1е Петра 1:10 - Новый Завет на эскимосском языке

¹⁰ Ныӷиӷлюку ӯкналиқистыт лӣгикңўа̄ӷнақыхкақа̄т та̄на югулилъық. Ӯкналиқуткыхкақа̄т тунусяқ Кияӷныӷым тӯньяҳқа̄ лъпысинун.

1е Петра 1:10 Iomraidhean Croise

От Матфея 13:17

Ипа уңипа̄тамси, ӯкналиқистылӷутытлъю, юлӷутаңанлъю Кияӷныӷым, ысҳаӷьюкақсяӷӣт ысҳақаси, иўырңа ысҳа̄маңитӣт. Нагақуӷьюкақсяӷӣтлъю нагақуқаси, иўырңа нагақӯмаңитӣт».

От Матфея 26:24

Ипапыста̄қ Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Луки 10:24

Уңипа̄тамси, ӯкналиқистылӷутытлъю, умӣлгытлъю ысҳаӷьюкӣт ысҳаӷаси, ысҳа̄маңилъкаңит. Нагақуӷьюкӣт нагақуӷаси, нагақӯмаңилъкаңит».

От Луки 24:44

Та̄хкын Иисусым пикӣ: «Лъпысинитңулюңа хўатын уңипа̄ткақамси: Сяңўа̄т қамахлъютың хўаңамның аюқылӷӣт игақыхкат апыӷӣӷьяҳқа̄гут, Моисейем Лӣлиҳтӯся̄нилңӯт, ӯкналиқистыт игақыхкӣтңилңӯт, псалмынилңӯтлъю».

От Иоанна 5:39

Иваӷивикақаси Акузитыт Игақыхкат, қаюҳлъяк сюмыҳпысини кынлыңилңуӷмың уңувалъыңвикналюки пӣқаси. Та̄куста ата̄сит Акузитыт Игақыхкат а̄пҳилӷӣт хўаңамның.

От Иоанна 7:52

Пика̄т: «Лъпыклъю Галилеямың пиңузин? Лӣнъақики Акузитыт Игақыхкат. Лӣлъықан ӯкналиқистыңитуқ тагикамың Галилеямың».

Деяния 10:43

Қамахлъютың ӯкналиқистыт пика̄гут, китумңуқ алңунак ухпықыхкумигу а̄тҳакун, сыӷывутылъыңьяҳқа̄гуқ сыӷлыҳқылъыӷминың».

Деяния 17:11

Тама̄кут Иудеяңит нагасюкыстаӷлюкык аюқыхкыхкыт Павелылъю, Силалъю Фессалоникамылңуӷның. Аҳутаңа тамаҳа̄н Иудеит лъңитның лӣнъақыхкӣт Акузитыт Игақыхкат, лӣгикналюки Павелымлъю, Силамлъю апыҳтуӷилъҳик ипаңутаңи.

Деяния 28:23

Та̄хкын накмикыхка̄т аӷнық ата̄сиқ қырңуӷутфигулюку. Та̄на аӷнық ка̄сян угляпихлъютың тагиляӷа̄ткат Павелым кияҳфиганун. Уна̄ҳа̄ның унулъҳанун кынляңа апыҳтуқӣ Атаныҳпагулъҳаның Кияӷныӷым, лӣгикыстыңъўа̄ӷнақуткыхкӣлъю Иисусымың атуқлъюки Лӣлиҳтӯсӣ Моисейем, ӯкналиқистытлъю игақыхкӣт.

Деяния 7:52

Қамахлъюки Кияӷныӷым ӯкналиқистыңи сивуныҳпыси амью̄ткыхкақӣт. Туқуқуқақӣт ӯкналиқистыт ӯкналиқуткысятху Сыӷлыҳқумаңилңуқ тагияҳқа̄ниңатху. Ынка̄м ка̄сян, увыҳпагулъюку туқуткақаҳси.

К Евреям 11:13

Қамахлъютың тама̄кут югыт паниның кияҳтыка̄гут ухпықилъыҳқун туқулъыӷмыхнун кынляңа. Туқуляӷа̄тка̄лӷӣт алъхыҳтыхпынаки Кияӷныӷым акықусяқыхкӣ лъмыхнун. Иўырңа ухпықилъыҳқун ысҳақақӣт Кияӷныӷым акықусяқыхкӣ уяванлъюки сивумыхнилъюки қуякыхкақӣтлъю. Ынка̄ңам уңипа̄ткақӣт югыт нуната̄нилютың хўани нунами, нунамун пикынӷинъилютың.

К Евреям 11:40

қаюҳлъяк Кияӷныӷым успықыхка̄ хўаңкунъун пиниӷатаӷалӷӣңӯқ. Ухпықилъҳа хўатытуқ: акықусяни пина̄нӷитӣ лъңитнун хўаңкуңунаки. Қырңа̄мта қамахлъюта ӣӷўиҳлъықӣнкут.

1е Петра 1:11

Таӷныӷакык Христосым ӯкналиқистыт илюңитнитка̄гук. Уңипа̄тыкыстақақӣ икфиқылъыҳқа̄ның Христосым, қӯлвалъыңылъыҳқаҳлъяганыңлъю икфиқылъҳан киңуңаның. Ынка̄м ӯкналиқистыт лӣгикнақуткыхкақа̄т кинаңуяҳқа̄таңа Христос, қакунлъю тама̄кут пияҳқа̄таңи.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.