1е Петра 1:3 - Новый Завет на эскимосском языке

³ Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

1е Петра 1:3 Iomraidhean Croise

От Иоанна 1:13

Авақуталӣсимаңитӣ юхкун алъхыӷақылӷӣстун, талўа югым пиюкылъҳакун налиӷмың накмикылъҳакун. Кияӷныӷым лъминың катам авақуталӣткақӣ.

К Римлянам 12:12

Қуяңатык қаюҳлъяк сиӷималъылгӯси, нуқытақитык ныкыхмылъюси сыӷлылӣныҳпысини, юӷаӷақитыклъю ӣўлың.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 4:25

Кияӷныӷым тӯныхкақа̄ Иисус туқуматкысқылъюки сыӷлыҳқылъыпут, уңуваҳтыкақа̄лъю налъҳусяӷналюта ылъқуӷутңалъыӷминун.

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

К Римлянам 8:24

Та̄хун сиӷималъыҳқун югулика̄гукут. Иўырңа алъхыҳсимакумтыху сиӷимакыхкаҳпут, та̄ўа сиӷималъҳунӷитуқ. Югыт сиӷимаңигатут сямың алъхыҳтыңъўа̄қамыхның.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

1е Коринфянам 15:20

Ипаңӯқ Христос уңувақа̄гуқ туқулъыӷмың, тама̄кын апалъюқлъюку лӣсимакңўа̄ӷаҳпут хўаңкуталъю уңуваҳтысяҳқа̄гукут иляңани аӷныӷым.

2е Коринфянам 1:3

Усюқылътыху Кияӷнық Атаңа Атанымта Иисус Христосым, наңлъыхтапихлъыҳӣ Ата, Кияӷныӷмың тагӣқуқ қамахлъюни каюткаҳқақ!

К Галатам 6:16

Тамаҳӣтнун қа̄ткулъҳӣнун апыҳтӯсямнун, йықай Кияӷныӷым ныкыхмылъҳалъю, наңлъыхталъҳалъю лъңитнилъи, Израилыңанилъю Кияӷныӷым.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 1:3

Усюқылъыңли Кияӷнық, Атаңа Атанымта Иисус Христосым! Христосыкун Кияӷныӷым қуястыңъўӣлъю тамаҳа̄ның тунусямың қиляхтамың.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 2:4

Иўырңа Кияӷнық наңлъыхтаҳлъяхтуқ, пиниқыпихтӣлъхуқлъю.

К Ефесянам 3:20

Кияӷныӷым аҳтуӷьяҳқа̄нӷилъҳакун қыпҳалӷӣкут илюмнъи, лъңан пияқлъыгўа̄ қа̄йӷулъюку сяңўа̄ алңунак а̄птыкаҳпут налиӷмың сюмыҳтаӷа̄ткыхкаҳпут.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

1е Фессалоникийцам 4:13

Ухпықа̄лгутымнъи, лӣсимакысюгамси ухпықаның қавалӷӣның қивӷукыфқӣта писқылъюки сиӷималъҳилңуӷыстун.

2е Фессалоникийцам 2:16

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

От Иакова 1:18

Кияӷныӷым лъңан катам Пиюкылъқақа, тӯналюта нутаӷамың уңувалъыӷмың уңипа̄кун ипапиҳқылъҳым. Таўатын пика̄гуқ, хўаңкута мыгнуналъыҳпига̄сқылъюта улима̄ӷьяхаӷминың.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.

1е Петра 1:23

Алъхынқихтыка̄гуси. Уңувалъыӷраӷаҳси туқукаюгмың пиңунӷитуқ, иўырңа туқуңигалңуӷмың пиңӯқ. Алъхынқихтыка̄гуси Кияӷныӷым акузитаңитхун, уңувалӷӣт, кынлыңилңӯт.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

1е Петра 3:15

Иўырңа илюхпысигун манигуӷақитыху Христос Атанӷулюку. Китум алңунак а̄птыкаңиси сиӷималъыӷмың илюхпысинилңуӷмың қӯнпың лӣгикнатун кӣмсиӷьяқлъыхӣна̄ўақитыки.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.

1е Петра 3:5

Сивунӷани агани, аӷнат манигӯткаюгыт Кияӷныӷмун пиниӷнаҳсяқаюгӯт илюмыхтыхун, қусывыхлъылиӷлютың, ныкыхмылъылиӷлютыңлъю. Ныӷьюкыхкақа̄т Кияӷнық, қа̄ткыхкақӣтлъю угитың.

1е Иоанна 2:29

Лӣсимакыхкыси Христос ылъқуӷутңалӷӣ. Ынка̄м лӣсимаксяҳқақасилъю алңунак ылъқуӷутңа̄н пикаюгыт Кияӷныӷым таӷнуҳақӣ.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.

1е Иоанна 3:9

Кина алңунак таӷнуҳа̄ Кияӷныӷым сыӷлыҳқумаңинӣгатуқ қаюҳлъяк Кияӷныӷым наңаӷныӷа лъңанилңуқ; қаюҳлъяклъю Кияӷнық Атакыхкаңа, ынка̄м сыӷлыҳқумаңинаӷна̄нӷитуқ.

1е Иоанна 4:7

Пиниқыхкамни, йықай пиниқутутылъта қаюҳлъяк пиниқылъық Кияӷныӷмың пиңӯқ. Кина алңунак пиниқиңалӷӣ таӷнуҳақа̄ Кияӷныӷым, лӣсимака̄лъю Кияӷнық.

1е Иоанна 5:1

Китум алңунак ухпықңукумигу Иисус, Христосыңутаңа, авақутақа̄ Кияӷныӷым, китум алңунак пиниқыхкумигу Ата пиниқсяҳқақӣ авақутӣ.

1е Иоанна 5:18

Лӣсимакаҳпут кина алңунак Кияӷныӷым авақута̄ сыӷлыҳқумаңинаӷна̄нӷитуқ, қаюҳлъяк Иӷныӷан Кияӷныӷым афлъыңакңукаңа ынка̄м Туӷныӷа̄м сыӷлытун пина̄нӷита̄.

1е Иоанна 5:4

қаюҳлъяк тамаҳаӷми авақуталӣтка̄н Кияӷныӷым кая̄лъқыхкақа̄ нуна. Хўатын ысҳа кая̄лъқысяҳқаҳпут нуна, ухпықилъымтыхун.