1е Коринфянам 7:34 - Новый Завет на эскимосском языке

³⁴ Таўатыҳпигақ аӷнатлъю аюқут. Аӷнат угиңӣткат, угӣӷумаңилңӯтлъю қыпҳалъыҳқаҳта̄ӷатут Атанӷым қыпҳақа̄ның, қаюҳлъяк югуситыңлъю, таӷныӷатыңлъю тӯньюгақӣт ӣңунӣта Атаныӷмун. Иўырңа угилык қыпҳаӷатаӷақаюгӯқ кияҳта̄лъҳым қыпҳақа̄ның қаюҳлъяк ыфқуҳсюгақыхкаңа угини. Лъңанлъю сюмыҳтаӷалъҳа малӷуҳқыңъа̄қ.

1е Коринфянам 7:34 Iomraidhean Croise

От Иоанна 10:13

Ю̄к акилыҳтуқаюк қимагьяҳқа̄гуқ, қаюҳлъяк тымңи қыпҳаҳтыңулӷӣ ынка̄м лыган ўа̄кна̄нӷитӣ пынъӣӷыт.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

1е Коринфянам 7:33

Нулӣлык қыпҳаӷатаӷақаюгӯқ кияҳта̄лъҳым қыпҳақа̄ның қаюҳлъяк ыфқуҳсюгақыхкаңа нулӣни. Ынка̄м сюмыҳтаӷалъҳа малӷуҳқыңъўа̄қуқ.

1е Коринфянам 7:35

Таўатын пӣмси каюсӣнъалюси. Ныңуҳтыснанинӷитамси. Иўырңа накмикысюгақа пинилъыҳпигақ лъпысинун қыпҳа̄тысқылъюку Атанық угляфқусиңунаси.

2е Коринфянам 11:28

Тама̄кут ся̄ӷўитхун, аҳутаңа тамаҳа̄н сюмыӷьялиткыхкақанка ухпықа̄лгутыт тамаҳӣтни юӷаӷвигни.

2е Коринфянам 8:16

Игамсиқаюгвикақа Кияӷнық қаюҳлъяк Тит каюсиӷиюхтыстыҳлъякаңа лъпысиның катам хўаңкутыстун.

К Филиппийцам 1:20

Пиюкылъыҳлъякалъю, сиӷимакылъыҳлъякалъю ысҳа та̄на, кайңусяӷа̄тыфқа̄ма пиналюңа Христосымун. Итупилъ кияҳсюгақуңа илютулюңа ўатақа̄ӷақ ма̄тын анусимиңлъяӷвигмытылъымни. Ынка̄м Христос қӯлвалъыңылъықуқ уңуваӷңа̄ӷма, налиӷмың туқуяӷңа̄ӷма.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

1е Тимофею 3:5

Иглыӷутиста иглыӷутилъхискуми лъми катам ныңлъюгутминың, натынңам афлъыңакылъықаки ухпықистыңи Кияӷныӷым?

1е Тимофею 5:5

Угиңиӷақ илякўа̄ӷӣткақ сиӷимаңӯқ Кияӷныҳқун. Ынка̄м унухтӯма̄н, аӷныҳтӯма̄н юӷа̄маңина̄гуқ каюсӣтысқылъюни.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.