1е Петра 1:4 - Новый Завет на эскимосском языке

⁴ Ынка̄м утақаңўа̄пут пилӣсяҳқапут қуястылъыҳлъягыт Кияӷныӷым афлъыңакыхкаңи югминун. Афлъыңакңўӣ қилягми лъпысинун ынка̄м аӷуна̄нӷитут, на̄вна̄нӷитут, ӷывна̄нӷитутлъю.

1е Петра 1:4 Iomraidhean Croise

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

Деяния 20:32

На̄ңнӣткынъақақа, ныӷьюкутамси Кияӷныӷмун афлъыңакысқылъюси, уңипамунлъю пиниқылъҳанун қуястысқылъюси. Нагатылъыҳпысигун та̄на уңипақ ухпылъыси икнақуҳлъықутлъю, алъхыҳлъықаҳсилъю лъпыси пилӣсяҳқаҳси Кияӷныӷмың. Та̄на пилӣсяҳқақ тама̄кунун пиңӯқ а̄фтыкаминун лъңанун катам югулюки.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

1е Коринфянам 9:25

Кытанқустыт уляпақут югуситың икнақуҳналюки қаюҳлъяк қаҳпаңьюгақылӷӣт аваямың қуқуңалыгмың. Тама̄кут палиӷьяҳқа̄гут. Иўырңа қаҳпа ухпықат алъхыҳсяҳқа̄т қӯнпыкаҳқа̄гуқ.

К Галатам 3:18

Лӣлиҳтӯсятхун алъхыҳнақңукумтыху Кияӷныӷым тунуся̄, та̄ўа акықуся̄кун алъхыҳна̄нӷитаҳпут. Иўырңа акықилъыӷмикун Кияӷныӷым тунусяни тӯныхкақа̄ Авраамымун.

К Ефесянам 1:11

Христосыкун Кияӷныӷым накмикыхкақӣлъю лъңанун югулюта. Аюмирухлъяк пиюкылъыӷмитун ухпықыхкақа̄. Лъңан сяңўа̄ тамаҳа̄н пиюкылъыӷмитун пистақа̄.

К Ефесянам 1:14

Аглыӷналӷӣм Таӷныӷам ипапиҳқыстӣлъю пагитаҳқамнъың кынляңа хўаңкута пилӣтылъыҳқамнун. Ынка̄м усюқылъықаҳпут Кияӷнық а̄ңылъыҳлъяганун!

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

К Колоссянам 3:24

Нықамиклъюку Атанӷӯқ Христос қыпҳа̄ткаҳси. Алъхыҳлъықаҳси акилыҳтӯсяҳси лъңаның. Акилыҳтӯсяқ акықусяқыхкақа̄ тӯнылъықнилюку югминун.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 10:34

Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.

К Евреям 9:15

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.

От Иакова 1:11

Сиқинық пӣнъыӷмини ма̄тныҳқўа̄ҳлъягақылӷӣ, пӣтысиӷа̄т палиҳтыслъюки. Та̄хкын пӣтысиӷа̄т ифкақӯтақут, пиниӷнӣӷутақӣ. Таўатыҳпигақ аклъюңилңуқ ю̄к сякыстаӷңа̄ӷми авӣӷулъықуқ.

1е Петра 3:9

Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

Откровение 21:27

Иўырңа ныҳлъягмун итыӷьяҳқа̄нӷитуқ сяңўа̄ сыӷлық, талўа кина алңунак сыӷлыӷнатун писта, налиӷмың иқлъыңиқыста. Иўырңа ныҳлъягмун итыӷьяҳқа̄гут тама̄куңинаҳа̄т а̄тҳит игақңалӷӣт Ига̄кун Уңувалъҳым. Та̄кут Игат Пынъӣӷаҳа̄м пикӣ.