1е Петра 1:13 - Новый Завет на эскимосском языке

¹³ Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 1:13 Iomraidhean Croise

От Матфея 20:4

Ынка̄м пикӣ: “Лъпысилъю пӣтысиӷаӷвимнун қыпҳаӷьяҳтык, акилыҳтуӷна̄ӷамси қыпҳалъыҳпысистун”.

От Луки 12:35

«Сямун тамаҳа̄нун ятаҳқыңъўа̄ӷлюси, а̄ткаси а̄сяқлъыхӣна̄ӷлюки, кынылӷутаси кумаҳтыңъўа̄ӷлюки.

От Луки 17:30

Таўани аӷныӷми Иӷныӷа Югым алӣҳтыкан, югыт кияҳта̄лъҳат алмысиқсяҳқақа̄ югыт кияҳта̄лҳистун сивунӷани.

От Луки 17:8

Нака̄! Итупилъ хўатын пилъықан: “Ята̄ҳқигу ныӷьяҳқақа. Симиҳтуӷлютын кыпсӣқуңа ныӷьяҳқамның, мыӷьяҳқамның. Ныныӷмың та̄қыхкума, ныӷумаҳпык, мыӷумаҳпык пилӷа̄тын”.

К Римлянам 13:13

Пинитун кияҳтылъта катам югыстун кияҳлъыҳӣт ниӷугани аӷныӷым. Сыӷлытун тыӷигниқыфқа̄мта, сю̄мыфқа̄мта, алңунак алңунасыӷафқамта, пилъюўатыфқа̄мта, ақинатыфқа̄мта.

К Римлянам 8:19

Улима̄қ қамахлъюни утақӣңӯқ қылянылъылиӷлюни Кияӷныӷмун алӣҳтысқылъюки кинкуңутаңи авақутӣ.

1е Коринфянам 1:7

Аглыӷналӷӣгның Таӷныӷагның тунусялгӯси сямың тамаҳа̄ның, утақӣңулюси Атанымта Иисус Христосым тагинқихтылъыҳқа̄ның.

1е Коринфянам 13:13

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

К Ефесянам 6:14

Ынка̄м ныкывӷамаңинаҳтык. Ипапилъық тафсӣтыху, ылъқуӷутңалъықлъю сякимагӣтӣтыху.

К Колоссянам 3:4

Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

2е Фессалоникийцам 1:7

Ынка̄м лъпыси икфиқылӷӣни Кияӷныӷым мыӷна̄лисна̄ӷӣси икфиқылъыӷмың хўаңкуталъю малигулъюта. Таўатын пилъықуқ алӣҳтыкумики Атанық Иисус, икнақыҳлъялӷӣтлъю яқулги. Қилягмың укихлъықут кыныӷмылъютың кумаӷуӷңалӷӣми.

2е Тимофею 4:5

Иўырңа лъпык ӣўлың ныкыхмылъютын, нагныӷутигу сяңўа̄ пияҳқан икфиқңуӷңа̄ҳпык, уңипақикыста̄ Пинилӷӣның Уңипаның. Лъпык қыпҳаҳтыкыхкаңатын Кияӷныӷым, апыӷӣҳу қамахлъюку қыпҳақақ лъпынун писқыхка̄.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 10:35

Ынка̄ңам ӣлъқаюхпынаси қаюҳлъяк илютумаңинақуфси алъхыӷулъықуси акилыҳтӯсяҳлъягмың.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

К Евреям 6:19

Та̄на сиӷималъық уйӷӣтңӯқ уңувасимнъун, пақнанӣӷутыстӣлъюлъю, айыпсюгитыстӣлъюлъю. Та̄на сиӷималъық итыҳтуқ аглыӷналъыҳпигаӷмун нымун сяфка̄ӷутым аўатаңанилңуӷмун.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Петра 1:10

Ныӷиӷлюку ӯкналиқистыт лӣгикңўа̄ӷнақыхкақа̄т та̄на югулилъық. Ӯкналиқуткыхкақа̄т тунусяқ Кияӷныӷым тӯньяҳқа̄ лъпысинун.

1е Петра 3:15

Иўырңа илюхпысигун манигуӷақитыху Христос Атанӷулюку. Китум алңунак а̄птыкаңиси сиӷималъыӷмың илюхпысинилңуӷмың қӯнпың лӣгикнатун кӣмсиӷьяқлъыхӣна̄ўақитыки.

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

1е Петра 5:12

Сила ата̄сӣӷмылңӯгуқ ухпықа̄лгута; ига̄тақа̄ңа такыста̄ҳаҳтыхун посланиямкун лъпысинун. Посланиянка Кияӷныӷым пиниқылъыпӣганың аюқут. Уңипа̄тамсилъю, кайымамсилъю кияҳтыкыстӣсқылъюси пиниқылъҳани.

1е Петра 5:8

Лӣсималюси, кылыңалюси. Аңуяхси Туӷныӷақ иглыӷаңӯқ угинилӷӣтун левытун, иваӷӣқуқ кина на̄фқынъалюку.

1е Иоанна 3:3

Та̄на китум алңунак лъминың сиӷимакыхкумигу Христосыкун пылюңиҳсяӷьяҳқа̄гуқ, катам Христосым пылюңитылъҳатун.