1е Петра 1:8 - Новый Завет на эскимосском языке

⁸ Ысҳӣгатыӷңа̄ҳпысигу пиниқаҳси, ысҳанӷитыӷңа̄ҳпысигу ма̄тын ухпықаҳси. Ынка̄м қуяҳлъягӯси рыпалъ а̄пҳўа̄ҳпагниңитаҳси аңталяңа қуялъыҳпыси,

1е Петра 1:8 Iomraidhean Croise

От Матфея 10:37

Китум алңунак пиниқыхкумигу атани налиӷмың на̄ни пакихулъюку хўаңамның, хўаңа пикыпагниңитақа. Китум алңунак пиниқыхкумигу иӷныни налиӷмың панини пакихулъюку хўаңамның, хўаңа пикыпагниңитақа.

От Иоанна 14:15

«Пиниқыхкуфсиңа қа̄ткылъықаси қылӷусянка.

От Иоанна 14:21

Китум тугуклъиқумики қылӷусянка, қа̄ткыхкумикилъю, пиниқистыкақа, Атамалъю пиниқылъықа̄. Хўаңалъю пиниқылъықақа, лӣтыслъықуңалъю лъңанун».

От Иоанна 14:24

Китум пиниқынӷилъкумиңа қа̄ткынъа̄нӷитӣ апыҳтӯсянка. Апыҳтӯсят нагаткыси хўаңамның пиңунӷитут, Атамың пиңӯт Каяхтистымның.

От Иоанна 16:22

Қивӷуңӯси ма̄тын иўырңа ысҳаҳлъықамси алъямың ынка̄м қуялъықуси. Китум алңунак иқинъа̄нӷита̄ қуялъыҳси.

От Иоанна 20:29

Та̄хкын Иисусым пика̄: «Ухпықӣтын қаюҳлъяк ысҳақывңа. Қуянаҳалык тама̄кут ухпылӷӣт ысҳаҳпынаңа».

От Иоанна 8:42

Иисусым пикӣ: «Кияӷнық ипа Атаксяқуфсигу пиниқнаяӷаҳпысиңа, қаюҳлъяк тагика̄гуңа Кияӷныӷмың, ынка̄м хўа̄ хўа̄нтуңа. Хўаңамның тагимаңитуңа, Кияӷныӷым каяхтыкақа̄ңа.

Деяния 16:34

Павелылъю, Силалъю лъмыхнун агля̄лъюкык ныӷыстыкахкыт. Ныңлъюгуткулъҳӣт қуятыҳлъякат қаюҳлъяк ухпықыхкаңат Кияӷнық.

К Римлянам 14:17

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

1е Коринфянам 16:22

Китум алңунак пиниқынӷилъкумигу Атанық, на̄фқылъылгӯқ. «Маранафа», хўатын писӣгуқ, Атаныҳпут, таги!

2е Коринфянам 1:22

налъюнӣӷӣлъю лъңанун пиңулюта, тӯна̄клъю Таӷныӷагни илюмнъун налъяңӣся̄люкык тамаҳа̄нун акықусяқыхкаминун хўаңкунъун.

2е Коринфянам 12:4

Таўани нагаткақӣ сяңўа̄т апыӷьяҳқа̄нӷилңӯт. Тама̄кут ӣнӷутка̄гут югмун акузиткысяҳқа̄лютың.

2е Коринфянам 4:18

Сюмыҳтаӷа̄ткумаңинӣгатапут сыӷлылӣлъыпут. Итупилъ сюмыҳтаӷа̄ткақапут ысҳаҳпагниңилъкыпут. Қантаӷақун сыӷлылӣлъыпут кынлытҳӯлъықут, иўырңа қуялъыҳпут ысҳӣгалъкыфут қӯнпыкаҳқа̄гуқ.

2е Коринфянам 5:7

Кияҳтыңъӯкут ухпықилъыҳқун, нака̄н ысҳақаюмтыхун.

2е Коринфянам 9:15

Йықай игамсиқаюгвикылътыху Кияӷнық тунуся̄нун акузитыт апыҳпагниңилъкаңат.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 3:19

Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.

К Ефесянам 6:24

Наңлъыхталъық тамаҳаҳпысинун пиңӯқ пиниқилӷӣни Атанымнъың Иисус Христосымың пиниқылъылиӷлюку на̄ңьяҳқа̄нӷилңуӷмың.

К Филиппийцам 1:25

Ипапиҳқуткума̄қа та̄на, лӣсимакақа ўӣн уңуванақңӯңа. Лъпысининъақңӯңа каюсӣнъалюси нагусқылъюси, қуямалъыңысқылъюси ухпылъыҳпысигун.

К Филиппийцам 3:3

Хўаңкутаңӯкут ухпықани обрезанияпӣўа̄қани қаюҳлъяк манигуӷақаҳпут Кияӷнық Таӷныӷахкынкун, усюқақаҳпутлъю Христос Иисус. Ныӷьюңигатукутлъю Кияӷныӷмун пилӣтысқылъюта хўаңкута катам сялъымтыхун.

К Филиппийцам 4:4

Ӣўлың қуяма̄қитык Атаныҳқун. Пинақлъя̄таӷамси, Қуяма̄қитык!

К Евреям 11:1

Ухпықилъҳым лӣсимакыстыңъўа̄ӷӣлъю алъхыҳсяҳқақнилюку сиӷмакыхкаҳпут, ипапиҳқусигуқ ысҳаӷьяҳқақынӷилъкымнъун.

К Евреям 11:27

Ухпықилъыҳқун Моисейем униткақа̄ Египет алиңылъңунани умӣлгым сякша̄лъҳаның. Ӣлъқаюгумаңитуқ қаюҳлъяк ысҳалӷӣстун пикақыхкаңа алӣнъыӷилңуқ Кияӷнық.

1е Петра 1:6

Та̄м қуямастӣси, қайўа ма̄тын натыңӣҳақ алъя̄ҳӣнаӷмың сыӷлылӣӷьяӷңа̄ҳпыси.

1е Петра 2:7

Та̄на уйӷак мыгнунапихтуқ лъпысинун ухпықилӷӣнун. Иўырңа ухпықиңигалңуӷнун хўатылңӯгуқ: «Та̄на уйӷак мыңтыӷаңлъяҳтыт иҳсякыхка̄т, каңиӷам уйӷака̄ҳсимакаңа».

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.