1е Петра 1:11 - Новый Завет на эскимосском языке

¹¹ Таӷныӷакык Христосым ӯкналиқистыт илюңитнитка̄гук. Уңипа̄тыкыстақақӣ икфиқылъыҳқа̄ның Христосым, қӯлвалъыңылъыҳқаҳлъяганыңлъю икфиқылъҳан киңуңаның. Ынка̄м ӯкналиқистыт лӣгикнақуткыхкақа̄т кинаңуяҳқа̄таңа Христос, қакунлъю тама̄кут пияҳқа̄таңи.

1е Петра 1:11 Iomraidhean Croise

От Матфея 26:24

Ипапыста̄қ Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Луки 24:44

Та̄хкын Иисусым пикӣ: «Лъпысинитңулюңа хўатын уңипа̄ткақамси: Сяңўа̄т қамахлъютың хўаңамның аюқылӷӣт игақыхкат апыӷӣӷьяҳқа̄гут, Моисейем Лӣлиҳтӯся̄нилңӯт, ӯкналиқистыт игақыхкӣтңилңӯт, псалмынилңӯтлъю».

От Иоанна 12:41

Исаия таўатын пика̄гуқ ысҳақақутминың Иисусым ниӷуҳқылъыҳқа̄ ынка̄м акузиткыхкақыхкаңа.

Деяния 16:7

Туӷўа̄ӷлютың Мисиямун нагныӷнақыхка̄ялӷӣт Вифиниямун, иўырңа Иисусым Таӷныӷахкынка писныӷиткӣ.

К Римлянам 8:9

Иўырңа лъпыси иглықатақңунӷитӣси югусиҳпыси пиюкылъҳан. Иглықатақңўӣси Кияӷныӷым Таӷныӷахкынка, қаюҳлъяк ипа кияҳтыңъулӷӣ илюхпысини. Христосым Таӷныӷакык кияҳтыңъунӷилъкайык илюңани югым, пикынӷита̄ Христосым.

К Галатам 4:6

Лъпыси авақутақутминың Кияӷныӷым, Иӷныӷми Таӷныӷакык каяхтыкақа̄к илюмнъун, қывулъютык пикак: «Авва, Ата!»

2е Петра 1:21

Ӯкналиқистыт накмикумаңитӣт ӯкналиқуткысяҳқатың. Итупилъ Аглыӷналӷӣм Таӷныӷам ӯкналиқистыт акузитылиткақӣ акузисқылъюки Кияӷныҳтамың.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».