1е Петра 2:10 - Новый Завет на эскимосском языке

¹⁰ Сивунӷани Кияӷныӷым юкынӷисяӷӣси, иўырңа ма̄тын юлӣсимӣси. Сивунӷани налъюксяӷаҳси Кияӷныӷым наңлъыхталъҳа, иўырңа ма̄тын алъхыҳсима̄ҳси наңлъыхталъҳа.

1е Петра 2:10 Iomraidhean Croise

К Римлянам 10:19

Алъя а̄пқуӷа̄лъылгӯңа: Израилыӷмӣт лӣгикынӷитаткӣи Израилыӷмӣңунӷилңӯт лъңитлъю Кияӷныӷым юкаткӣ? А̄а, лӣгикумӣт. Сивуклъюку Кияӷныӷым Моисей хўатын писта̄: «Лъпысинун ақинакыснақанка Израилыӷмӣңунӷилңӯт. Израилыӷмӣңунӷилңуҳтыхун лӣгикигалңуҳтыхун угумиюхтыснақамси».

К Римлянам 11:30

Сивунӷани лъпыси язычнигни қа̄ткылъҳитаҳси Кияӷнық. Иўырңа ма̄тын алъхыҳтаҳси Кияӷныӷым наңлъыхталъҳа қаюҳлъяк Иудеит қа̄ткунъыӷилңӯт.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

1е Тимофею 1:13

Сивунӷани сыӷлыпыста̄тун акузиткыхкақақа Христос, сыӷлыпыста̄тунлъю пикақақа. Амьюқыта̄ткақңамки малихся̄ҳтыңи таўатытыфтуқ амьюқыта̄ткыңъуфтақа лъңа. Таўалъӣма Кияӷныӷым наңлъыкыхкақыхкаңаңа қаюҳлъяк сялин ухпықигалъкыхка Христос, лӣгикумаңилъкыхка ся̄қутка.

К Евреям 4:16

Ынка̄м тытулъңуна̄мта агля̄лъта умӣлгусигнун ақумутахкынун Кияӷныӷым, алъхыӷусаҳқа̄люта наңлъыхталъҳанун. Таўани наңлъыкылъықӣлъю, каюсиҳлъықӣлъю аклъюкилъымнъи.