1е Петра 1:12 - Новый Завет на эскимосском языке

¹² Кияӷныӷым ӯкналиқистыт лӣгикыстыкақӣ ӯкналиқуткыхкӣт лъңитнун пиңунӷинъилюки, иўырңа лъпысинун пиңунилюки. Аглыӷналӷӣк Таӷныӷак каяхтыка̄гук қилягмың. Лъңан аҳтуӷьяҳқа̄нӷилъҳакун уңипақилӷӣт Пинилӷӣның Уңипаның уңипа̄ткақӣси тама̄кын. Талўа яқулгыт лӣгиксюпихтыкақӣт тама̄кут.

1е Петра 1:12 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Матфея 11:27

Атама тагивақақа̄ сяңўа̄ қамахтыңъўа̄ӷлюку. Китум алңунак налъюка̄ Иӷнық, иўырңақун Атам. Китум алңунак налъюка̄ Ата, иўырңақун Иӷныӷым, ынка̄м Иӷныӷым накмикыхкаминун лӣтыслъықа̄ Ата.

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Марка 16:15

Пикӣ: «Аӷуляқлъюси нунатаҳа̄нун тамаҳа̄нун уңипақитыки Пинилӷӣт Уңипат тамаҳа̄нун югнун.

От Луки 15:10

Уңипа̄тамси, таўатыҳпигақ Кияӷныӷым яқулги қуя̄қут ата̄сиқ сыӷлыҳқыста авутыҳқылъюни сыӷлыҳқынъанилӷӣ».

От Луки 2:26

Аглыӷналӷӣм Таӷныӷам акықыхка̄ туқуна̄нӷинъилюку кынляңа ысҳалъыҳқа̄нун Мессия Атанӷым акықусяқыхка̄.

От Луки 9:6

Малихся̄ҳтыт аӷуляқлъютың ныңӣҳа̄т такӯкақӣт, уңипақикат Пинилӷӣның Уңипаның, на̄лъҳуқуқатлъю тамаҳӣтни.

От Иоанна 15:26

Каютык каяхлъықахка лъпысинун, Атамың пиңӯк. Таӷныӷа̄гук апыҳтуӷияҳқак Кияӷныӷым ипапилъҳаның. Тагикуми уңипақылъықа̄ңа.

Деяния 10:44

Петр паниның акузималюку қамахлъюки нагалъҳӣт уңипа̄мың Аглыӷналӷӣм Таӷныӷам ӣтқӣ, ынка̄м алъя̄ҳлъюхўатун акузистыкӣлъю, усюқистыкӣлъю Кияӷныӷмың. Обрезаниякат ухпықат Иоппиямың малигуткат Петырымун сяӷӣӷаюкат нагасямыхтыки таўатын акузилъҳӣт. Лӣгикыхка̄т Кияӷныӷым Аглыӷналӷӣк Таӷныӷак тунусяқыхкык талўа язычнигнун. Та̄хкын Петырым пикӣ:

Деяния 16:10

Лыган Павелым ысҳаӷўа̄лъҳан киңуңаның ята̄ҳқукут Македониямун пиналюта, қаюҳлъяк лӣгикыхкыфут Кияӷныӷым уңипақисюкаңилъю Пинилӷӣның Уңипаның тама̄ни.

Деяния 2:33

Кияӷныӷым ныкыхтыкақа̄ Иисус аӷынқигныӷмикун, таўатын қӯлвақақа̄. Акықылъыӷмитун Иисус, тӯныхкақа̄к Аглыӷналӷӣк Таӷныӷак лъңанун, ынка̄м Иисусым хўаңкунъун тӯна̄к. Тама̄кут сяӷӣӷаналӷӣт ысҳақыси, нагаскыси Таӷныӷам аҳтуӷьяҳқа̄нӷилъҳакун пилъҳӯт.

Деяния 4:31

Юӷаныӷмың та̄қақутлъю қырңуӷутфигат мыңтыӷақ уфсюгуткақ. Аглыӷналӷӣм Таӷныӷам имиқӣ қамахлъюки, ынка̄м тытухпынатың уңипаӷьягуткат Кияӷныӷым уңипа̄мың.

Деяния 4:8

Петырым кӣмсиқӣ Аглыӷналӷӣм Таӷныӷам аҳтуӷьяҳқа̄нӷилъҳакун: «Иглыӷутистынилъю, сӣванлъыӷнилъю,

Деяния 8:25

Та̄хкын Петырылъю, Иоаннылъю свидетельстволютык, уңипақилютык Атанӷым уңипа̄мың аӷуляқыхкақ Иерусалимымун. Самариями иглыӷаңулютык, нынун ка̄нъыӷмыгни Пинилӷӣның Уңипаның уңипаӷақылӷӣк.

К Римлянам 1:15

Ынка̄м хўа̄ уңипақиюхлъягӯңа Пинилӷӣның Уңипаның лъпысинунлъю кияҳлъыҳӣни Римыми.

К Римлянам 1:17

Та̄кут Пинилӷӣт Уңипат лӣгикыстӣлъю натын Кияӷныӷым налъҳусяӷақутаңи югыт ылъқуӷутңалъыӷмыхнун. Ухпықилъҳинӣтхун Кияӷнық таўатын пӣқуқ. Катам Акузитни Игақыхкани игақңа̄қ: «Налъҳуҳқыхкақ Кияӷныӷым ылъқуӷутңалъҳанун кияҳлъықуқ ныӷьюклъюку лъңа».

К Римлянам 10:15

Натын югыт уңипақилъықат лъңаның ўытку каяхтылъыңыхкуйың? Катам Акузитни Игақыхкани игақңалӷӣ: «Пиниӷнаҳаӷмың итыгӣт тама̄кут уңипақилӷӣт Пинилӷӣның Уңипаның!»

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

1е Коринфянам 2:10

Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

2е Коринфянам 1:22

налъюнӣӷӣлъю лъңанун пиңулюта, тӯна̄клъю Таӷныӷагни илюмнъун налъяңӣся̄люкык тамаҳа̄нун акықусяқыхкаминун хўаңкунъун.

2е Коринфянам 6:6

Лӣгикыстыңъӯкутлъю Кияӷныӷмун қыпҳақаҳпут пинитун кияҳта̄лъымтыхун, лӣсимакилъымтыхун, нуқытутилъымтыхун, наңлъыхталъымтыхун, пиниқипилъымтыхун, Аглыӷналӷӣгныкун Таӷныӷагныкун.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Галатам 1:16

Ынка̄м хўаңамнун алӣҳтыкақа̄ кинаңутаңа Иӷныни уңипақысқылъюку язычнигнун. Кинкунун алңунак акузиткысяҳтулъҳитақа та̄на,

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 2:4

Кияӷныӷымлъю ипапиҳқыхкақа̄ хўаңкунъун. Таўатын пика̄гуқ атуқылъыӷмикун алъя̄ҳӣна̄т алъя̄ҳлъюхўаҳтилъҳыт, уйыхтылъыӷмикунлъю тунусӣ Аглыӷналӷӣм Таӷныӷам пиюкылъыӷмитун.

К Евреям 4:2

Пинилӷӣ уңипақ Кияӷныӷым мыӷна̄ливиганың аюқылӷӣ нагақуқақаҳпут катам тама̄кустун югыстун Моисейем маӷьяҳқуқӣстун Египетмың. Иўырңа пинилӷӣм уңипам каюсӣтылъҳитӣ қаюҳлъяк ухпықумаңита̄т нагақуқаҳтың.

1е Петра 1:25

иўырңа акузитаңи Кияӷныӷым қӯнпыкаҳқа̄гут». Та̄куста акузитыт Пинилӷӣт Уңипат уңипақыхкаңит лъпысинун.

1е Петра 4:6

Тама̄кын апалъюқлъюку Пинилӷӣт Уңипат уңипақыхка̄гут талўа туқуканун. Тама̄кут нанқихтыка̄гут уңуваңулютың нунами хўани. Иўырңа Пинилӷӣт Уңипат уңипақыхка̄гут лъңитнун, ынка̄м таӷныӷӣт кияҳсяҳқа̄ҳлъықут катам Кияӷныӷым кияҳтылъҳатун.

Откровение 5:11

Ысҳапагумалюңа нагақуӷанка мыңит яқулылӷутыҳлъягыт. Угля̄пихлъыӷӣт кыстыпагниңилңӯт. Ныкывӷатңуфтут увитаңани умӣлгусим ақумутам, стаматлъю уңувалӷӣт, утфатлъю.