1е Петра 1:14 - Новый Завет на эскимосском языке

¹⁴ Қа̄ткулъюси Кияӷныӷмун қаюҳлъяк авақутақӣси. Ынка̄м атуқыхпынаки сыӷлыӷыт пиюкылъыси атуқңуяқыси. Таўатысяҳтуси налъюкутыхпысиның натын Кияӷныӷым кияҳтысқысюлъҳан аюқутаңа.

1е Петра 1:14 Iomraidhean Croise

Деяния 17:30

Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки.

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

К Римлянам 6:4

Крестиӷылъымтыхун туқука̄гукутлъю, қуңука̄гукутлъю Христосыми. Аҳтуӷьяҳқа̄нӷилъыҳлъягмикун Атам уңуваҳтыкақа̄ Христос туқулъыӷмың. Ынка̄м кияҳсяҳқа̄ҳлъықукут кияҳта̄лъылиӷраӷаӷлюта.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

1е Фессалоникийцам 4:5

Иляпхатыхпынаси югусиҳпыси атуқиюлъҳанун ухпықа̄нӷилңӯт пилъҳистун налъюкилӷӣт Кияӷныӷмың.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.