1е Петра 2:25 - Новый Завет на эскимосском языке

²⁵ Пынъӣӷыстун аӷуляқа̄талӷӣстун аюқсяҳтуси. Иўырңа ма̄тын утыӷнӣма̄си Пынъӣӷнӣҳтымун Кылыңакистыңанун уңувасиҳпыси.

1е Петра 2:25 Iomraidhean Croise

От Матфея 18:12

«Сюмыҳпысини сянаяҳта ю̄к ю̄к талъимат пынъӣлык, ата̄сиқ аӷуляқсяқан? Иваӷьяҳтуӷнаяҳтагӯ аӷуляқыхкақ унилъюки 99 пынъӣни қыминилъюки?

От Матфея 9:36

Ысҳаӷлюки юлӷутыҳлъягыт наңлъыгьягуткӣ, қаюҳлъяк сыӷлылӣӷңаҳлъягыт, каютңунатың; пынъӣӷыстун пынъӣӷниҳтыңилңуӷыстун.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 5:2

Первосвященнига кая̄лъиқыхкаюгутминың наңлъыхтаӷьяҳқа̄гуқ тама̄кунун налъюкылӷӣнунлъю, ухпықинанилӷӣнунлъю ипапилъыӷмун.

1е Петра 3:20

Та̄куңӯт қа̄ткусимаңилңӯт Кияӷныӷмун ныӷиӷлюку Ной кияҳтыңъулюку. Ной ковчегыңлъя̄люку Кияӷнық қыляныҳпынани утақӣка̄гуқ қа̄ткусимаңилңуӷнун авутыҳқысқылъюки. Пиңаюның иңлюлъхӣна̄т югыт итыӷлютың ковчегымун югулика̄гут мыҳқун.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.