1е Коринфянам 9:11 - Новый Завет на эскимосском языке

¹¹ Кияӷныӷым акузитаңи пӣсяҳқастун аюқут. Хўаңкутуң пӣтысиӷаӷвикыхкақамси, ынка̄м таӷныӷаси қуястыка̄гут. Туңсипахлъықыстӯң туңсиӷвикыхкумси аклъюкыхкамтыгның?

1е Коринфянам 9:11 Iomraidhean Croise

От Матфея 10:10

Кылъқыхпынаси акмахтамың, симӣткаҳқамың, камыгмың талўа аявӣӷмың, қаюҳлъяк қыпҳаҳта аклъюкыхка̄ның тӯньяҳқа̄гуқ.

К Римлянам 15:27

Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.

1е Коринфянам 9:14

Таўатытуқ Атанӷым қылӷуся̄: Уңипаҳтытлъю Пинилӷӣның Уңипаның аклъюкыхкатың алъхыҳсяҳқақӣт тама̄куның ухпықиканың Пинилӷӣның Уңипаның.

2е Коринфянам 11:15

Ынка̄м сяӷӣӷанӣтут Туӷныӷа̄м қыпҳаҳтыңи таўатын пикумың. Югнун сюмыҳтаӷа̄ткыстақут ылъқуӷутңалӷӣңунилютың қыпҳаҳтыңи Кияӷныӷым. Иўырңа кынлыми Кияӷныӷым аӷью̄ҳлъықӣ ылъқуӷутңалӷӣмың аӷью̄лъыӷмың анахутылъҳитнун.

К Галатам 6:6

Кина алңунак апыҳтуқақ Кияӷныӷым апыҳтӯся̄мның, пинилӷӣмың тӯнили апыҳтуӷистыминун.

К Филиппийцам 4:17

Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.