1е Петра 1:25 - Новый Завет на эскимосском языке

²⁵ иўырңа акузитаңи Кияӷныӷым қӯнпыкаҳқа̄гут». Та̄куста акузитыт Пинилӷӣт Уңипат уңипақыхкаңит лъпысинун.

1е Петра 1:25 Iomraidhean Croise

От Матфея 5:18

Ипа пӣмси, қилягылъю нунамлъю кынлытҳӯтылъҳыхкынун кынляңа, талўа сясқувыгаҳақ алъяңуҳна̄нӷитуқ Лӣлиҳтӯсянилңуқ кынляңа қамахлъютың Лӣлиҳтӯсянилңӯт апыӷӣлъҳитнун.

От Луки 16:17

Иўырңа пияқнаӷатаӷаҳтуқ иқитылъыҳқа̄ ата̄сиқ тагнықшаҳақ Лӣлиҳтӯсяның, қилягылъю, нунамлъю авӣӷутылъыҳқахкының.

От Иоанна 1:1

Пӣнлиӷьюхўа̄лъыӷмың Акузин таўантыкақ, Акузин Кияӷныӷмыткақ, Акузин Кияӷныӷулӷӣ.

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

1е Коринфянам 2:2

Пакикақанка тама̄кут қаюҳлъяк уңипақиюлӷӣңа Иисус Христосыңинаҳаӷмың туқулъҳаныңлъю қақӯракун.

К Ефесянам 2:17

Христос тагилюни уңипақика̄гуқ ныкыхмылъыӷмың лъпысинун язычнигнун, аўавантыңъуялӷӣси Кияӷныӷмун. Уңипақика̄гуқлъю ныкыхмылъыӷмың Иудеянун, қантаӷантыңъулӷӣт Кияӷныӷмун.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

1е Петра 1:12

Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 1:23

Алъхынқихтыка̄гуси. Уңувалъыӷраӷаҳси туқукаюгмың пиңунӷитуқ, иўырңа туқуңигалңуӷмың пиңӯқ. Алъхынқихтыка̄гуси Кияӷныӷым акузитаңитхун, уңувалӷӣт, кынлыңилңӯт.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

2е Петра 1:19

Тама̄кын апалъюқлъюку хўаңкунъи налъюнықшахӣтут ӯкналиқистыт ӯкналиқуткыхкӣт ипаңутаңи. Лъпысинун пиниҳлъықут сюмыҳтаӷа̄ткыңъўа̄қуфсики ӯкналиқуткыхкӣт, қаюҳлъяк кынылӷутам кӯкхутылъҳатун аюқут мамлыгмун. Таўатытыкыстаҳтык кынляңа Христосым тагилъыҳқа̄н аӷныӷанун. Та̄хкын ниӷуга кӯкхулъықуқ илюхпысинун, уна̄ңум иӷалықыта̄ӷатун аюқлъюни.

1е Иоанна 1:1

Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

Откровение 14:6

Та̄хкын ысҳаӷақа иляңа яқулык тыңа̄лӷӣ қӯлваҳпани. А̄пҳӣ кынлыңилңӯт Пинилӷӣт Уңипат нунами кияҳлъыҳӣнун, тамаҳӣтнун нуната̄нилңуӷнун югнун, рамкынун, улюнун, югнунлъю.