1е Коринфянам 9:14 - Новый Завет на эскимосском языке

¹⁴ Таўатытуқ Атанӷым қылӷуся̄: Уңипаҳтытлъю Пинилӷӣның Уңипаның аклъюкыхкатың алъхыҳсяҳқақӣт тама̄куның ухпықиканың Пинилӷӣның Уңипаның.

1е Коринфянам 9:14 Iomraidhean Croise

От Матфея 10:10

Кылъқыхпынаси акмахтамың, симӣткаҳқамың, камыгмың талўа аявӣӷмың, қаюҳлъяк қыпҳаҳта аклъюкыхка̄ның тӯньяҳқа̄гуқ.

От Луки 10:7

Таўантақитык ата̄сими мыңтыӷами, ныӷақлъюки сяңўа̄т упуӷатусӣт. Таўатын пӣқитык қаюҳлъяк қыпҳаҳта акилыҳтӯсяңақуқ қыпҳалъыӷминун. Тукуҳпысиның а̄нақлъюси кинкунун нӯхта̄таҳпынаси.

От Луки 10:8

Ка̄нъыҳпысини нынун, тугуклъиқаңиси упуӷатусӣт нықыт ныӷақитыки.

Деяния 18:3

ылъкыхкыниткақ қаюҳлъяк қыпҳақа̄к лъңан қыпҳақа̄тун аюқылӷӣ. Палаткаңлъялъҳым акиңа кияӷусиқыхкаңат.

1е Коринфянам 4:15

Қайўа апыҳтуӷистытупихсяӷңа̄ҳпыси Христосымың, ататуҳлъянӷитуси. Ухпықсюхўаӷақңафсигу Иисус Христос нагақуӷлюки Пинилӷӣт Уңипат, таўанита атастун лъӣқаңа лъпысинун.

1е Коринфянам 9:11

Кияӷныӷым акузитаңи пӣсяҳқастун аюқут. Хўаңкутуң пӣтысиӷаӷвикыхкақамси, ынка̄м таӷныӷаси қуястыка̄гут. Туңсипахлъықыстӯң туңсиӷвикыхкумси аклъюкыхкамтыгның?

1е Коринфянам 9:12

Апыҳтуӷистым иляңи лъпысиның алъхыӷутңуката аклъюкыхкамыхның, хўаңкутуң ўатақа̄ӷақ пияҳқаҳпига̄яҳтукуң. Йыӷлыги қыпҳаӷьюка̄гукуң маниңырыгаӷналютуң аклъюкыхкамтыгның алъхыӷунъалютуң. Иляңани манипагитақукуң. Талўа тама̄ни а̄псюгигатамси акилыҳтӣсқылъютуң. Уната апалъюқа, китумун алңунак хўатын писюнӷитукуң: «Павел уңипақӣқуқ Пинилӷӣның Уңипаның акилыҳтӯсяңыпигыснаӷналюни».

1е Коринфянам 9:16

Иўырңа а̄ңа̄югусиҳқӣтуңа уңипақинымни Пинилӷӣның Уңипаның, қаюҳлъяк Кияӷныӷым қылъқақа̄ңа уңипақисқылъюңа. Сыӷлыӷўа̄ӷунаяҳтуңа қа̄ткынӷисяқумкун Кияӷнық.

1е Коринфянам 9:4

Варнавалъю хўаңкутуң туңсиӷна̄нӷитӯкуң ныӷьяҳқамыңлъю, мыӷьяҳқамыңлъю лъпысиның апыҳтуқамсини?

2е Коринфянам 2:12

Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

К Галатам 6:6

Кина алңунак апыҳтуқақ Кияӷныӷым апыҳтӯся̄мның, пинилӷӣмың тӯнили апыҳтуӷистыминун.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.