1е Петра 2:23 - Новый Завет на эскимосском языке

²³ Сыӷлықӯлъыңақңами акисимаңитӣ. Икфиқақңами акықсяхсимаңитӣ. Итупилъ ныӷьюкутка̄гуқ лъңаның нанқихтикаюгмун ылъқуӷаҳлъюку.

1е Петра 2:23 Iomraidhean Croise

От Луки 23:41

Нақамынрақ хўаңкутуң ылъқуӷулъютуң аӷью̄лъыңукуң, иўырңа уна ю̄к сямың анахусимаңитуқ».

От Луки 23:46

Та̄хкын Иисус игляхтупихлъюни пикақ: «Ата̄й, таӷныӷахка афлъыңакылъыҳқаҳпынун пыхтахка!» Таўатын пилюни туқукақ.

От Луки 23:9

Ынка̄м а̄пқуӷа̄ҳта̄ка̄, иўырңа Иисусым кӣмсӣмаңилъкаңа.

Деяния 17:31

Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».

Деяния 4:29

Нагатақатын ма̄тын хўа̄ алиңсиқукаңинкутлъю икфиқыслъықнилюта. Атанық, икнақуҳсяқаҳтикут ынка̄м тытухпына̄мта уңипа̄лъта уңипаҳпының,

Деяния 7:59

Хўа̄ уйӷагым тыкиқаӷвикңатни Стефан юӷақақ: «Атанық Иисус, таӷныӷахка тугуклъиҳқык».

Деяния 9:1

Савля Иерусалимымылъюни та̄ўа паниның алиңсиқукӣ туқуқуӷнақнилюки малихся̄ҳтыңи Атанӷым. Қынўат Дамаскысюкақ, лю̄рақ Иисусым малихся̄ҳтыңи югытлъю аӷнатлъю тама̄нъаюката. Ысҳақумики тагинъалюки Иерусалимымун анусимиңлъӣсқылъюки. Ынка̄м первосвященнигмун пилюни письмоңлъя̄тысқыхкақ пилъыҳқалитысқылъюни иглыӷутистыңитнун синагогат Дамаскымылңуӷнун, таўатын пиналюни.

К Римлянам 2:5

Иўырңа лъпык алыҳқуныҳлъюгӯтын, пиныҳлъюгӯтын; тама̄кын апалъюқлъюку авутыҳқысюгигатутын. Ынка̄ңам лъпык катам улимаңўа̄н аӷью̄лъыңылъыҳқан сыӷлыӷатаӷа̄люку Нанқихтилъҳым Аӷныӷани. Таўани Аӷныӷми Кияӷныӷым алӣҳлъықа̄к сякша̄лъынилъю, ылъқуӷутңалӷӣлъю нанқихтилъыни.

К Ефесянам 6:9

Пилӣтистыни, пинитун пӣқитыки қыпҳаҳтыля̄си катам уңипа̄тылъымтун лъңит пинитун писқылъюси. Алиңсықухпынаки. Нықамиклъюку лъпысилъю, қыпҳаҳтыля̄силъю ата̄симың Атанылгӯси қилягмылңуӷмың. Лъңан нанқихсяҳқақӣ югыт қамахлъюки танӣлъңунаки.

2е Фессалоникийцам 1:5

Тама̄кут ипапиҳқа̄т Кияӷныӷым нанқихтилъҳа ылъқуӷутңалӷӣңӯқ. Ынка̄м Кияӷныӷым а̄пҳӣси итагнаӷнилюси кияҳтысқылъюси Атаныҳпагулъыӷмини қаюҳлъяк икфиқуткыңъукыси.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 12:3

Сюмыҳтаӷа̄ткаҳтыхуқун Иисус. Ӣлъқаюгумаңитуқ қайўа сыӷлыҳқыстыт угумикыра̄ҳлъяӷңа̄тни. Таўатын лъпысилъю илютулъҳӣнъа̄нӷитусилъю, ӣлъқаюгна̄нӷитусилъю.

1е Петра 3:9

Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 4:19

Ынка̄ңам тама̄кут икфиқылӷӣт апалъюқлъюку Кияӷныӷым пиюкылъҳа, ылъқуӷулъютың пилъықут, ныӷьюкулъықӣтлъю уңуваситың ата̄сӣӷмылңуӷмун Улимаӷистымун.

Откровение 19:11

Та̄хкын ысҳаӷақа қиляк қылъпылӷӣ, та̄ўа қатылӷӣ кӯни! Кӯникун иглыҳлъыҳӣм а̄тҳа «Ата̄сӣӷмылңуқ, Ипапик». Ылъқуӷутңа̄т нанқихтилъҳи, пилъюўақаңилъю аңуяни.