра 1:19

иўырңа тукфиқақӣси мыгнунапихлъыҳӣмың а̄ўаның Христосым. Лъңа пынъӣӷаӷаҳтун аюқуқ сялъхўа̄ҳӣлңуқ.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Петра 2:7

Та̄на уйӷак мыгнунапихтуқ лъпысинун ухпықилӷӣнун. Иўырңа ухпықиңигалңуӷнун хўатылңӯгуқ: «Та̄на уйӷак мыңтыӷаңлъяҳтыт иҳсякыхка̄т, каңиӷам уйӷака̄ҳсимакаңа».

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Петра 1:4

Аҳтуӷьяҳқа̄нӷилъыӷмикун, Иисусым тӯныхкақӣлъю акықусяминың мыгнунапихлъыҳӣныңлъю, пивагнапихлъыҳӣныңлъю. Тама̄гун акықусятхун Кияӷныӷым илятыслъықӣси наңаӷныӷминун. Та̄хкын анагьяқлъыгуҳлъықаси сыӷлыӷым пиюкылъҳи нунамылңӯт на̄фқӣяқлъыгыт лъпысиның.