1е Коринфянам 8:7 - Новый Завет на эскимосском языке

⁷ Иляңита ухпықат налъюкӣт кияӷныңлъяқат кияӷныпигунӷитуляңи. Тама̄кын апалъюқлъюку ухпықақӣт нықыт аҳқуткақнилюки кияӷныпигнун. Ынка̄м ныныӷмыхни аҳтуткыхкамың сюмыҳтаӷаӷақут: «Сыӷлыҳқуңа».

1е Коринфянам 8:7 Iomraidhean Croise

Деяния 15:20

Итупилъ посланиятхун ныӷыснанӣлътыки нықмың аҳтуткыхкамың кияӷныңлъяқанун, қымиткамың тыӷикусямың, а̄ўмың; иныҳтылътыкилъю блуда писқылъюку.

К Римлянам 14:14

Атаныҳқун Иисусыкун лӣсимакңўа̄ӷақа аваңитуқ ӣнӷуткамың нықмың. Иўырңа югым ухпықыхкумигу сяңўа̄ ӣнӷутка̄люку, та̄ўа лъңани ӣнӷутка̄гуқ.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

1е Коринфянам 10:25

Сяңўа̄ алңунак кымыкшак тукфиқаҳси акилъпыгаӷвигмың ныӷақитыху сюмыҳтаӷа̄ткыхпына̄н аҳқуткыхка̄таңа кияӷныңлъяқанун.

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Коринфянам 8:4

Ынка̄м ныӷылъықыста̄ аҳтуткыхкамың кияӷныңлъяқанун? Лӣсимакапут кияӷныңлъяқат кияӷныӷунӷитут. Ата̄сиҳа̄гуқ Кияӷнық, алъя кияӷныӷитуқ.

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.