1е Коринфянам 8:11 - Новый Завет на эскимосском языке

¹¹ Ынка̄м лӣсималъыҳпык сыӷлыҳқыстыся̄ӷа̄ кая̄лңуқ ухпылъҳа ифлъяслъюку, ухпықа̄лгуткан Христосым туқуткыхка̄.

1е Коринфянам 8:11 Iomraidhean Croise

От Иоанна 6:27

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

К Римлянам 14:15

Ухпықа̄лгутын унӣӷмиқумакан сямың ныӷыхкаҳпының, та̄ўа пиниқнанӣма̄н. Ныӷыхкаҳпынун на̄фқыстыхпына̄н ухпықилъҳа Христосым туқуматкыхка̄.

1е Коринфянам 10:33

Ыфқуҳнақуткақанка юлгутынка сялъымкун алңунак. Хўаңаңинамнун пинилъыҳқақ пиңигатақа, иўырңа пиниҳқылъыҳқӣтнунлъю юлгутма пӣқуңа, углялӷӣ югулилъыңысқылъюку.

1е Коринфянам 8:13

Ынка̄м ныӷылъымкун аҳқутқыхкамың сыӷлыҳқыснаюкамкун ухпықа̄лгутка, алъямыңлъю ныӷна̄нӷитуңа сямың тама̄кын.

1е Коринфянам 8:4

Ынка̄м ныӷылъықыста̄ аҳтуткыхкамың кияӷныңлъяқанун? Лӣсимакапут кияӷныңлъяқат кияӷныӷунӷитут. Ата̄сиҳа̄гуқ Кияӷнық, алъя кияӷныӷитуқ.