1е Коринфянам 9:1 - Новый Завет на эскимосском языке

¹ Итымңа̄ңа, пиюкылъымтун пияҳқа̄гуңа. Апостолыңӯңа ысҳа̄ткақ Иисусымың Атанымнъың. Қыпҳа̄тылъымкун лъңанун ухпықа̄гуси лъпыси.

1е Коринфянам 9:1 Iomraidhean Croise

Деяния 13:2

Манигӯсималюки Атаныӷмун, постамалюкилъю, Аглыӷналӷӣм Таӷныӷам пикӣ: «А̄фтыкык Варнавалъю, Савлалъю қаюҳлъяк накмикахка алъяның қыпҳақамың қыпҳӣсқылъюкык хўаңамнун».

Деяния 14:14

Иўырңа апостолык Варнаванкук, Павелынкук лӣгиксямыхтыки сянақутаңи а̄ткатынь пӣгуқӣт. Та̄хкын ақфа̄снақ югнун қуңаңӣткак ара̄ма̄гмык:

Деяния 14:4

Ынка̄м Иконияӷмӣт малӷуҳкыхкат, иляңи иляткат Иудеянун, иляңи апостолытун.

Деяния 23:11

Таўани унугми Атанӷым алӣӷвиклъюку Павел пика̄: «Илютулютын, катам таўатын Иерусалимыми уңипақылъыҳпытун, Римымилъю уңипақылъықаҳпыңа».

Деяния 9:15

Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю.

Деяния 9:17

Ынка̄м Ананиям такука̄ Савля. Итыӷлюни ся̄фсима̄н пика̄: «Аңлыгутымни Савля, Атанӷым Иисусым ысҳақаҳпык тумыни тагиңулютын, каяхта̄ңа лъпынун. Каягута̄тын ся̄фтысқылъютын ысҳа̄сягунъықихтысқылъютын, имӣсқылъютынлъю Аглыӷналӷӣгның Таӷныӷагның».

Деяния 9:3

Ынка̄м Савля аӷуляқыхкақ Дамаскымун. Ӣўынлъю ка̄сяҳтуӷақуқ, қилягмың ниӷухлъягым кукыхтыка̄.

Деяния 9:5

Савлам а̄птыка̄: «Кинаңузин Атанық?» Мым кӣмсиқа̄: «Иисусыңӯңа амью̄ткыхкан.

К Римлянам 1:1

Укут посланият Павелымың пиңӯт; қыпҳаҳтыка̄ңа Иисус Христосым. Кияӷныӷым туқлъюқақа̄ңа апостолыңулюңа, накмикыхкақа̄ңалъю уңипақысқылъюки Пинилӷӣт Уңипани.

К Римлянам 1:5

Лъңакун наңлъыкылъыңума̄ңа апостолыңулюңа. Таўатын Кияӷныӷым пикақа̄ңа туқлъӣсқылъюки нунатаҳа̄н юги ухпықысқылъюкулъю, қа̄ткысқылъюкулъю Христос. Ынка̄м Христосым а̄тҳа қӯлвалъыңылъықуқ.

К Римлянам 11:13

Ма̄тын алыҳқуӷьюгамси лъпыси язычнигни. Кияӷныӷым накмикыхкақа̄ңа апостолыңулюңа язычнигның. Ынка̄м пира̄мсипихлъюңа пӣқақа уна мыгнуналӷӣ қыпҳақақ Кияӷныӷым қылӷутка̄ хўаңамнун.

1е Коринфянам 1:1

Укут посланият Павелымың пиңӯт, Кияӷныӷым накмикыхка̄ның Иисус Христосымун апостолыңулюки. Ухпықа̄лгутфут Сосфен хўаңамнитуқ.

1е Коринфянам 10:30

Игамсиқаюгвикыхкумкун Кияӷнық ныӷьяҳқамның, сяңанңам китум сыӷлықӯҳлъықаңа ныӷыхкума игамсиқаюгуткыхкамның?»

1е Коринфянам 11:16

Паниның кина а̄ҳтӣра̄ӷьюгукуми насқуӷӣтамың, уңипа̄нъықихтаҳлъякун та̄ната апостолыни апыҳтӯсяқақыхкыфут, Кияӷныӷым юган атуқақа̄т апыҳтӯсяқ на̄нсяӷңа̄ӷмың.

1е Коринфянам 3:6

Лъпыси Кияӷныӷым пӣтысиӷаӷвикӣси. Пӣтысиӷаӷақуңа, Аполлосым мыҳқақа̄, иўырңа Кияӷныӷым нагустақа̄.

1е Коринфянам 9:19

Қыпҳаҳтыля̄ӷунӷисяӷңа̄ӷма, хўаңамның катам қыпҳаҳтыля̄ӷуҳтыка̄гуңа китумун алңунак, югмун углялӷӣмун ухпықысқылъюку Христос.

2е Коринфянам 10:7

Нанқихтӣқуси ысҳалъҳӣнаҳпысигун. Христосымун пикыпыста̄ӷникуфси, нықамиклъюку хўаңкуталъю Христосым пикӣлъю, лъпысистун.

2е Коринфянам 11:5

Тама̄кут уңипақистыт апостолыңунилютың пӣқут. Сюмыӷмыхни а̄ңўа̄ӷунӣқут апостолыт. Иўырңа лӣсимаканка а̄ңўа̄ӷунӷитут хўаңамның.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 1:1

Укут посланият Павелымың пиңӯт, апостолымың. Югыт накмикылъҳита̄тңа апостолыңулюңа, талўа каяхтылъҳита̄тңа. Апостолыңӯҳтыка̄гуңа Иисус Христосыкунлъю, Кияӷныҳқунлъю Атакун, уңуваҳтыстикақ лъңаның туқулъыӷмың.

К Галатам 5:1

Христосым хўаңкута итымуткақутаңаның, итымыпӣгума̄кут. Ынка̄ңам ныкывӷатык аӷулӣлъка̄люси, қыпҳаҳтыля̄ӷуҳнықихтыхпынаси Лӣлиҳтӯсянун.

1е Фессалоникийцам 2:6

Усюқыся̄юхтыңъунӷитукут югның, лъпысиның, налиӷмың кинкуның.

1е Тимофею 2:7

Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

2е Тимофею 1:11

Пинилӷӣт Уңипат апалъюқлъюки Кияӷныӷым накмикыхкақа̄ңа уңипақистыңулюңа, апостолыңулюңа, апыҳтуӷистыңулюңалъю.