1е Петра 2:21 - Новый Завет на эскимосском языке

²¹ Кияӷныӷым накмикыхкақӣси сюфлъюҳтысқылъюки икфиқылъҳыт қаюҳлъяк Христосым икфиқуткыхкақӣси. Икфиқылъҳа успута̄гуқ лъпысинун малихтысқылъюку.

1е Петра 2:21 Iomraidhean Croise

От Матфея 10:38

Китум алңунак қақӯрани тугуюнӷилъкумигу малихна̄нӷита̄ңа, ынка̄м хўаңамни итагнанӷитуқ.

От Матфея 11:29

Ӣсқаӷмӣтахка а̄лъюкык лӣтивикитыңъа, қаюҳлъяк якумаңинъыӷитуңа, илюка қусывыгңа̄қ. Ынка̄м мыӷна̄лилъықуси уңувасиҳпысинун.

От Матфея 16:24

Та̄хкын Иисусым малихся̄ҳтыни пикӣ: «Китум алңунак малихсюкумиңа, лъми катам пиюкылъыни пыхлъюку, қақӯрани уямиглюку малихлъиңа.

От Луки 24:26

Пика̄гут Христос икфиқыпыста̄ӷлюни туқулъықнилюку итыӷвагилгами ниӷуҳқылъыӷминун».

От Иоанна 13:15

Таўатын пӣңа успутақысқылъюку лъпысинун. Ынка̄м лъпысилъю пӣқитык хўаңа пилъымтун лъпысинун.

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

Деяния 17:3

Ӯкналиқылъыҳтыхун лӣгикыснақуткыхка̄ ипа Христос туқуяҳқапыста̄ӷунилюкулъю, уңуваӷьяҳқапыста̄ӷунилюкулъю туқулъыӷмың. Пикӣ: «Уна Иисус а̄пқыхка лъпысинун Христосыңӯқ».

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

К Римлянам 8:29

Тама̄куңӯт Кияӷныӷым накмикыкыстақӣ. А̄фтыкақӣлъю Иӷныӷмитун лъӣӷысқылъюки. Таўатын пика̄гуқ Иӷныни алъхыӷьюхўа̄ӷумасқылъюку аңлыгутылӷутаңаның.

1е Коринфянам 11:1

Ынка̄м хўаңамтун пӣқитык, катам хўаңа малихтылъымтун Христос.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Филиппийцам 2:5

Сюмыӷныси Христос Иисусым сюмыӷныӷатун аюқлъит.

1е Фессалоникийцам 3:3

қаюҳлъяк ӣлъқаюхтысюнӷилъкымси ухпықилъыҳпысиның сыӷлылӣлъыси апалъюқлъюки. Иўырңа лӣсимакаҳси ухпықани хўаңкута сыӷлылӣӷьяҳқа̄гукут.

1е Фессалоникийцам 4:2

Лӣсимакаси сяңўа̄т қылӷуткапут лъпысинун писқылъюки Атаныҳқун Иисусыкун.

2е Тимофею 3:12

Тамаҳаӷми амьюқыта̄ткылъыңылъықуқ кияҳсюлӷӣ Кияӷныӷым пиюкылъҳатун Христос Иисусыкун.

К Евреям 2:10

Кияӷныӷӯқ улимаӷикақ сямың тамаҳа̄ның лъңанун, нагныӷастыңъўӣлъю таўатылъюки. Итагнапихтыка̄гуқ Кияӷныӷым пиниҳсяӷўа̄қақа̄ Иисус икфиқылъыҳқун пӣнлиҳтыңулюку югулилъҳитнун. Ынка̄м Иисусым тагисяҳқа̄ҳтыкақӣ юлӷутыт ниӷуҳқылъыӷмун.

1е Петра 1:20

Кияӷныӷым накмикыхкақа̄ Христос талўа сивуңани нуна улималъҳилъюку. Ма̄тын киңулиӷни аӷныӷни алӣҳтыкақа̄ лъпыси апалъюқлъюси.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Петра 3:9

Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 4:1

Икфиқыхка̄таңаның Христос югусимикун лъпысилъю ята̄ҳқитык икфиқсяҳқа̄люси Христосытун, қаюҳлъяк кина алңунак югусимикун икфиқылӷӣ сыӷлыҳқысюгнанӣма̄қ.

1е Петра 4:13

Итупилъ қуятык илялъҳӣси Христосым икфиқылъҳанун қуяңаҳлъягысқылъюси ниӷуҳқылъҳа алӣҳтыкан.

1е Иоанна 2:6

Кина алңунак пилӷӣ кияҳтыңъунилюни лъңани, кияҳсяҳқа̄гуқ Иисус Христосым пилъҳатун.

1е Иоанна 3:16

Хўатын ысҳа лӣсимакыхкыфут пиниқылъық сяңутаңа: Христосым тӯнылъҳакун уңувалъыни хўаңкунъун. Ынка̄м хўаңкуталъю тӯнылътыки уңувалъыпут ухпықа̄лгутымнъун.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.