1е Петра 1:22 - Новый Завет на эскимосском языке

²² Қа̄ткутылъыҳқун ипапиҳқылъыӷмун пылюңиҳтыкақаси уңувасиси, ынка̄м пиниқыпӣгаси ухпықа̄лгутыси. Пиниқутыкыстаҳтык илюхпысиның қамакын.

1е Петра 1:22 Iomraidhean Croise

От Иоанна 15:17

Уна қылӷусяқақа, пиниқутулъюси».

От Иоанна 15:3

Лъпыси укмаңиӷўа̄ӷлюси аюқуси акузитытхун акузиткыхкамкун лъпысинун.

От Иоанна 17:17

А̄фтики лъпынун ипапилъыҳқун; акузитын ипапилъҳӯқ.

От Иоанна 17:19

Лъңит апалъюқлъюки хўаңамның а̄фтыка̄гуңа лъпынун, лъңитлъю а̄фтысқылъюки акузитыхпыгун ипапилъыҳқун.

Деяния 15:9

Хўаңкутыстуңўа̄қ кияӷутақӣ; хўаңкутыстуңўа̄қ укмаңиӷақӣ илюңит ухпынӷата.

Деяния 6:7

Кияӷныӷым уңипӣ миңисимаңинақӣт. Ынка̄м нуляка̄лӷӣт ухпықат Иерусалимыми, священнигылӷутытлъю илялгутңит ухпыҳтӯткат малигулъютың.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 2:8

Иўырңа иляңи югыт лъңина̄югныӷӯт. Ухпықсюгигата̄т ипапилъық сыӷлыпыста̄тун пиналютың. Ынка̄м Кияӷныӷым сякшитутыҳлъяглюки, аӷью̄ҳлъяхлъықӣ.

К Римлянам 8:13

Кияҳтыңъукуфси малиҳқутақлъюси югусиҳпыси пиюкылъҳанун, туқулъықуси. Иўырңа Таӷныӷагныкун туқускуфсики югусиҳпыси сыӷлыҳқыңʼңалӷӣт пӣқыхкаңит, та̄ўа кияҳлъықуси.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Галатам 5:7

Сивунӷани пинитуңўа̄қ пиңуяҳтуси. Китум қа̄ткунъаниҳтыстиси ипапиҳқылъыӷмун?

К Ефесянам 4:3

Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын.

К Филиппийцам 1:9

Юӷа̄ткақамси пиниқиҳлъягысқылъюси, лӣсималъыңатаӷӣсқылъюси, лӣгикылъыңатаӷӣсқылъюсилъю.

1е Фессалоникийцам 3:12

Атанӷым, пиниқсялӣтутыстаӷаӷлиси. Пиниқылъыҳсилъю тывуӷаслъигу тамаҳа̄нун югнун, катам хўаңкута пиниқылъымтыстун лъпыси.

2е Фессалоникийцам 1:3

Ухпықа̄лгутымнъи, ӣўлың игамсиқаягусяҳқақамси Кияӷныӷмун. Ылъқуӷутңа̄қ таўатын пилъыҳқаҳпут, қаюҳлъяк ухпықиныҳтуҳтаӷалӷӣсилъю, пиниқутаӷаӷлюсилъю лъӣҳтуси.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Тимофею 1:3

Аӷуляқнақумалюңа Македониямун Ефесымытысқыхкақамкын. Иляңи югыт тама̄нлыңӯт апыҳтуӷиңӯт ипаңунӷилңуӷмың апыҳтӯсяның. Қылыҳқи та̄қысқылъюки

1е Тимофею 1:5

Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.

1е Тимофею 4:12

Китумун алңунак паляқыстыхпына̄н аңлинҳа̄малъҳын. Иўырңа ухпықанун успута̄ўи акузилъыҳпыгун, сялъыҳпыгун, пиниқылъыҳпыгун, ухпықилъыҳпыгун, пылюңилъютын кияҳтылъыҳпыгун.

1е Тимофею 5:2

Сӣванлъыӷыт аӷнат на̄кылӷӣстун пӣқики, ынка̄м уюқлъӣт аӷнат наягыстун пӣқики, қилӣӷьюкыфқӣта.

2е Тимофею 1:14

Кылыңакигу ипапилъық ныӷьюкуткақ лъпынун. Кылыңакигу каюткылъюкык Аглыӷналӷӣк Таӷныӷак кияҳлъыҳӣк илюмнъи.

К Евреям 11:8

Ухпықилъыҳқун Авраамым қа̄ткыхкақа̄ Кияӷнық туқлъюӷақңатни аӷуляқысқылъюку иляңанун нунам. Кияӷныӷым акықусяқа̄ та̄на нуна лъңанун тӯнылъықнилюку. Ынка̄м униткақа̄ лъми нунани налъюклъюку навык пинақутни.

К Евреям 13:1

Пиниқыкыстаҳтыки ухпықа̄лгутыси.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

К Евреям 6:10

Кияӷнық ылъқуӷутңа̄н нанқихтӣқуқ, ынка̄м пуйгуна̄нӷита̄ қыпҳалъыҳсилъю, пиниқилъыҳсилъю лъңанун каюсӣтылъыҳпысигун юги. Нықамикылъықа̄лъю паниның каюсӣтңукыси.

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

От Иакова 1:21

Тама̄кын апалъюқлъюку пыхтыху қамахтыңъўа̄ӷлюку алъя̄ҳӣнақ сыӷлық атуқақыхкыси. Қусывыгңаҳпыси тугуклъиҳтыки Кияӷныӷым акузитаңи, пӣтысиӷақӣ илюхпысигун, қаюҳлъяк югулияҳқақӣси уңувасиҳпысиның.

От Иакова 4:8

Қантаӷалъӣӷаҳтык Кияӷныӷмун, Кияӷнық қантаӷалъӣӷаҳлъықуқ лъпысинун. Сыӷлыҳқыстыни, ӯҳтуҳтык! Лъпыси ата̄сӣҳтылъҳилңуӷни, укмаңиҳтыки илюси қа̄мкут.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Петра 2:17

Қӯлваӷлюку тамаҳа̄ ю̄к, пиниқлъюки ухпықа̄лгутыси, аликлъюку Кияӷнық, қӯлваӷлюкулъю умӣлык.

1е Петра 3:1

Лъпыси угӣқани, кияҳтык қа̄ткулъюси угихпысинун. Иляңи нулӣлгыт ухпықиңигалңӯгут Кияӷныӷым акузитаңаның. Иўырңа таўатын кияҳтылъыҳпысигун ухпықа̄ҳнаюката сямың пинӷитыӷңа̄ҳпысики,

1е Петра 3:20

Та̄куңӯт қа̄ткусимаңилңӯт Кияӷныӷмун ныӷиӷлюку Ной кияҳтыңъулюку. Ной ковчегыңлъя̄люку Кияӷнық қыляныҳпынани утақӣка̄гуқ қа̄ткусимаңилңуӷнун авутыҳқысқылъюки. Пиңаюның иңлюлъхӣна̄т югыт итыӷлютың ковчегымун югулика̄гут мыҳқун.

1е Петра 3:8

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык.

1е Петра 4:17

Нанқихтилъыҳқақ ка̄туқ, сивуклъюни пӣнлиҳлъықуқ Кияӷныӷым ныңлъюгутаңакун. Пӣнлиӷнақңукан хўаңкутхун, сялъықанңам қа̄ткусигалңӯт Кияӷныӷым Пинилӷӣнун Уңипа̄нун?

1е Петра 4:8

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

2е Петра 1:7

Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.

1е Иоанна 3:11

Уңипақ нагақуқаҳси пӣнлиӷьюхўа̄лъыҳпысиның унаңӯқ: пиниқутусяҳқа̄гукут.

1е Иоанна 3:23

Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.

1е Иоанна 4:12

Китум алңунак ысҳӣгатңўа̄ӷа̄ Кияӷнық; пиниқускумта Кияӷнық кияҳтыңъӯқ илюмнъи, пиниқылъҳалъю ӣӷўиӷьяҳқа̄гуқ илюмнъи.

1е Иоанна 4:20

Кина пикуми: «Пиниқақа Кияӷнық», нақам угумиклъюку ухпықа̄лгутни, иқлъыңиқыстыңӯқ. Қаюҳлъяк китум алңунак пиниқынӷилъкумигу ухпықа̄лгутни ысҳақаюни, пиниқна̄нӷита̄ Кияӷнық ысҳӣгалъкынъи.

1е Иоанна 4:7

Пиниқыхкамни, йықай пиниқутутылъта қаюҳлъяк пиниқылъық Кияӷныӷмың пиңӯқ. Кина алңунак пиниқиңалӷӣ таӷнуҳақа̄ Кияӷныӷым, лӣсимака̄лъю Кияӷнық.

Откровение 2:4

Иўырңа пиюкынӷитусиқа лъпысинун унаңӯқ, пиниқнанӣма̄ҳпысиңа, ухпықа̄лгутысилъю сивунӷани пиниқылъыҳпысистун.