1е Коринфянам 8:1 - Новый Завет на эскимосском языке

¹ Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Коринфянам 8:1 Iomraidhean Croise

Деяния 15:10

Ынка̄м сяңанңам Кияӷнық сякша̄снақуткыңъустыху қылылъыҳпысигун язычнигыт ухпықӣт қа̄ткылъюки Лӣлиҳтӯсяпут кияҳтысқылъюки? Талўа сивунымталъю хўаңкуталъю қа̄ткыпагниңилъкыпут та̄кут Лӣлиҳтӯсят югулилъыңналюта.

Деяния 15:29

Ныӷыхпынаси нықмың аҳтуткыхкамың кияӷныңлъяқанун, а̄ўмың, тыӷикусямың қымиткамың, нуқытутақитыхулъю блуда. Малихтыкуфсики та̄кут Лӣлиҳтӯсят та̄ўа пинитун пилъықуси. Таўатыңинақ письмомамси».

Деяния 21:25

Та̄кут язычнигыт ухпықӣт уңипа̄ткақапут посланиятхун қа̄ткысқылъюки укут: “Ныӷыхпынаси нықмың аҳтуткыхкамың кияӷныңлъяқанун. Ныӷыхпынаси а̄ўмың. Ныӷыхпынаси қымиткамың тыӷикусямың. Нуқытақитыклъю блудамың”».

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 12:16

Кияҳтык ныкыхмытулъюси. Қука̄юхтыхпынаси йыӷлыги илякитыки укаванталӷӣт. Сюмыҳтаӷа̄ткыхпынаси пыҳқинӷунилюси иляхпысиның.

К Римлянам 14:10

Лъпыси, сяңан нанқихтақыстыки ухпықа̄лгутыси? Сяңанлъю сӣвакигастыки ухпықа̄лгутыси? Нықамиклъюку, қамахлъюта ныкывьяҳқа̄гукут сивуңакун Кияӷныӷым, лъңанун нанқихтысқылъюта.

К Римлянам 14:14

Атаныҳқун Иисусыкун лӣсимакңўа̄ӷақа аваңитуқ ӣнӷуткамың нықмың. Иўырңа югым ухпықыхкумигу сяңўа̄ ӣнӷутка̄люку, та̄ўа лъңани ӣнӷутка̄гуқ.

К Римлянам 14:19

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

К Римлянам 14:22

Кияӷныҳӣнақлъю лӣсимаксяҳқақаҳси тама̄кут ухпықыхкаҳтын. Қуяқуқ ю̄к атуқныӷминики ухпықыхкани ылъқуӷутңанилюки сыӷлыӷниткыхпынаки.

К Римлянам 14:3

Югым ныӷыхкаюгым алңунак нықмың, сӣваклъигу ю̄к нықаюк нунивахсыӷаҳӣнаӷмың. Югым ныӷыхкаюгым нунивахсыӷаҳӣнаӷмың, нанқихныӷилъигу ю̄к нықаюк алңунак нықмың, қаюҳлъяк Кияӷныӷым тугуклъӣма̄.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

1е Коринфянам 1:5

Ынка̄м лъңакун аклъюңиӷика̄гуси лӣгикылъыӷмыңлъю, акузилъыӷмыңлъю. Ынка̄м ма̄тын лӣгикатаӷаҳлъықаҳси Христос, акузиткатаӷаҳлъықаҳсилъю Атанық.

1е Коринфянам 10:15

Алыҳқуӷамси сюмыӷнылгулюси, сюмыҳтаӷа̄ткынъакыси сямың пилъқа.

1е Коринфянам 10:28

Иўырңа китум пикаңиси: «Та̄на аҳқуткыхка̄гуқ кияӷныңлъяқанун», ныӷыхпына̄н, уңипа̄тистыхпыси ухпылъҳа кая̄лиснаюкафсигу, қаюҳлъяк лъңани анахутңалӷӣңӯқ. Ынтақун сюмыҳтаӷаӷнаялӷӣси: «Сяңаматуқ пиюкылъымтун пияҳқа̄нӷисиңа? Сяңаматуқ китум иныҳқуӷаӷақаңа алъятун сюмыҳтаӷақаюгым хўаңамның?

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Коринфянам 15:34

Сюмыҳтаӷаӷақлъюси пинитун, сыӷлыҳқынъаниҳтык, иляси акулыхпысинилңӯт апыҳтӯмаңилңӯгут Кияӷныӷмың. Қаюҳлъяк лъпыси ухпықани кайңуюгьяҳқа̄гуси.

1е Коринфянам 4:10

Хўаңкута налъюңуҳтыка̄гукут Христос апалъюқлъюку, иўырңа лъпыси сюмыҳпысини пыҳқиныпигӯси ухпықани. Югыт ўа̄кигатӣлъю, иўырңа сюмыҳпысини лъпыси нагатақӣсилъю, қӯлваӷақӣсилъю, хўаңкута пиңигатӣтинкут.

1е Коринфянам 4:18

Иляси а̄ңа̄югныӷуҳтақут, қаюҳлъяк сюмыӷмыхни ля̄лиҳна̄нӷинъилюңа пикақа̄тңа Коринфымун.

1е Коринфянам 4:6

Ухпықа̄лгутымни, лъпыси апалъюқлъюси Аполлослъю хўаңкутуң успутақңӯкуң. Успута̄гукуң лъпысинун лӣтысқылъюку уна игақңалӷӣ сямың писӣтаңа: «Қа̄ткақитыки сяңўа̄т игақңалӷӣт Акузитни Игақыхкани». Налиҳӣнаҳпыси а̄ңа̄югуткысяқуна̄н ата̄сиқ ю̄к, а̄лъҳа угумиклъюку.

1е Коринфянам 5:2

Паниның ю̄куткақытсӣ лъпысиның катам? Қивӷуҳлъягьяқлъыгыстун! Лъпыси иқисяқлъыгыстун ю̄к та̄на акулыхпысиның.

1е Коринфянам 5:6

Пинӣюхтылъыҳси сыӷлыӷӯқ. Лӣсимакаҳси хўатын пилъық: «Закваскам ҳӯҳтыстыҳлъякаюўа̄ акӯтақ».

1е Коринфянам 8:2

Ю̄к пилъхуюгнық, ысҳаҳу та̄на паниның лӣсяҳқаҳтуқақ.

1е Коринфянам 8:4

Ынка̄м ныӷылъықыста̄ аҳтуткыхкамың кияӷныңлъяқанун? Лӣсимакапут кияӷныңлъяқат кияӷныӷунӷитут. Ата̄сиҳа̄гуқ Кияӷнық, алъя кияӷныӷитуқ.

1е Коринфянам 8:7

Иляңита ухпықат налъюкӣт кияӷныңлъяқат кияӷныпигунӷитуляңи. Тама̄кын апалъюқлъюку ухпықақӣт нықыт аҳқуткақнилюки кияӷныпигнун. Ынка̄м ныныӷмыхни аҳтуткыхкамың сюмыҳтаӷаӷақут: «Сыӷлыҳқуңа».

К Ефесянам 4:16

Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

Откровение 2:14

Иўырңа пиюкынӷитусинка лъпысинун укуңӯт: та̄ўа лъпысинитут иляңи қа̄ткулъҳӣт Валаамым апыҳтӯся̄нун. Апыҳтуқақа̄ Валак натын сыӷлыҳқыстысқылъюки Израилыӷмӣт. Ынка̄м Валакым апыҳтуқақӣ ныӷьяӷңӣта писқылъюки нықыт аҳқуткыхкат кияӷныңлъяқанун. Апыҳтуқақӣлъю итагнаӷнилюку алңунак развратылъыӷқақ.

Откровение 2:20

Иўырңа укуңӯт тыңвимун аюқыхканка лъпысинун: Аӷулӣҳнъыӷитаҳси аӷнақ Иезавель апыҳтуӷилӷӣ ипаңунӷилңуӷның. Ӯкналиқыстыңунӣқуқ Кияӷныӷмун. Иўырңа апыҳтуӷилъыӷмикун пӯҳтақӣ югынка развратысқылъюки, ныӷысқылъюкилъю нықыт аҳқуткыхкат кияӷныңлъяқанун.